السلام عليكم ورحمة الله وبركاته ..

سأكتب الموضوع مختصرا ولكن رغبة مني في الفضفضة لأني مستاءة جدا ..

رجعت إلى المنزل البارحة بعد قضاء مشوار نص ساعة أو اقل فسمعت صوت بنتي تصرخ وتبكي عاليا ..
كانت الخادمة بجنبها ..
سألت الخادمة مابها ؟ قالت انها سقطت .. فسألت ابنتي هل سقطت ؟ قالت لا .. (فلانة) أي ذكرت اسمها ..
ابنتي عمرها سنتين ونصف تقريبا وبدأت للتو في الكلام البسيط ..
وأنا اسأل ابنتي الخادمة جالسة ترد على وتقول هي سقطت ..
دخلت غرفة أكثر اضاءة لأني كنت في غرفة مظلمة قليلا فوجدت يد ابنتي محمرة مع أثر 4 اصابع ..
أنا هنا لم استطع تمالك أعصابي وناديت الخادمة وقلت لها ليش تكذبين هاذي آثار اصابعك ؟ ماكان عندها رد مقنع .. قلت لها لو آخذ بنتي للمستشفى راح ينادون الشرطة على هالشي ويحققون معاك ..
فلم ترتبك ولم تخاف ولم تدمع عينها .. أبدا إذا الحائط تأثر هي راح تتأثر .. مما زاد غضبي وغيظي عليها ..
أتصلت بزوجي وقلت له الخادمة ماتبات الليلة بالبيت ..
راح اشتكى للشرطة وأخذوها للابعاد ..




وبقيت أنا بدون خادمة .. هذا يبيله موضوع ثاني



على فكرة أنا حريصة جدا على بناتي وأراقب الخادمة قدر المستطاع .. ولكن ظروف حياتي تجبرني أني اخلي بناتي عندها بعض الأوقات .. ولم اتركهم معها إلا بعد أشهر من استقدامها ..
الخطوة القادمة اني سأضع كاميرات مراقبة بالمنزل قبل استقدام خادمة أخرى ..

هلا الغالية .. فديتك هذي المشكلة
لو ما الحاجة لهن ما كنا خليناهن بالبيت
وهن مليانات بلاوي ومشاكل .. والأولاد ما يحسن
بأي عاطفة تجاهم فلا تستبعدي يسون ويضربن

زميلتي بالدوام اكتشفت إنها خادمتها مصورة عيالها بالحمام
بلا ملابس الله يعزك ..
بناتك حطيهن بحضانة قرب دوامك لين تخلصي منه وتمرين
تاخذينهم ..

__________________

روح بيد غريبة!
الخادمات انسانه عاشت ببيئة فقيرة تسودها القسوة والجفاف بالطفولة والاستغلال والاستهلاك بالكبر
ياتون بدون مشاعر ايجابيه وبعضهم يعانون من ضغوط نفسية وامراض نفسية ايضا
تصوري ان تخرجي من مكان انت به مستهجنه لتكوني تحت اسره مرفهة وبيت كبير تخرج الام من المنزل لتحضى بوقت جميل وهي تعاني من الضغط والكبت وتراكمات الماضي(كانت هذه بمنزلك)
ام الدانه الخادمه للتنظيف
ليست مربيه
والكاميرات مطلوبة حتى لمن لا اطفال لهم
الاطفال لهم اماكن خاصه بالساعات
نوادي حضانات بكل الساعات اختي الكريمة
قبلي خد بنتك وقولي لها بفهمها
هذا يبوسونه ما يطقونه
وانت جميله وشطوره والي مثلك يضموها ويبوسونها ويحبوا يلعبوا معها
خلاص راحت الي تطقك
وانا اسفه (اعطيها حلوى اي هدية)وقولي لها بتضلي مع الماما على طول

