السلام عليكم و رحمة الله و بركاته

عندي شقة تمليك و لله الحمد ، و البنك بيسحب من راتبي كل شهر ..
و صار لي فيه 3 سنوات و 4 أشهر .. و لازم أكمل 10 سنوات .. يعني باقي أقل من 7 سنوات ..

و كل شي اشتريته فيه جديد ( و كلها أساسيات لكن ماركة )
و لإني كنت حاطة ببالي إني ممكن بيوم أروح و أكمل دراستي .. فما كثرت مرة من الأشياء ..
لكن كلفتني الصراحة .. و بعضها أولادي ما قصروا و شخمطوا عليها ..

و الآن احتمال كبير أسافر بعد عدة أشهر ..
و ما عندي مكان أحط فيها أغراضي المهمة ، لا عندي بيت أهل و لا بيت أهل زوجي ..
مثل أدوات المطبخ و كتبي و ملابسي و أجهزة مختلفة ..

عرضت على أخواتي اني اترك نسخة من المفتاح معاهم و عشان يتجمعوا في شقتي بأي يوم و ما يستأجروا فندق
و لإنه كل وحدة متزوجة و ساكنة بمدينة تانية .. و اكيد بتصير مناسبات لأقاربنا في المدينة الي أنا فيها
لإنه اخواتي الي تزوجوا و أخواني و خرجوا لمدن قريبة مختلفة .. ( المهم قالوا لي لا .. ما راح ننزل كثير )
و الأفضل تأجريه و تستفيدي من الفلوس و انتي في غربة و محتاجة لكل قرش ..

.
.

ايش رايكم ؟

أخليه مقفل ، و لو بأنزل اجازة .. فاحتمال كبير فقط مرة بالسنة و في رمضان و عيد الفطر فقط ..
أو أأجره ؟ و لو أجرته كيف بالنسبة لأغراضي ؟

أخاف أحد يستأجره و يعدمه لي ؟

جاء ببالي أأجره و أقفل اغراضي في غرفة وحدة .. و أأجره بسعر رمزي لأحد من الأهل ؟

و أخاف كمان أتركه فاضي ..
و زوجي يتصرف من حاله ، و يعطي المفتاح لأصحابه أو أهله أو أي شي متوقع منه ..
أو أمه تتصرف من حالها .. و خاصة لو تطمنوا إني برة ..

محتارة ..
و لازم أقرر من الآن ..


ملاحظة /
احتمال كبير اللي ينسحب للبنك كل شهر ، هو نفس قيمة الراتب الي راح ينزل لي هنا ..
لإني كنت حريصة على النقطة هذه .. وقت كنت أفكر اشتري شقة ..