بسم الله الرحمن الرحيم
سجلت فالمنتدى لعلي اجد لديكم الحل لمشكلتي فانا التمس فيكم الحكمه جزاكم الله خير
تزوجت قبل5 سنوات ولدي طفلتين زوجي موظف وراتبه جيد طيعه هاديء كتوم منذ تزوجته وانا اشعر انه يخفي شيء او باﻻصح غريب اﻻطوار ﻻينام احيان يجلس يومين كامله ﻻينام ﻻيتكلم معي ﻻيخبرني عن نفسه ابدا ﻻيضحك اﻻنادرا ﻻيمدحني ﻻيرغب ان ابقى معه فالمنزل اوكنت اشعر كذلك
حدث قبل الزواج باسبوعين اشتريت له هديه واخبرته ان يترك باب السياره مفتوح ﻻضع الهديه فيها عندما اتى ليزورنا
ذهبت للسياره وفتحت الباب ووضعت الهديه فتحت الدرج كنت اريد ان اعرف اي شيء عنه فهو ﻻيتحدث وﻻيكلمني اﻻ ف اﻻسبوع مره وﻻيكمل خمسة عشر دقيقه اي بعكس باقي الشباب ايام الخطوبه وتفاجأت بعلبة دخان ووﻻعه
كلمت خالي ﻻأسأله بحكم انه صديقه ولكن خالي انكر وحلف ان خطيبي ﻻيدخن وكلمه واخبره بماحدث واتصل بي ليعاتبني ﻻني لم اواجهه
(بكتب بالعامي)
بعد الزواج بديت اكتشف شوي شوي عرفت انه مدمن للعاده السريه وانه حتى بعدالزواج ماتخلص منها ودايما يفتح مقاطع اباحيه مع انه ماينقصني شيء جميله بشهادة الجميع اﻻ هو....
وقبل سنتين تقريبا لقيت معه حبه بجيب ثوبه انصدمت لكن فتحت النت وبحثت لقيتها كبتاجون كان نايم بالغرفه الثانيه رحت صحيته وسألته انصدم وسكت رجعت سألته حلف ايمان مغلظه انها ماهي له ومايدري اش هي له اخذتها ورميتها وقاطعته ذيك الليله طلع وجلس ثﻻث ساعات برا ورجع ساكت اعطيته عشاه وحده بعدما نامت بنتي جاء اعتذر وحلف انها مو له وانه مستحيل يستخدم حاجه كذا وعاتبني ﻻني شكيت فيه يعني قلب السالفه علي بكيت انا بكى قوي مره حسيت اني ضايعه وخايفه لكن صدقته يمكن ﻻني ابغى اصدقه وارتاح من مواجهة موضوع مثل هذا
حاولت انسى الموضوع لكن الفتره اﻻخيره كأني صحيت وبديت ابحث ورا مشكلتي ولقيت ان سببها ادمانه للكبتاجون
وبدت مشاكلها تطفو ع السطح صار مديون وسحبو سياره شراها لكن تاخر باﻻقساط فانسحبت صار مقصر معي من كل النواحي ومع بناته وصار ينام ايام متواصله يومين او ثﻻثه ياكل ويجمع صﻻتين ويكمل نوم راتبه مايبقى يوم واحد ﻻنه طوال الشهر يتسلف قبل فتره لقيت له محادثه مع بنت وطبعا انكر وقال تعرف عليها ع باله ولد ويغيب كثير عن البيت واذا سألته مايرد ويزعل مراوغ جدا ويطلع نفسه ويضيع الموضوع
واﻻن يسأل زميله عن احد يقصد سيارات
انا تعبت فعﻻ وابغى القى حل مااتصور انه اب بحالته هذي مؤهل يربي بناتي وماصرت اثق في اي كلمه يقولها واخاف يتطور الموضوع لﻻسوأ
اتمنى منكم النصيحه ومساعدتي ﻻجد حل والمسانده ﻻني احس اني وحدي مااحد عارف عن الموضوع اﻻ اخواتي ثنتين منهم استشيرهم لكن لﻻسف ماقدرو يساعدوني او فقط يواسوني وانا ابغى الحل ومااقدر اتحمل انا مؤمنه ان بيدي اني اساعده لكن اخاف تكون طريقتي ماتجيب نتيجه

القسم الأنسب. ...

__________________

‏
الوعي هو الملاذ ..

أستغفر الله العظيم ؛
( الفردوس غايتي )

الله يكون بعونك
احس انه لازم يتعالج
اذا وافق من كلامك يكون كويس
واذا ماوافق لازم يتدخلون اهلك واهله ( العاقلين مو اي احد)

ويبغاله يتعلم يرتب مصاريفه
شوري عليه بطرق مناسبه
و قوي الوازع الديني عنده وذكريه بالله
والله يكون بعونك يبغالك صبر
وادعي الله يهديه

ام خالد
مشكوره ع نقل الموضوع

قانعه
تسلمين يارب انا صابره ومحتسبه
ودايما اذكره بالله لكن يقاطعني ويبدا يتكلم وهو عارف كل شيء
ويتابع شيوخ واذا ارسلت له ع الجوال مايقراها


انتظر مشورة باقي اﻻعضاء ﻻتبخلون علي بنصائحكم
خصوصا من له خبره جزاكم الله خير

اكثري من الاستغفار والدعاء لة
كوني مع الله يكون الله معك
تصدقي بنية ان الله يهدية لك ..
انصحك بعدم ادخال الاهل بالمشكلة
اشتكي لربك والحي بالدعاء
تناقشي معه بجو يملئة الحب والسكينة
اسأل الله ان يهدية ...