__________________
الحمد لله..اللهم صل على محمد و ال محمد

التفريغ المنهجي

انسانه لا هي مثقفه ولا متعلمه ولا فاهمه
واكثرهم جايه عشان الفلوووس ولو الاطفال
قدامها كذا يغرقون مافكرت ... انسانه
عانت في حياتها من الفقر غير البعد عن الدين
والعادات والتقاليد اللي ربي اعلم بها
وفوقها تمسك الاطفال ... يعني اكيد بتضرب
وتغربل البزر مافيها كلام
احنا الامهات ماتحملنا واحياناً نهاوش ونضرب
وهم قطعة منا كيف ذي بتتحمل
يازمن العنا..... وبسسس

وش نسوي .. ؟
انا عارفة كلامكم صح ومؤيدة له ..
بنتي أوديها الحضانة بالنهار ..
بس أنا ماعندي لا أم ولا أخوات هنا ..
مب معقولة كل مكان بروحه باخذ بناتي معاي ..
صالون ولا عيادة ولا بنك أو غيره ..
ايش الحل ؟؟
ماعندنا حضانات مسائي ..
ولو فيه مش معقولة عشان مشوار نص ساعة او ساعة بوديهم ..
ليش تحسسوني أني أنا الغلطانة ؟؟
خلاص ما بشتكيلكم مرة ثانية ..
يعني أنا شسوي بعمري ؟؟

الله يعينك فعلا شيء يقهر

خليهم عندي اذا بتروحين مشوار العين توسعهم قبل الدار

حاولي انك تستقدمين هندية او سيلانية .. لا تهتمي لأمور النظافة بقدر الاهتمام بالاطفال

بالعادة الهندية احن وارحم احس على الطفل من الاندونيسية والفلبينية والاثيوبية

__________________

يا حبيبتي يا بكر ..
الله لا يحرمني منج ..
هذا اللي افكر فيه ..
بجيب هندية هالمرة وببتعد عن الفلبينيات ..


للتوضيح..
أنا ماجبتها مربية ولا خليتها تربي بناتي ..
سموها جليسة أطفال وقت اللي أخليهم عندها وأطلع لقضاء أموري ..
ليش تقولون مربية ..؟؟

والله لولا الحاجة ماجبتها ..

الكاميرات ان شاء الله بحط ..
وناوية أحطها قبل ما تجي الخدامة الجديدة عشان ماتشك بوجودها ..
لكن لو خادمة قديمة ممكن تستغرب من وجود شيء جديد بالبيت .. وتكتشف انها كاميرا ..
راح اقفل جميع الغرف عنها ماعاد الصالة وغرفة المعيشة حتى ما اضطر أحط كاميرا في كل مكان ..

مممم ماذا أيضا عطوني أفكار ..؟

الله يعينك والحمدالله انك انتبهتي لها وتفحصتي بنتك ولا بعض الأمهات هداهم الله يصدقون الشغالة ويكذبون الصغار بس إن شاء الله انهم صاروا ينتبهون لأطفالهم اكثر بعد المشاكل والبلاوي اللي طلعت من ورى هالشغالات إلا مارحم الله الله يكفيكم شرهم ويحفظ عيالكم من اذيتهم يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

الله يكون بعونك

والله حالي من حالك
انا اضطر اجل كل مشاورين لحين عودة زوجي من الدوام
حتى اروح للطبيب او البنك او اي مشوار ضروري
ولغير الضروري ما اخرج

طبعا هنا مافي لا ام ولا اخت لي
ولاحتى جارة او صديقة ممكن اعتمد عليهم
يعني الحل ميؤوس منه

وماعندنا خادمة ولو احتاج مساعدة كم ساعة بتكون بالشي الفلاني

هههههههه انا اجيت اشتكي عندك هههههههههههه

ما في حل غير انك تحطي كاميرا وتراقبي والله يكون بعونك ويسخر لك بنت حلال تصون بيتك وبناتك بغيابك

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~