السلام عليكم ورحمة الله وبركاته
انا في مصيبه
ومحتاجه مساعدتكم
محتاجه نصائحكم ودعواتكم لي بالخير
مااعرف كيف ابدأ مشكلتي
انا متزوجه من 3 شهور
والحينه في بيت اهلي زوجي يريد يطلقني
وليش.....!!!
السبب غبائي
اعترفت لزوجي انه كانت لي علاقه غير شرعيه مع شخص وافد استمرت 3 سنين
ونهيت هالعلاقه قبل العرس بأسبوع
هاذا الموضوع بإختصار
بتسألوني ليش اعترفت
في أمراه عندها عقل بتعترف لزوجها بهالشي
قبل لاتزوج كانت نيتي اتجاه الزواج مش صافيه كل همي كان اني اطلع من بيت اهلي عشان اقدر اكمل علاقتي مع هالشخص
وهالانسان متزوج وعنده أولاد
بس انا من كثر غيرتي وغبائي
دمرت حياته وبيته
وانطرد من شغله بسببي
يوم خطبني زوجي عطيت الشخص اللي كنت احبه عهد مني اني مااتركه لو شو مايصير
قبل العرس بأسبوع استوعبت اني قاعده ارتكب جرم في حق زوجي
استوعبت وكلمت هالشخص قلتله انا صفيت نيتي اتجاه هالزواج ومااقدر اكمل علاقتي معاه
ماقال شي ولا علق
واتفاجئ في اول اسبوع زواج لي
انه هالشخص راسل مسجات تهديد ل صديقاتي واختي
محتواها انه اذا ماتواصلت معاه راح يفضحني عند اهلي وعند زوجي
صديقاتي حاولن يهددنه بس مانفع معاه لانه كان في حالة جنون
كل همه كان انه يتواصل معاي وحتى لو كان مصيره القتل
عقله ماكان معاه
بعد 3 اسابيع من زواجي رضخت لمطلبه
قلت في نفسي بكلمه ولعلى وعسى ينساني بعد فتره
وصح مع مرور الايام خفت مكالماته
بس بعد فوات الاوان
بعد مازوجي شك فيني
لاني كنت كل مااشوفه احط الموبايل على الصامت او اغلقه وامسح الرسايل والمكالمات
زوجي من اول اسبوع شك فيني
لاني انا ماكنت على طبيعتي
كنت طول هال 3 شهور عايشه في رعب
لانه هالشي اللي سويته غصبن عني وماكنت راضيه عليه واعرف انه غلط
بس كان يهددني في زوجي ولاني كنت اريد احافظ على زواجي سويت هالشي
واللي يزيد المشكلة اني كنت طول فترة زواجي اكذب عليه
عشان اغطي على الغلط اللي كنت اسويه
بعد شهرين ونص من زواجي
طلب مني اخذ ملابسي وارجع بيت اهلي وورقة طلاقي بتوصلني
انصدمت منه وسالته ليش
قالي انه مش مرتاح معاي وانه شاك فيني ووصلت توب عنده ومش قادر يتحمل يعيش معاي ولا ثانية
كنت في حالة صدمه
ومن دون مااحس
قلتله صح كلامك انا عندي شي وماخبرتك عنه
قالي شو قلتله بتطلقني لو اخبرك وبتذبحني
قالي لا وعطاني وعد وحلف انه لو تكلمت ماراح يطلقني
في النهاية خبرته كل شي
طلع من الغرفه
لانه كان عازم ربعه
بس كل 5 دقايق
كان يدخل علي ويحضني ويرجع يطلع وبعد شوي ايي ويحضني
استغربت من تصرفه
بعد ماخصلت العزيمه
دخل علي وقالي جهزي ملابسج وروحي بيت اهلج انا مااقدر اعيش معاج
تقريبا صارلي 3 اسابيع في بيت اهلي
بس طول هالفتره انا كنت اكلمه واحاول اقنعه يرجعني
بس اهوا رافض هالشي
يقولي انه مايقدر يعيش معاي ولو رجعني بيرتكب فيني ظلم
انا احب زوجي واريد ارجعله
بس مش عارفه كيف...مش راضي يصدقني اني احبه
مش قادر يأمن علي
اريد مساعدتكم
اريد نصائحكم
اريد حل لمشكلتي
اعرف انه المرأه سهل تسامح زوجها لو خانها
بس الرجل صعب
بس اكيد في حل
يرضيه
ساعدوني