السلام عليكم ورحمة الله وبركاته ...


بدايةً ... اول مابتدت الدراسه سجلت في مركز لتحفيظ القرآن وبنتي دخلتها روضه ... والحمدلله كنا بأحسن حال ...

وبعدها بإسبوعين جاء لزوجي ترقيه ويختار الفرع اللي يبغاه ويكون مدير فيها ... ونظرا لصحة والده اختار ان يذهب لنفس منطقة والده ليكون بالقرب منه ..


بالبداية زعلت عشان المركز اللي سجلت فيه وبنتي ودراستها وبعدين قلت لعله خير ... وانتقلنا في ظرف 10 ايام وتبهذلنا لان كل شي عالسريع

قلت لزوجي نذهب للسكن مع والده واذا لم يعجبنا نطلع ونستقل بشقه لوحدنا ... رفض وقال يريد شقه لوحده عشان بيت والده اخوانه موجودين .. وافقته وانتقلنا لشقتنا ...

لحد هنا كل شي تمام بس اهل زوجي زعلوا ليش ماسكنا معهم ... وبأحد الايام كنت اتكلم مع اخته وقالت لي ليش رافضه تعيشي معنا ومن هالكلام ... بس مارديت عليها وانهيت المكالمه بسرعه واتصلت على زوجي وسألته قال انه قايل لهم ان انا اللي رافضه ... زعلت منه وان ليش يقولهم كذا ... قال يعني تبيني اقولهم انا رافض صعب ولدهم مايبي يعيش معهم بس انتي عادي ... وحذرني من اني اجيب هالسيره قدامهم ... فعديتها له ونسيت الموضوع ...

المشكله كل يوم والثاني زوجة عمي تجيني بكل وقت وتنتقدني هذا مو نظيف وهذا وهذا ... وانا اعدي لها ...

يوم الجمعه اجت عمتي مع اختها وبناتهم من غير مايعطوني خبر ... والبيت مع العيال مكركب شوي ... فجات تتكلم عني ليه كذا وليه كذا وتنتقدني قدام اختها ... وقالت لي قدامهم دامك مو قد المسؤولية ليه رفضتي تعيشون معنا وكلام كثير ... انا انفجرت وقلت لها والله ابنك اللي مو حاب يعيش عندكم مو انا ... قالت لي لا تحطي اغلاطك على ولدي وان ولدي لو ود وده يعيش عندي بس انتي رافضه وقالبه مخه ... تركتها ورحت غرفتي وهم بعد دقايق طلعوا ... انا غلطت بس هي حدتني على هالشي


وشوي اتصل علي زوجي وصار يصارخ ويهدد مافهمت منه شي قفلت الخط بسرعه وبعد ساعه اجا ... صار يهاوش انا حذرتك ولا بعد تغلطي عليها.... مع اني ماغلطت عليها ... طول الوقت قاعد يهاوشني وانا ساكته عشان امه لانه عنده كل شي الا امه ... وبالاخير طلب مني اتصل على اخواني يجوا ياخذوني ... للحين مادقيت عليهم ولا خبرتهم بشي بس قلت له انهم مشغولين واذا فضوا حيجوني ...

مو عارفه ايش اسوي اتصلت على زوجة عمي عشان اعتذر لها مع اني متأكده اني ماسويت شي بس مارضت ترد علي ... وعرضت على زوجي نعيش معهم عشان ارتاح من هالمشاكل ويقول خلي اخوانك يجونك ولحد اليوم زعلان ولا يكلمني ... هل اتصل على اخواني واقولهم يجوني او احاول احل المشكله او وش التصرف الصحيح




مستجدات الرد 29

http://www.66n.com/forums/showpost.p...4&postcount=29

__________________
-

فأجبر خَاطري .. بفيّض نعَمك ❤ ....

