السلام عليكم ورحمه الله وبركاته


مساء الخير


آخر تطور في مسئله اخوي مع الشغاله الاندنوسيه ... اخوي الكبير تصرف .. والشغاله سفروها

تدون يا خواني .. انا ظلمت اربابها .. طلعو مايدون عن طلعتها معاهـ .. كانت تطلع مع السواق بحجه التسوق والاغراض

الي ناقصه بيتهم.. كانت تقول له متى راح تطلع وين بتروح .. بس بعدين كشفوها


وبالنسبه لجلستها معهم .. أهم كلمو اخوي الكبير وقالو له انهم عاملوها زين وخافو الله فيها علشان كذا كانت جالسه


معهم لمن راحت لهم اختي


وبالنسبه للجوال محد من البيت كان يدري ان عندها جوال اصلا



وتدرون ان اصحاب البيت يقولون لاخوي الكبير والله لومانخاف الله كان ذبحنا اخوك وقدام الناس ..


تدرون انه اخوي يروح بيتهم ويطلب يشوفها !!!!


يقولون لاخوي الكبير .. اخوك مجنون او مختل عقليا


الحين اخوي جالس يجمع فلوس علشان يرجعها .. وعلى حسب قوله لنا امس اذا ماقدر يرجعها راح يسافر لها ولا يرجع لنا


(أهو ماقالها كذا .. بس اختي استفزته بشي تهاوشت معاهـ .. وقال انا عندي شي اذا ماجبته هنا انا بروح له بسافر ولا


راح تشوفوني) وطبعا لانه احنا عارفين هالسالفه فهمنا قصدهـ


اجتمعنا كلنا امس .. ابوي قال ماراح ادفع عنه اقساط سيارته .. لانه الوالد الله يحفظه أهو الي يدفعها .. يقول ابوي


ماراح ادفعها علشان أهو يدفهعا ولا يجمع فلوس علشان يروح


وللمعلوميه .. أهو اشتغل بس شغله بسيطه راتبه مايتعدى 1500... واقساط السيارهـ 1200.. يقول ابوي ماراح يقدر


يجمع شي اذا دفع الاقساط الي على سيارته


وعلى فكرهـ تراهـ مايدري انه كل البيت عرفو بسالفته .. احنا مانبغاهـ يعرف انه احنا عرفنا .. نخاف يسوي شي .. او


انه يستعجل في السفر .. وبعدها نخسرهـ طول العمر لانه مايسمع الكلام


ابي مشورتكم وش نسوي بعد غير سالفه السيارهـ علشان مايروح لها .. وعلى فكرهـ جوازهـ ماندري عنه وينه


اختكم هموووم

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "

كنت ناوية أقول لك خبوا جوازه ..
بس إنتي سبقتيني..

الحمد لله إن أخوك تصرف والخادمة سفروها على الأقل لديكم فرصة للتفكير ..
جزاك الله خيرا على ذكر أن أرباب هذه الخادمة لا يعلمون شيئا حتى لا تظلميهم وحتى تبرئي ذمتك من الكلام الذي قيل عنهم في المشكلة السابقة ..
أبوك فعل خيرا بأن قطع عنه دفع الأقساط .. خطوة ذكية فعلا ..
ألا تستطيعوا ان تدخلوا غرفته أثناء عدم تواجده والبحث عن جوازه ..؟؟
هل من الممكن أن تستخرجوا أمر منع دخولها مرة أخرى إلى البلاد..؟؟ والله لا أعرف كيف ولكن أسألوا ..؟؟ وقد يستطيع رجال الهيئة مساعدتكم في ذلك .. طبعا من وراء أخوكم ومن دون علمه ..
أخوكم يحتاج للرقية .. فلا تتهاونوا في موضوع العمل أو السحر ..

حبيبتي اخوك مو طبيعي ابدا وهذا الي واضح وجايز يكون مسحور وهي ساحرته والله اعلم خذوه عند احد الرقاه الثقه واكشفوا عليه وان شاء الله الله بيسهل امركم

هلا اختي بحرينيه .. مشكورهـ اختي عالمتابعه ..


بس غرفته دايم مقفله من يطلع منها قفلها على طول


بس مسئله انها ترجع تدخل البلد ... مادري عنها .. انا بسئل اخوي واشوف


الف شكر اختي

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "

اختي امل

أهو عنيد لدرجه ماتتصوريها

ياليت نقدر نجيب شيخ يقرا عليه بس وش نسوي


مشكوره اختي

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "

انا مااعرف شيء عن مشكلتك اخت هموووووم

سلامات والله ماتشوفوا شر

اتوقع مثل ماتفضلت الأخت امل الحيـاه انه يكون مسحور

وجايز مايكون مسحور بس الشيطان يلعب دوره

بالنسبة للجواز يااختي حتى لو اخذتوه وخبيتوه عنه

ممكن يطلع واحد بدل فاقد ويسافر

لكن افضل طريقة تكلموا ابوك يروح الجوازات ويشرح لهم الوضع يمنعوه من السفر

لمن لم يطلع على المشكلة الأساسية ..
هذا رابط الموضوع ..

http://www.66n.com/forums/showthread...E4%E6%D3%ED%C9

اختي ممكن ابوك يقدم طلب لأدارة الجوازات يطلب منهم انه مايسمحوو لاخوك بالسفر خارج البلاد وبكذا تضمنوو ان شاء

الله انه مايسافر وراها لبلادها

اسئل الله العلي القدير هدايته

تحياتي لك وبالتوفيق

حتى لو منعتوه ممكن يسوي شئ يعني ياخدها ضد

هذا مو حب هذا جنون

أنا أضم صوتي لأمل الحياة

هذا مو طبيعي. لازم تجيبوا له شيخ راقي

و يا رب يهديه

__________________

الف الف الف الف مبروك ي همووم على حل نص المشكلة والحمدلله

ارتحتوا منها والله فرحتيني يوم دريت انهم سفروا الشغالة

اختي انا اشوف انه يمكن انتم تعاندونه وتحرجونه بالسالفه وبهالطريقة اكيد هو بيتمسك برايه و يعاند

اللحين هالفترة حاولوا تكسبونه

يعني عاملوه باحترام ومحبة شديدة

وحسسوه باهميته في البيت و دوره

ولا تجيبووووون للموضوع طااااااااااااااري اببببببببد

وياليت اختك ما تتناقش معه بالموضوع وتستفزه يعني الرجال مو ناقص

والله يوفقكم و يسهلها و ييسرها
وتنحل السالفه يارب

بالتوفييييييييييييق

وطمنينا اختي

__________________