شوفي اختي.. والله الصراحة ما في احسن منها.. ولكن تجنبي لما تكونين متضايقة ومنفعلة جدا انك تقولين له انك متضايقة منه انتظري تهدأ نفسك وبعدين كلميه بكل لطف وحنان,, لنه إذا كنتي منفعلة يمكن تغلطي عليه وتجرحينه من غير قصد..
واحيانا الوحدة مننا تتضايق من شي معين من زوجها ويكون هذا الشي تافه والسكوت عنه يكون افضل من الكلام فيه,, لكن إذا كان هذا الشي ما ينسكت عنه لازم تكلمينه في اي وقت تحسينه مناسب.. يعني انتي تقدرين الموقف..
والله ايام الخطوبة كنت اشوف من زوجي تصرفات واجد ما تعجبني وكنت اسكت عنه للما فترة من الفترات حسيت نفسي اكرهه.. وشوي شوي قمت اصارحه والحال ولله الحمد تغير.. ولا تنسي الاسلوب له دور..
عندك على سبيل المثال البارحة صادني موقف مع زوجي واجد تضايقت منه في داخلي لكن ما بينت له.. اهل زوجي كلهم مسافرين ما عدا اخوه, وانا وزوجي صايرين في البيت تقريبا لوحدنا, وصديق زوجي البارحة طلب منه ان يطلعون ويغيروا جو, انا قلت له روح واستانس ما عليك مني انا ما راح اتضايق,, وهو وعدني انه ما راح يتاخر..
المهم طلع مع صديقه وراحوا السينما وما رجع البيت إلا الساعة 3 الفجر وهو كان طالع من الساعة 8 الليل... تخيلي اي كثر كنت متضايقة.. لكن ضغطت على نفسي ولما رجع كان مستحي مني ويطالعني وكان يبي يبرر موقفه,, قلت له خلاص حبيبي ولا يهمك اهم شي انك استانست واخذته وضميته وعملت له مساج للما نام...
اليوم سويت له حركة عشان اخبره اني كنت متضايقة ولا يكرر الموقف,, كتبت له رسالة : حبيبي الغالي والله اني اسعد انسانة لأنك انت زوجي... والله والله والله اموت فيك ومالي غنى عنك.. الله لا يحرمني منك... اتمنى انك تخف من دلعك علي وتغليك,, وتذكرني عاد ما اقدر ارتاح وانت بعيد عني.. آخر مرة تتأخر علي في طلعتك, وإلا عقابك يوم كامل من دون بوس.. عاد انت وشطارتك...!!
وانا متأكدة انه بيقرأ الرسالة وبيضحك وما راح يكرر الموقف.,, وانتي قولي رأيك مو احسن من اني اعمل مشكلة او اشيل في قلبي عليه؟؟
ومشكورة يالغالية على الموضوع الحلو...