كان المفروض زوجك يقول انه هو اللي رافض عشان يبغى لزوجته الخصوصية خصوصاً ان اخوانه موجودين ف البيت
لكن بما انه تصرف كذا و علمك كان داريتي الموضوع و قلتي لها انك رفضتي عشان وجود اخوانه و منع للأحراجات
لكن بما ان اللي صار صار ، ما انصحك تكلمين اهلك بالموضوع
اعتذري من زوجك بأسلوب حلو ، و اذا شفتيه بوقت هادىء فاتحيه بالموضوع و وضحي له انك ما غلطتي عليها
يمكن امه قالت له انك رفعتي صوتك و كذا عشان كذا عصب

__________________

يا سمورة طرحتِ مرة موضوع في رغبتك بان تسكني مع اهل زوجك والكل نصحك بالعكس
لا تتنازلي عن استقلاليتك في السكن لارضاء اي شخص خصوصا انه زوجك يحب الاستقلالية
اساليني انا عشر سنوات وانا في بيت الاهل وزوجي لليوم يتمنى الرجوع انا لن ارجع لو يقصوني
لا تتركين بيتك خليه يومين وينسى واشرحي له الوضع وراضيه ان كان سهل الرضا
واياك تنادين على اخوانك المشكل بسيط ما يستاهل .
الله يصلح حالك

المشكله مش كبيره ابدا استغفري واذكري الله
اعتذري لزوجك
وأم زوجك بالرسائل والمكالمات
وأهلك لا يدرون عن شيء

وإذا قال زوجك اطلعي قولي حقك علي ومن هالكلام وأمك فوق راسي بس نفسيتي متلخبطه وكنت متفشله من كركبه البيت وضغطوني بتعليقاتهم
المهم لملمي الموضوع لا يكبررر اببببد

كان الله في عونك يا اختي ...
احمل زوجك نسبة الخطأ الكبرى حينما حملك مسؤولية انت منها بريئة !

__________________
أشهد أن لا إله إلا الله و أشهد أن محمدا رسول الله صلى الله عليه و سلم

زوجك غلطان وهو سبب رئيسي في المشكلة لأنه نقل كلام على لسانك ماقلتيه..لما قال اتصلي على اخوانك كان بحالة غضب..انتظري حتى تهدأ اعصابه وحلي الموضوع ودياً لانك انتي كمان غلطتي

__________________

طعنة العدو تدمي الجسد،وطعنة الحبيب تدمي القلب

لا حول ولا قوة الا بالله..

زوجك مو واعي ان هذه الكذبة سودت قلب أهله عليك؟؟ طبيعي يدقون الكلام ويقعدولك عالحبة دام زوجك قايل لهم والله با أمي تمنيت أسكن معاكم بس المدام رافضة وتبغى خصوصيتها... طبعا بيحقدوا عليك.. هالشي مايصير.. حتى لو فعلا الزوجة الي رافضة السطن مع الاهل، الزوج مايصرح ابدا بهذا الكلام حفاظا على علاقة أهله بزوجته.. يلقى أي عذر.. مو عندو اخوان؟ هاد مو عذر كافي؟؟

لا تكلمي اخوانك.. ماراح يفيدوك.. إلا بتعميها.. حبيت انصحك تتكلمي مع عمك وتحطيه أمام الصورة.. بس أخاف اذا عرفك راضية على السكن معاهم يصير الموضوع جد.. وبصراحة الفكرة غلط.. السكن مع اهل الزوج مابيجيب غير المشاكل..

