السلام عليكم ورحمة الله وبركاته
ابغى اطرح مشكلتي عليكم وابغى شوركم علي ونوروني
انا متزوجه عمري 24 سنه عندي ولله الحمد طفلين
مشكلتي تكمن في ام زوجي هي تصير عمتي اخت جدي
كبيرة في السن متوفي زوجها وعندها بس
ولدين زوجي واخوه اصغر منه بسنه وتوه عزوبي
غيرتها شديده مره مني رغم اني كتوووووووم مره
تساالني عن طلعاتنا ورحاتنا وجياتنا
وتقلد علي وماتعطينا فرصه انا وزجي نتكلم كلمتين على بعضها الا وهي مقاطعتنا
واذا صرنا جالسين مع بعض تناظرني وماتطيح عيونها مني
وكل حركه اسويها او قومه وقعده تناظرني
تعبت منها ومن غيرتها الشديده
صرت نادر مااجلس معها
وعلاقتي فيها سطحييييييه مرررررره
ابي رايكم ومشكورين يعطيكم العافيه
يعني المخلوقة زوجها متوفي فاكيد راح تغار من زوجة ابنها وابنها هههه
حبيبتي انصحك نصيحة لوجه الله
ام زوجك خليكي رسمية معها وحاولي اعزميها على مطعم او اعزميها ببيتك على فطور او غدا او عشا وحاولوا طلعوها معكم اذا روحتوا الكورنيش او رحلة برية او المول والله راح تتغير معاكي وتنبسط منك حتى لو كانت قاسية
واكسبيها بالهدايا كل فترة وفترة اشتري لها هدية واهديها المهم ادفع بالتي هي احسن
كلما كبر الشخص احتاج الى العطف والحنان والاهتمام يرجع كالطفل
هي الان بلا زوج رفيق الدرب وابنائها تخشى ان ينسوها
كما قالو لك الاخوات
حسسوها انكم تحبونها ولن تنسوها
اعزموها معكم واطلعو بها للتمشيه
وجيبي لها انتي وابنها هدايا
وشاوروها
ضعي نفسك مكانها بعد زمن وفكري في اشياء تسعدك لو ان ابنائك وزوجاتهم يعملوها لك..... ففعليها لها الان لتسعدها
ولله يوفقكم
عجبنا من بنات حواء حبيبتي هي امه وانتي ام وعرفتي وش معنى ام حملت وولدت وسهرت وربت وانتي جيتي اخذتيه بارد مبرد تبينها ماتغار حبيتي عامليها كما تعاملين امك وبعدين هذي عمتك وام زوجك يعني بدل الاحترام صله قرابه ووصل عامليها بالمعروف ومافيها شي اذا سالتك المفروض انتي تقولين لها تروحين معانا المكان الفلاني هي ماراح تروح بس بتكبرين في عينها وانتي اول ماتجين احكي لها وش صار ووش شفتي
__________________
لااله الا انت سبحانك اني كنت من الظالمين
الله يجزاكم خير يابنات ويجعله بموازين حسناتكم
على تفاعلكم وردودكم
طبعا ابوي زوجني ولد عمتي وهو توه يدرس وبعد ستة شهور توظف
وتغربت معه
يعني مقدر اعزمها خخخخخ
طبعا في بداية زواجي كنت اعاملها زي امي وافضل لأني اعاملها بكل ذوق واحترام وقبل كل شي محسنة النيه ومخلصه هذا العمل لله
وكنت اجلس معها كثير وتسولف علي وكنت اصغي لها واذا دخل علينا زوجي تقلب علي 180 درجه وكني وحدة هي ماتعرفها وتكمل السالفه لزوجي وابد معد تلتفت علي او تطالعني قسم بالله أتعجب من تصرفاتها لأني ولله الحمد عاااقله ومحكمني عقلي بكل تصرفاتي
والله اني احترمها واقدرها اكثر من امي
واذا جينا من السفر انام عندهم يومين بعدها اروح لهلي
طبعا لما نكون على الغداء وعلى العشاء الجو كله لها
سوالفها وضحكها كلها مع زوجي وماتطالعني او تشاركني معهم يعني كأن مالي وجود معهم او مالي اي اعتبار
وفي المقابل لو كلمني زوجي بكلمتين على طول تقاطعه ولو حتى توه يتكلم
وطبعا تلقمه قدامي (يعني تأكله) لكن هي غيرتها غريبه تحب تغظيني[تبي تثير غيرتي ]وتبغى تشوف ردة فعلي والله هي ماتحرك شعره فيني
و اتجاهل تصرفاتها وكأني ماشفت ولا سمعت وتجلس جنبه طبعا على طول هي تجلس جنبه واذا جلست جنبه تمسد على كتفه وشعره وبعدين تلتفت علي وتتبسم !!! وربي انها غررريبه ؟