السلام عليكم جميعا
واهلا ومرحبا بكم

انا ما بعد تزوجت ، بس على قولتهم طاير قلبي
وفي الطريق قريبا .. وعندي شي يردني نفسيا والي هو اني
اذا فكرت في الزواج والمرحله الاولى منه والي هي فترة التعود يعني خلوني ابين لكم

مثل ما انتم عارفين ان ما فيه احد في هالدنيا كامل
والكامل وجه رب العالمين ..
يعني راح يكون هناك اشياء ينصدم فيها الواحد في شريك حياته ، ما يتوقعها منه
ومن المحتمل ان تكون هالاشياء عاديه يعتقد الشخص انها بالعكس ما فيها شي
مثل ان يكون حاد المزاج ، غير مؤدب ، لا يهتم في نظافته ، لا يهتم في لبسه
وهالاشياء ممكن معالجة بعضها بالتفاهم بين الزوجين ، ومن الممكن ان تأخذ احدهم العزه بالاثم
ويصير في باله ان الي يسويه بالعكس عااااااادي ولا فيه اي شي ..
وومكن تكون اشياء مو في يد الشخص ..
مثلا
وانا اسف اذا كنت اذكر الاشياء هذي هنا .. لكن لأستفيد ولتعم الفائده
رائحه الابط ..
رائحة الفم ..
ان يكون هناك اعضاء حساسه في جسم احد الزوجين لا يستسيغ شكلها شريكه ولم يتوقع ان تكون كذلك
مثل النهدان في المرأه والعضو الذكري في الرجل
ومثل ما انتم عارفين الواحد او الوحده ما يقدر فترة الخطوبه انه يعرف وش صاير بالنسبه لها الشي

اذا كان فيه اي مواضيع في المنتدى قديمه تخص الشي الي انا اتكلم عنه
او عندكم اي تعليقات او نصائح عن حلول هالمشاكل
تكفون لا تبخلون علي بها
لانها مقلقتني .. وبعض الاحيان في حال التفكير بها
يجيني رسول من مخي يقولي .. اصحك عينك تتزوج وتتوهق

تقبلوا تحياتي
ابونوره ..

اول شي اتشرف بردك يا اخ ابو جلمبو

يا فتون الرياض ..
شكرا على الرد الجميل والمقنع حبتين ..
اول شي ما اعتقد اني في الرؤية الشرعية بقعد اشمشمها
ليش ؟؟
انا اقولك ليش

اول شي عساني بس اقدر اقعد زي الناس ، بتلقيني خايف ومرتبك وخصوصا بحضور واحد من اهلها
وعلى طاري الرؤية الشرعيه ..
اخوي لما دخل يشوف حرمته ... والكلام هذا قبل 15 سنه تقريبا ، كان لابس شماغ هدب (الشماغ الي اطرافه تكون مفتوحه) المهم .. وهو طالع إلا يمسك الشماغ في اكره الباب (اداة الفتح في الباب) .. وتصوري باقي الموقف

اصبري ما خلصت السالفه

وهو في الزواج .. تعرفين كاشخ ولابس بشت ، المهم كان يسلم على خالتي الله يرحمها
وخالتي من زود فرحتها وحبها له .. زي ما تقولين لمته (حظنته) وكانت لابسه قلب (عقد) وطالع من اخره شي
ومسك في الشماغ وعلى بال ما قعدوا يفكون ، هو مرتبك وهي الله يرحمها مجتهده وقدام الناس
وقدام العروووووووس ... عاد انتي تصوري الموقف

وعلى كل حال الامور الي قلتها انا ما تبين إلا بعدين ، الوحده لما تدري ان الناس جايين يشوفونها علشان الخطبه
بتتلبس ، ووتعطر ، وتقعد تسوي مدري وشو ..

وماااااا قصرتي يا فتون الرياض
وشكرا جزيلا ..