السلام عليكم
حصل لي موقف مع المشرفة
وحابةأسمع آرائكم

اللي حصل إنها جاتني الفصل الأسبوع
ونادتني من عند الباب و أول ماجيت
قالت لي : بلوزتك مرة عاجبتني
أنا : جزاكِ الله خير هذا من ذوقك
وكلمتني بخصوص العمل و أعادت بصراحة بلوزتك عاجبتني
ألبسيها الأسبوع الجاي.
أنا : إن شاء الله بس يعني بتحضري عندي الاسبوع الجاي؟!
ماردت علي و رجعت كلمتني بخصوص العمل و أستأذنت مني
ومن بعيد رجعت تذكرني وقالت : لاتنسي تلبسيها الاسبوع
الجاي .
أنا هزيت راسي وودعتها مبتسمة.

حقيقة موقفها أثار استغرابي وقتها لكن مو لدرجة كبيرة
إلا بعد ما رجعت البيت وكلمت أخواتي
ووحدة منهم قالت لي : كلامها جدا غريب و موقفها يخوف.
و الثانية قالت لي : أنا لو منك ماراح ألبس البلوزة .

مع العلم هذي المشرفة أكبر مني بكثير
ممكن عمرها في الاربعين أو بداية الخمسين.
و مو أول مرة تشوفني و حضرت لي مرتين ،
و أنا قليل أشوفها في الدوام، يمكن في الشهر كله
أشوفها مرتين أو مرة .
والعلاقة بيننا رسمية في حدود العمل بحكم عمرها
ومنصبها و أصلا ما نتقابل كثير .

كنت أشوف الموضوع تافه ومايستاهل
تفكير أو تحليل لكن كلام أخواتي فعلا خلاني أفكر
أيش تبي مني؟.
وليش تبي ألبس البلوزة الاسبوع الجاي؟!

رأيكم ..
وشكرا مقدما

مستجدات الرد 22

http://66n.com/forums/showpost.php?p...8&postcount=22

لاتلبسيها وانتهى يعني بتحاسبك ليه مالبستي وانتي ليه ماسألتيها ليش البسها وابديتي استغرابك !! موقفها غريب مي صاحيه هذي

__________________
مضى مامضى والله على المقبلات يعين ..! وعسى الله يزينها على القلب لاشانت~

ماجا ببالي أسألها
فعلا موقفها غريب ومو لاقيه له تفسير

يمكن بترسل لكي ناس يشوفوكي من بعيد لبعيد والامارية البلوزة

__________________

موقف غريب !! ..

......

__________________
أشهد أن لا إله إلا الله و أشهد أن محمدا رسول الله صلى الله عليه و سلم

طنشيها ولاتلتفتين لكلامها مدحت بلوزتك وشكرتيها المفروض ينتهي لهذا الحد ..!
اما تحدد لك لبسها بالاسبوع القادم فليس لها الحق تتدخل فيما تلبسين ، الرجاء خالفي كلامها واذا ردت تسأل قولي انا حره فيما البس ومتى البس عندك شي واضح تصارحيني فيه او الرجاء لاتتدخلين بخصوصياتي ...

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

نفس التفكير

لقيتها والله اعلم

طبعاً الموضوع فيه احتمالات كثيرة

ولكن جاء احتمال كبير في بالي

الا وهو انه تريد هذه البلوزة ولكن بشكل غير مباشر

تريد منك شراء بلوزة جديدة لها

وسوف تأتي تاخذها الاسبوع القادم

والسيناريو المتوقع كالتالي :

تسلم عليكي المشرفة وتمدح البلوزة او تشكرك على الاستمرار بلبسها

وبعدها تقولين انتي : عندي وحدة مثلها زيادة اذا حبيتي تهديها لأحد يعز عليكي

المشرفة : (سوف تلف وتدور وتبين ان عندها عزة وكرامة ولازم انتي تحلفي عليها، ويمكن تحلف عليكي انها لازم تعطيكي قيمتها ) او ( يمكن تاخذها منك على طول)او ( تعمل اي شيء قريب من هذا القبيل) او (مايكون على بالها وراح تعتبرها في داخلها شي جميل منك)

المهم انتي انزلي السوق واشتري واحدة بسرعة بمقاس قريب من مقاسها، واعطيها الكيس بالفاتورة عشان تستبدلها بالمقاس اللي يناسبها

ولاتعطيها هي مباشرة الا اذا فتحت الموضوع وقولي لها القصة واذا شفتي منها موافقة هذاك الوقت شوفي كيف تسلميها هي عشان لاتعتبر رشوة، وممكن تاخذي القيمة عشان لاتعتبر رشوة

__________________

يمكن
لكن أستبعد هذا الاحتمال


المرأة جدا ذوق معي وماغلطت معي بشيء
صعب أرد عليها بهذي الطريقة

هذا احتمال بعيد جدا جدا
ما أظن تبى مثل بلوزتي
ذوقها مو مثل ذوقي من لبسها
هي حرمة كبيرة
أيش تبى ببلوزتي؟!

لا تقول لي : كل احتمال تقولي بعيد
طيب أيش في بالك احتمال ؟!
لأنه مافي بالي شي ولا أقدر أخمن !
وللان مستغربة من تصرفها وكأنه خيال وكأنه ماصار
لأني أبدا أبدا ما توقعت منها هذا التصرف
و التباسط الشديد معي وتطيح الميانة لهذي الدرجة!

أنا ماعندي صديقة تقولي ألبسي هذا اللبس مرة ثانية
ولا تحدد لي أيش ألبس!!!
صحيح ممكن صديقتي يعجبها لبسي وتمدح
لكن خلاص يتوقف الكلام لهنا
وماتتجاوز أكثر و تحدد لي متى ألبسه و تأكد علي !!!
هذا بالنسبة لصديقة مابيننا أي رسميات والعلاقة بيننا عادية.