زوجك زعلان خليه يزعل هو الغلطان.. وانتي بعد ازعلي لأن الموقف مو هين.. وماتبيني خوفك وقوليله انت شو مفكر كل مشكلة تقول لي روحي لأهلك؟؟ قولي بيتي وقاعدة عجبك أو لا ماهمني وروحي سوي قهوة او اي مشروب تحبيه لنفسك واستانسي بالقعدة لحالك.. وخليك مبسوطة بنفسك واولادك امامه بينيله ان كلام روحي اهلك ما يهزك ومو بكيفه.. فهمتي.. (رغم انه كلام صعب وجارح بس اعملي نفسك مو مهتمة واستصغري حركته حتى مايحس انك خايفة)

ونصيحة عالهامش؛ بيتك خليه دائما مرتب.. حطي برنامج وأولويات في الترتيب حتى يضل البيت نظيف ومرتب حتى لو كركبوه الأولاد شوية.. راح يضلوا يزعجوك بهالموضوع.. ماعليه خلي في بالك انهم ممكن يجوك في أي لحظة.. وكل يوم لذلك البيت دوووم جاااهز.. استعيني بخادمة تجي كم ساعة مرتين أو ثلاث بالأسبوع مثلا.. اضغطي على نفسك حبيبتي لاتخليلهم مجال.. ادري صعب مع الاولاد بس مقدور عليه اذا حطيتي نظام وعودتي نفسك عليه.. عندي صديقة مهووسة بالنظافة والله انها ترتب بيتها بالصباح وبالليل وتنظف البلاط بالليل كمان تقول لي يمكن تجيني ضيفة أو يصير حادث ويجي دكتور عالبيت هههه المهم هي مزودتها بس فعلا خليك مستعدة لهم ولا تعطيهم مجال..

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

انا عندي تعجب على امر واحد

تدرين ي عزيزتي ام زوجك مو سهله

اشلون تطلبين من زوجك يسكنكم عندها ؟؟؟؟

مافهمتك ابدا

الا اذا كنتِ تبين طلاقك ... ماادري

انتي بعيده وماسلمتي وصارت مشكله اشلون لو كنت ساكنه عندهم

وبعدين خليج ريلاكس مافيها شي اذا اعتفس البيت اشوي مثل ماوضحتي

انعدام الذوق ماصار من طرفك ، في اداب لزياره خاصة ان خالته كانت ضمن الضيوف

وباين ان زوجك يبي يوفر لك الخصوصيه ويحميكِ من المشاكل الى جانب ضعف بسيط في شخصيته خلاه يرمي الكره في ملعبك

هو خطأ لكن مووووووو مهم ، اهم شي زوجك مريحك ويبي يوفر لك الخصوصيه بأي طريقه وبأي ثمن وبيض الله وجه

كان المفروض رديتي : والله مُنى العين نسكن عندكم ياخالتي ولكن العيال كبروا ومثل ما انتي شايفه ازعاجهم وعفستهم واهم ماعندي راحتك بالدنيا .حتى ابوفلان لما شافهم جذي قال ابي راحة امي ... ومن هذا الكلام الطيب .

(طلعتي من مرمى اللعب سليمه )

نصيحه : تدربي على ردود افعال بعيده عن الطيبه والوضوح الغير مفيد ( تحتاجين اتزان انفعالي اكثر ) لان لماتنضغطين تنفجرين امام الاخرين ، ربي يفتح عليج انتى شخصيه طيبه وبيضه من الداخل .

__________________
اللهم ألهمني الرشد

زوجك ما كان المفروض يرميها عليك ويقول لهم زوجتي رافضة تسكن
وخلت الحرة بقلوبهم عليك
وانت لما دخلوا عليك ما كان المفروض تتركيهم وتدخلي غرفتك
الضيوف ما يدخلوا عنهم وكركبة البيت ماعليه خل يشوفوها يعني هم ينظفوا عنك ببيتهم هي اصلا جايه توصل لك رسالة مع الحشد اللي معها
الله يعين بعض امهات الازواج على نفسهن
لا تتصلي بأخوانك ولا شي
قولي له لو اتصلت لاخواني وش اقولهم انك كذبت على اهلك وقلت لهم زوجتي ماتبيكم او شو اقول لهم
طلعة من البيت لا تطلعي مصيرة يرجع ويراجع حساباته
هالموقف راح يسوي خدش كبير في علاقتك بأهلك
بالنسبة لبيتك حاولي دايما يكون نظيف ومرتب مو عشان الناس عشانك وراحتك وراحة زوجك

