ما ادري وش اقول احس اني محبطة حياتي دراسة ، نومي قليييل اذا نمت احس اني قلقانه حتى الاكل اكله في الاكاديمية وشيبسات بس اطبخ له ولا يننوكل الاكل كل شي تغير فيني ماعاد احب اتكلم مع احد


مافي شي تغير بعد زواجي والحماس اللي كان فيني اني اتغير احبطني
اذا حاولت اتقدم خطوة ارجع وراء كثير
صديقاتي تركوني لاني تزوجت امهاتهم قالوا لهم ما كأني ولا شي كأني صرت عاهة بالزواج
هو طيب ويساعدني كثير بس احس اني موب متقبلته ما اقدر اناظر بوجهه

كل اربعاء يوديني عند اهلي اخذ كفايتي في النوم بغرفتي ويوم الجمعة ياخذني الحين قالت امي لا عاد تجين ولا تنومين عندنا ماكأني بنتهم ولاشي
حتى اختي تغيرت علي كثير ماكنها هي ابدا بس تصارخ وصارت بيننا رسميات مني انا لانها جرحتني بكلمة
احس اني صرت متبلدة

__________________
اليد التي تنهضك عند تعثرك، أصدق من ألف يد تصافحك عند الوصول ~

شو قصتك حبيبتي
وين المشكلة بالظبط
اكتبي تفاصيل اكثر
كم عمرك
كم سنة متزوجة
شو المشكلة بالظبط

__________________
انا لله وانا اليه راجعون

http://www.66n.com/forums/showthread.php?t=237128

__________________
اليد التي تنهضك عند تعثرك، أصدق من ألف يد تصافحك عند الوصول ~

انتي مو صغيره!!!!
بس تفكيرك محدود ايش صديقاتي تركوني عشان تزوجت.!!!!
حاولي تستقلين بحياتك وتخلقين لكي جنه في بيتك ولا تنتظرين أحد يسعدكي ويحبك غير نفسك

دخلتي الحياة الزوجية ولديكِ موقف مسبق من زوجكِ وأي تصرف منه قد تبالغين بتحجيمه لدرجة الكراهية، وأصبحتي حساسة للغاية، عليكِ أن تقتنعي أن هذا مستقبلكِ وأن تتعايشي مع زوجكِ، أنتي صحيح لستِ صغيرة لكن لابد من أن عمرك وقلة خبرتكِ في الحياة وخبرتكِ السابقة عن زوجكِ تجعلكِ أحياناً غير متوازنة في تقييمكِ للأمور وللمواقف، يجب أن تحاولي أن تتقربي وتتوددي لزوجكِ حاولي أن تكوني زوجة صالحة ولا تشتكي ولا تتذمري ولا تظهري له مايبين عن أزعاجكِ أو مايظهر كرهكِ له، مع الوقت كل شيء سيزول إن شاء الله، وفقكِ الله.

__________________
ياصبحِ لاتِقبل !!
عط الليل من وقتك..

نصيحه يااختي التفائل التفائل
تفائل بالحياه تجدين ماتتفائلين به بعكس اذا تشائمتي ايضاً تجدينه
قرأت قصتك واقولك حبيبتي انتي تزوجتي واللي صار صار خلاص حاولي تتقبلين زوجك واحمدي ربك انه طيب لو واحد غيره يمكن عاملك معامله سيئه ولو كان واحد ثاني كان مازالت معاك العقده لكن هو تزوجك وصلح غلطته وعفا اللع عما سلف ،،،
فكري بايجابياته وشوفي كيف اهلك الان يعاملونك ويتذمرون منك وكيف هو طيب معك خلاص حبي بيتك ومملكتك وغرفتكم وغيري فيها وعيشي حياتك واعزمي اهلك ببيتك عشان تحسين انه مملكتك انتي الامره الناهيه فيها
وصدقيني المرأه تحب الشي الخاص فيها وانتي كنتي تحبين غرفتك عند اهلك واخوانك بس يتذمرون منك
لانها خاصتك الان عندك منزل كامل وزوج طيب فكري بهالامر جيداً
واذا ما عدلتي نفسك مع قراءة سورة البقره يومياً والاستغفار والدعاء بان يصلح الله حالك ويوفقك في حياتك
بتندمين بعدين وتقولين ليتني حاولت لان مصير الوحده الزواج ان عاجلاً ام اجلاً والزوج الطيب والصالح نادر هاليومين
حافظي ع بيتك وزوجك
اسأل الله العظيم ان يصلح احوالك ويوفقك مع زوجك ويشفيك ويرزقك الذريه الصالحه.

تعوذي من ابليس واعتبري نفسك تبدين حياة جديده حاولي تكونين سعيده فيها قدر المستطاع واسعدي اللي حولك, ولو أحد قطعك حاولي تاصلينه قدر المستطاع. لا تتعلقين بأهلك كثير انتي الحين صرتي متزوجه وعندك بيت وانتي صرتي مثل أهلك

عمري 19 او 20
مالي 4 شهور تزوجت

__________________
اليد التي تنهضك عند تعثرك، أصدق من ألف يد تصافحك عند الوصول ~

خخخخ تعوذي من ابليس ذكرتيني بأمي
والله حاولت وسويت كل شي بس ما فيه تواصل بيننا
انا ماتعلقت بأهلي ترى علاقتي بأخواني واخواتي موب ذاك الزود
ليه تحسسوني اني ماسويت شي
ترى انا اسوي كل شي اطبخ وانظف واشتغل في البيت يوم قالي اذا تبيني احد يساعدك قولي لي ماقلت ايه ابي
ولا عمري سويت له مششكلة
من بداية الشهر كنت متحمسة صح ماطالعه بس كنت اضحك مجاملة بس تراجعت يوم هو صار يمون

__________________
اليد التي تنهضك عند تعثرك، أصدق من ألف يد تصافحك عند الوصول ~

انا ماكنت حساسة بس هم قطعوني عن صديقاتي فجأة حتى اذا رحت لخالتي تهاوش تقول لاتجلسين مع البنات اجلسي مع الحريم المتزوجات والله يجيبون الهم وقليلات ادب يسألون ماحملتي ومدري ايش
وانا موب جاهلة بعد الموضوع اللي نزلته هنا رحت لمنتديات وقريت وفهمت وتعلمت

انا ما اشتكيت ولا تذمرت ولا قلت له شي بس مابيننا حياة

من انا صغيرة وانا بغرفة لحالي وجيت على طول في غرفة مع رجال ولا قلت شي ولا اشتكيت على قولتك
تويتر الفيس هذي عالمي غصبني إلا اعطيه وكنه يشك فيني وعطيته ماقلت شي ولا عاد اقدر اتكلم مع احد
فيه شي تغير فيني ما حب اضحك ولا شي صرت ثقيلة دم
والله تعبت

__________________
اليد التي تنهضك عند تعثرك، أصدق من ألف يد تصافحك عند الوصول ~