__________________

وعليكم السلام ورحمة الله وبركاته ..
مرحباً بكِ عزيزتي ..
أتعلمي أدمعت عيني عندما تحدثتي عن زوجكِ ..أحزنني حاله ..
أعلم بأن الحياة صعبة ومؤلمة عليكِ ..
لكن فيه بذرة خير وهي من جعلتني أدمع هي إعتذاره لكِ وبالأكيد لديه صفات جميلة رغم هذه العيوب ..
لو قرأتي قصص مدمنين ومعروفين والآن صاروا شيوخ سبب الهداية كانت بسبب دعوات زوجاتهم ..
صمت زوجكِ غريب عليكِ أنتِ أن تُحركيه ليتكلم ..اجلسي معاه شاركي بكل أفكاره بطرق ذكية تستطيعي أن تصلين فكره
ادخلي عليه من باب مايحب هو وليس مما يكره ..
والآن الديون والأقساط ستكون له درس كبير جداً وخاصة لم يخرج من هذا الأمر ..
ذكريه بمواقفه الجميلة وكيف كان وكان وأنتِ لاتسمحي له بأن يجلس وحيداً اجلسي معه خالطيه ..
امدحيه كثيراً كي يُعزز هذا الشيء بداخله ويعتبركِ الصديقة ..فلو اعتبركِ صديقته سيبوح لكِ ..
وذكريه بالله دوماً ..
بالأكيد زوجكِ كان يُعاني من ماضي فلهذا يهرب إلى هذا الأمر !
اصبري ولا تُخبري أحد الآن ..
ابدئي بنصحه وتذكري الأنبياء ونوح عليه السلام كم سنة كان ينصح وصبر وصبر والأنبياء جميعهم ..
من صبر وصدق مع الله فلن يُضيع ..!
وابتعدي عن الأنتقاد خاصة هذه الفترة لأنها نفسيته لاتسمح بإزدياد الأمر ..
والدعاء الدعاء ..
وتصدقي ولو بأقل قليل ..
سؤال / هل لو عرضتِ عليه بأن يزو مستشار نفسي يقبل أم يرفض ؟!
وقلتِ بأن خالك هو صديقه ..فلم لا يتقرب منه ويذكره بالله وهكذا ؟!
جبر الله قلبكِ بكل ماتُحبين وهداه إلى طريق الصواب في هذه الساعة المباركة ..

ماهي الطريقة التي كنتِ تودين بها مساعدته عزيزتي ؟!

ﻻرا
جزاك الله خير وانا والله دائم ادعي له
ويمكن الامل فالدعاء اكثر شيء مصبرني

سر الحياه
فرحت بردك كثير
حياته فعﻻ كانت صعبه تطلقت امه من ابوه قبل وﻻدته وعاش في بيت خاله
وبعدما كمل اﻻبتدائيه اخذه ابوه ولكن زوجة ابوه عذبته وعذبته شقيقه هو ماعلمني
زوجة اخوه علمتني لكن زوجي يقول انها كانت طيبه معهم

واما الديون فاحس انه ماتعلم واخاف يدخل السجن

الطبيب النفسي
زاره بعد زواجنا بثمانية اشهر تقريبا ماقالي لكن لقيت ورقه
مراجعه وخفت اسأله يزعل
خالي كان صديقه قبل زواجنا ﻻنهم كانو يسهرون في شقه واحده
لكن اﻻن نحن في مدينه وخالي في مدينه اخرى وماصارو يلتقون

الطريقه اني اكلمه بهدوء واوعده اني اوقف معاه لين يتخلص من هذا السم
لكن اخاف مايكون مقتنع يتركه وتتعقد المشكله اكثر
مره سألته وقلت صديقتي اكتشفت ان زوجها يستخدم حبوب
قال المفروض تتركه وتروح ﻻهلها لكن ﻻتعلمهم ﻻنه يمكن مايرضون
ترجع له ولو جلس لوحده بيضيع

كتبت كﻻم كثير لكن احس رجع لي اﻻمل
بكلمه الليله ان شاء الله واقولكم اش صار

ومنتظرة ماذا سيرد عليكِ ..
وأُمنياتي لكما بحياة ملئية براحة البال والفرح ..
وكثّر الله من أمثالكِ أيتها المرأة الوفية ..

الاستغفار وطن الناجين مومن الخائفين مفرج الكربات فاكثري منه غاليتي وتصدقي واكثري الدعاء ولا بد من عرضه للعلاج عاجل حتى لا يتطور الامر

__________________
لاَ تُوجد سعَادة دائِمة ولاَ حُزن باقِي , كُلها فواصِل لمراحِل جُدد , فَ ابتسِم لاجمَلِها وتجَاهل أتعسُها .