__________________
يا رب خاتمة حســنة ، وزلفى ، وحسن مآب ..

مرحباً اختي سمورة

صراحة موقفك لاتحسدين عليه

لاتحقدين على احد وتحبين العيش بسلام وقلبك ابيض وساترة على زوجك ماشاء الله

استقبلتيهم مع انهم اتو من غير موعد

انا لو كنت مكانك يمكن كان سمعتهم كلام اقوى من اللي قلتيه (مع انك لم تغلطي عليهم (رفع صوت او شتيمة) وانما قلتي لهم حقائق كانت غايبة عنهم)

ولكن بما اني لست مكانك

وبما اني خارج الضغط

لذا اتضحت لي عدة امور كانت ستغيب علي لو كنت مكانك

1- زوجك ضعيف امام والدته (بحيث لايستطيع مواجهتها حتى بالادب) ووضع الحمل واللوم كله عليكي في هذا الموضوع.

2- تصرفات ام زوجك توّضح لنا انها كانت ناوية لكي نية عندما تسكني عندهم (صدقيني محد يحب احد يسكن عنده ويثقّل عليه الا اذا كانت هناك مصالح خلف هذا الطلب (مصالح مثل يظل ابنها تحت نظرها - تكوني انتي تحت طوعها- تخدميها في البيت - ترمي عليكي اللوم في امور اخرى - تربي احفادها حسب وجهة نظرها - وهكذا )

3- ام الزوج المحبه اقل شيء تعمله هو انها تخبرك بموعد قدومها - تعرض عليكي خدمات شغالتها - تغض الطرف عن زلاتك، اما انها تنتقدك عالطالعة والنازلة فهذا يدل على انها مقهورة منك وتريد تثبت لنفسها انها احسن منك (من قلة ذكائها (غبائها) انها وضعت راسها براس زوجة ابنها) وبالتالي احضرت شهود كي يرون تقصيرك، وعشان تنجح خطتها زارتك فجأة عشان ماتقدري ترتبي البيت وبالتالي ماراح تلاقي عليكي شيء تلومك فيه.

4- انت قلتي انك متى تروحي تسكني عندهم وتنتهي مشاكلك!

اقولها لكي وبالفم المليان انه حسب المعطيات التاليه فإن سكنتي عندهم فكأنك سكنتي في الجحيم وسوف "تبدأ" مشاكلك

رضا زوجك اهم من رضا اهله

زوجك من النوع المتهرب؟ اوكي من اجل عين تكرم مدينة

اتحملّي كلام اهله في حالة انهم زاروكي وهم اخذين موعد منك ولم يجدوا البيت مرتب

اما اذا زاروكي فجأة ففي هذه الحالة الشغلة مو مستاهلة تحمّل ابداً ، لأنهم مااخذوا موعد منك، وبالتالي ليس لهم الحق ابدا ابدا في لومك ، وبالتالي عندما يلوموكي فهذه قلة ادب منهم وبالتالي مايحتاجي تنزلي قدرك وتحطي راسك براس ناس اقل منك اخلاقاً وتربيه وانما افرحي في داخلك ان الله جعلك اعلى منهم تفكيراً واخلاقاً

وخذيهم على قدعقلهم واعطيهم من الكلام ابو بلاش : سامحوني والله على التقصير ، انت قدركم اعلى من كذا والمفروض افرش لكم الارض ورد صدقيني ياعمة لو عندي خبر من بدري كان جهزّت لكي البيت احلى تجهيز بس انتي فاجأتيني بزيارتك اليوم، ولكن احلى زيارة على قلبي.

طبعا انتي عارفه وهم عارفين واحنا عارفين انه كلام ابو ببلاش ولكن كلام واقعي ومؤدب وفيه رد اعتبار وهكذا


كلام سليم اختي

__________________