بسم الله الرحمن الرحيم

مشكلتي هي كثرة خروج زوجي من المنزل الي اصحابة بالمنزل المجاور خصوصا واننا بغربة مما اضطر الى انتظاره دائم على هذا الحال وايام الاجازة يبدا بالسهر والخروج معهم الى الفجر 4 فهو لا يخرج مثلا الساعه 12 بل يخرج احيانا من 7 الى 4 وعندما اتصل به يرد اول مره ويقول سوف ااتي بعد قليل ولكن تمر الساعات وانا انتظر ثم لا يرد علي الا الساعه 4 فيقول سوف احضر الان مللت هذا الوضع لدرجة انني اكره الاجازات لكثرة انتظاره وعندما اطلب منه للخروج للنزهه احيانا يخرج وهو متضايق واحيانا يخرجني ولكن ماتمر الساعتين الا ويقول هيا لنرجع فيضعنا بالمنزل ويذهب لهم واحيانا يخرج معهم ماذا افعل ارررررشدووني سئمت الوضع .

على كيذا هو يتملل منك ولايجد الخروج معك المتعه

المشكله فيك ياكويسه

السؤال كتالي
هل انتي تسولفين معه ؟

هل انتي تخلقين نقاشات حلوه معه ؟

زوجك هل هو يحب الكوره ؟

زوجك وش جووه ؟

حاولي تسوين شي جديد
يعني اشياء تثير اهتمامه
غيري جو البيت
يعني اشياء كذا
والله يهدي زوجك ويحببه بجلسة البيت
والطلعه معكم

__________________
... هذا المستخدم لم يعد موجودًا...~ حللونا ~

همسھٓ ....
إن مرت ذكرايےّ علےّ قلوبكم فاذكرونيےّ بدعوھٓ فيےّ ظهر الغيب..

الله يهديه
قوليله كل راع وكلكم مسئول عن رعيته فليش الأهمال أنا مقصره بشيء معاك !!!

لا مو انا السبب اذا كان اول مايقوم يطلع وهو لسى ماتكلم معاي مثلا اكون بدورة المياة يعني مو انا الي انحشه من البيت
هو اجتماعي بزيادة وكل اجتماعي يكون فاشل ببيته
ايه اسولف واسويله اكله اصلا هو اذا جلس بالبيت على طول مقابل النت يعني ساكت
وانا بصراحه كرهت الاجازات عشان سهراته حتى احيانا اقوله اسوي عشاء يقول لا عشان مااربطه فيه
طيب وش الحل وش اسوي عطوني حلول بليزززززز

هو اول كان يجلس عندهم بس الحين صار يطلع معهم حتى لو نكون متعشين يطلع الساعه 12 يتعشى معاهم يعني هو يسهر ويستانس وانا مقضيه الويك اند لحالي احيانا نطلع العصر ونرجع المغرب بس ليه مايجلس ماتكفيه هالطلعه لازم طلعتين يعني

120 زيارة و بس ثلاث ردود على الاقل لو دعوة بظهر الغياب ان ربي يصلح حال زوجي ويصرف عن قلبه وعقله اصدقاء السوء و العزابيه وكثرة الخروج من المنزل اااامين يارررب

الله يعافيكم ردو علي مو معقول مافي ردود

زوجي اجتماعي + لديه أعمال كثيرة + الناس تلزق فيه كذا محبه من الله
ومع ذلك مسيطره تماماً على الوضع وهذه الفترة كل مااتجول في البيت ألاقيه وراي يمشي
لأني أعرف اهتماماته وأشاركه فيها وأتعلمها وأتقنها بكل مهارة وآخرت الإهتمامات صرت مهندسة عنده وأخططله وأصمم له تصاميم لعمرانه وأعدلها له بعد ما يعرضها ع المهندس مع اني في البدايات بس شي يكسر الظهر خصوصي لما أنفذها ع البرنامج بس فرحته وهو رايح للمهندس ويقوله ابي مثل هذا بالضبط عندي بالدنيا كلها
ومن أجل عين تكرم مدينه
وهو يقدر تعبي عشانه ويعوضني
+
آخذ حقي في جلسته معي من وقت ما عرفني
+
أحببه في هالجلسه واسويله اللي يعجبه ولازم مودي يكون تمام التمام

وعلى فكرة لما أنشغل عنه لو حتى بأشغاله اللي يجيبها لي والله ما أشوف إلا غباره
وتوه جابلي جهاز ما سبق لي تعاملت معه ومن أول الليل وأنا حايسه فيه لين ضبطت وضعه على جهازه
وتدرين وش سوى >>>> سحب علي وراح ناااااام
وقعدت سهرانه وألحين أخاف أنام وأصلي الفجر متأخر وماسكه نفسي

يعني باختصار لازم تكونين ركيزة أساسية في حياته
لازم تبذلين وتعطين وتدفعينه للأمام
لازم يحس انه ما يتنفس هوا مثل البشر ... لااااا يتنفسك انت
وقت ما تزعلين ولا تتغيرين عليه
يترك الدنيا عشان يرضيك ويتغير وجهه ولونه وتختبص أموره لأنه يعرف ان ما رضيتي توازنه في الحياة راح يختل وماراح يقدر يتقدم للأمام أكثر

والله يعينك الصراخ والزعل والتشره وخلافه ماراح يجيب نتيجة
بالإحترام تجيبينه بس عاد يبيلك وقت بما انه يخرج بهالشكل
لكن وش يقعد هو وأصحابه يسوون
كل هالوقت سواليف؟
ولا قعده على التلفزيون؟
ولا يلعبون play station أو xbox أو من هالشغلات اللي طالعه؟
ولا لعب إعتيادي ورق وشطرنج وكيرم ؟
ولا وش يسوي معهم؟؟

وكم لك سنة متزوجة؟؟
وعندك عيال؟؟
واصحابه يشتركون معاه في ايش بالضبط .. عمل، دراسة...؟؟؟ وش اللي جمعهم في البداية وعرفهم على بعض؟؟

آه بس
الزواج هذا يبيله وحده طويلة بااااال وقلبها وسيع وما تستعجل النتائج
الله يعين الحريم

الحين انتي ماتستحين ؟


رادين عليك احنا ولا عبرتينا وتبين الاعضاء يردون عليك ؟؟



بعذر زوجك فيك