السلام عليكم ورحمه الله أنا في البدايه شخص وحيد كنت اعيش مع جدتي وتربيت حياه بسيطة
تقدمت لخطبه فتاه كنت احبها اوي لكن محصلش نصيب بسبب الفرق المادي الكبير
وهي اتجوزت وخلفت وانا كنت مهتم بشغلي وخلاص حتي نسيت فكره الجواز نهائي
وحصل أنها اتطلقت اتقدمت وتمت الموافقه لكن بشروط ابنها هيعيش معاها وموضوع الإنجاب يتأجل شويه وكمان اننا نعيش قي شقتها هي و والدها طلب مني اشتغل عندهم في الشركه
وطلب والدها اني امضي علي شيك ب500 الف جنيه
تم الجواز حسيت أنها مش متقبله اني زوجها
الحياه بينا إنها دائما تقلل من اي حاجه اعملها ودايما سخريه مني ومن شكلي
ودا بصراحه بيأثر فيا جدا خصوصا اني اصلا حاسس بالعجز والضعف ممكن لاسباب منها طلاق ابويا وأمي وان مل واحد منهم أتجوز ولحد النهارده مش بشوفهم المره الوحيد اللي شوفت فيها أمي يوم وفاه جدتي احساس ان محدش عاوزك
غير اني يعني الحمدلله شكلي مش حلو فعلا غير كدا انا شخص انطوائي في حالي مليش اصدقاء ولا حد
فكنت بزعل اوي وبحاول اني ارضيها واعملها اي حاجه علشان تغير معاملتها معايا
وابنها والله بحبه جدا واعامله كأنه ابني كفايه انه يحبني أكثر من أبوه الحقيقي
بعد سنه ونص جواز عرفت ان جوزها الاول كانت بتحبه اوي وانه خانها وهي اتجوزتني علشان تضايقه بس وهي مؤمنه اني متجوزها عشان فلوسها
ومن كتر حبي ليها قولت أحاول اثبت لها أني مش طمعان فيها
كلمتها اني اسيب الشغل وهنزل شغل في شركه ثانيه معترضتش خالص وطلبت منها أننا ننقل شقه ثانيه رفضت وعرفتهاح اني مش مبسوط واناح عايش في شقه مراتي
واتفقت معاها اني ادفع لها ايجار للشقه علشان ابقي مرتاح
واشتغلت وظفتين الصبح شغلي العادي محاسب وبالليل كاشير في مطعم
وبدأت ابعد عن اهلها وحتي اخبارهم
وبعد زواج 4سنين ربنا رزقنا ب علي
وحياتنا بقت افضل نسبيا هي برضه لازم كل شويه تفكرني أني فقير واني محظوظ أنها وافقت عليا واني شكلي وحش جدا وان الحمدلله ان ابني طلع شكلها هي
انا كنت بكتم جوايا كعادتي ومش برد عليها
وهو دا اللي اصابني بالضغط
وهي واخوتها بعد وفاه ابوهم دخلوا في مشاكل الميراث
طلبت مني أتدخل معاها رفضت لانهم اخوات مع بعض المهم هي دخلتني في الحوار
وكان النتيجة أنهم طردوني من القاعده وقالوا اني طمعان في اختهم وزوجتي قالتلي معلشي اخرج انت دلوقتي
ولما رجعت حتي ولا سألت فيا
كانت اول مره احس بجد اني مش قادر اكمل معاها واني خلاص تعبت
وبعدها بشهر ولسه المشاكل بينها هي واخواتها رجعت من الشغل لقيت الشرطه بتقبض عليا بتهمه اني سرقت زوجتي وهي اللي مقدمه البلاغ وليها أخوها منصب كبير في الشرطه ‘طبعا الاهانه اللي شوفتها هناك حاجه مش هقدر احكيها بس اللي هقوله ان جسمي لسه عليه اثار الضرب لحد النهارده
وبعد اسبوع طلعت من الحجز والظابط قالي تقدر تمشي
احنا مسكنا الحرامي
الحرامي طلع أخوها الصغير راح سرق ورق عقود وملكيه لاملاك شخصيه لزوجتي
والنتيجة انها سامحته وقالت اخويا مينفعش يدخل السجن
انا طلعت روحت علي شقه جدتي الله يرحمها ثاني يوم مراتي جاتلي تشوف إيه اللي خلاني مروحش
الحوار اللي تم بينا
انها حقها تدافع عن حقها والوضع عادي جدا قلعت القميص وريتها جسمي قالتلي اسفه معرفش أنهم هيعملوا فيك كدا
لقيت لساني بيقولها انت عاوزه مني ايه انا اتعاملت معاكي بما يرضي الله ‘فبش يومح غلطت فيكي وطول عمري بحبك ولو تطلبي مني ايه كنت اعمله
اتجوزتك وعرفت بعد الجواز انك مش بتحبيني اجتهدت علشان اغير نظرتك ليا
ربنا ابتلاني بمرض ولا عرفتك علشان حتى متفكريش ليوم في مرضي فتحزني
معاملتك ليا علي طول متكبره عليا وشايفاني اقل من اي حد حتي الحيوان عندك ليه قيمه عني في نظرك
لما حملتي اول مره في طفل روحتي نزلتي الجنين علشان ميبقاش ليكي ولد شبهي
واول ما اكتشفتي ان الورق بتاعك اتسرق علي طول جه في بالك انه انا اللي سرقت
وحتى متكلمتيش معايا
وبمجرد ماعرفتي انه اخوكي سامحتيه من غير ما تسمعي منهح
هو انا عملتلك ايه عشان تعملي معايا كدا انا عمري ما عملتلك حاجه وحشه ولافكرت حتى
انا طول عمري لوحدي وزي ما عايرتيني بأهلي انهم مش عاوزيني
بس عايش محدشج بيأذيني لما اتجوزتك قولت الحمد الله اخيرا هلاقي حد اتكلم معاه ويعاملني حلو زي أي زوج وزوجه
هي مكنتش عارفه ترد لأن كلامي كان صح كل اللي قالته انها عاوزه فرصه ثانيه
انا تعبت اوي يا جماعه وقررت اني هخلص من الجوازه دي
وبعتت لي اكتر من شخص يقولي انها عاوزه الصلح وهتعمل اللي أنا هقول عليه بس نرجع لبعض
وبلغتها برغبتي دي ولما عرفت قالتلي قبل ما تطلقني انا ليا 500 الف بتوع الشيك
علي طول بعت الشقه واخدت قرض بضمان المرتب لما هي لقتني معايا الفلوس قالت انها مش عاوزه الفلوس بس عاوزه فرصه ثانيه وادتني الشيك
دلوقتي انا مش عارف افكر ولا أخد قرار
الصح ايه؟
انا باخد رأيكم

تالمت كثيرا لقصتك

المشكلة فيك اخي
اعمل على تقوية شخصيتك وحب نفسك
تحبك زوجتك وتملا عينها
الجمال للنساء والنساء للرجال (هذا مثل يقال عندنا)

لانه جمال الرجل في دينه واخلاقه وشخصيته
زوجتك لا تحب الضعيف والغير الواثق من نفسه
بدليل كلما اخذت موقف وانتفضت ترضخ

لذلك ان كان لازالك راغب فيها ترجع بشروطك ولا تسكت على اهانتها
وانفض الغبار عنك

واسفة ان كانت كلماتي قاسية

القصة منقولة وسبق قرأتها من فترة ورد صاحبها بتطورات حصلت معه بعد هذه الاحداث

__________________

__________________