السلام عليكم و رحمة الله و بركاته

أخواتي ( و ليس أخواني ، لإنه ردودهم قاسية )

إذا صار لك الموقف هذا من زوجك إيش ردة فعلك بتكون ؟

و هل ردي عليه صح و لا غلط ؟

______________________________

من يوم تزوجت و وزني نزل بشكل ملحوظ و زوجي ماشاء الله بيزيد كل مرة

زوجي عارف إني تحملت كثير و كثرة الضغوطات و المسؤولية زادتني في النحف

و ألحين الصراحة نزلت أكثر و أنا متعقدة من نحفي و يبغالي أقل شئ

أزيد 5 - 10 كيلو عشان يرجع جسمي ( مليكان ) على قولتهم



زوجي أمس يطالع فيني و يقول لي

( قريت في النت موضوع رياضة تكبير الصدر ، ما شفتيها ؟ )

قلت له ( لأ )

و أنا أصلا ملاحظة إني نحفت الفترة الأخيرة لكن بأحاول أكل بأي طريقة

و غير إني أستحي أطلب أشياء من زوجي عشان لا أثقل عليه

( يعني نحفي هو سبب كبير من أسبابها و قلت له بعدين الشئ هذا

و لإني يوم أزعل أكل في نفسي و أحرق في نفسي )


جاء بينام معاي ، تقفلت نفسي الصراحة و ماحاولت أبين له و قمت

زعل هو إني متغيرة شوي

فقلت له ( قريت في النت موضوع رياضة تكبير و تطويل العضو ............. للرجال ،
ماشفتها ؟ )

قال لي ( لأ )

قلت له يبغالك تقراها

________________________________

بعد ساعة تكلمت معه بصراحة لإنه جلس يسألني إيش فيك ؟

و مسويي فيها هو اللي زعلان



بعدين قال لي ما يحق لك تزعلي و شئ ما يزعل

لإني مو أول مرة أقولها لك ، قلت لك مرة من زمان و مازعلتي ،

قلت له إلا تضايقت مع نفسي بس ما حاولت أبين لك



و بكيت من قهري لإنه مسويي فيها هو اللي زعلان و أنا اللي أجلس أراضيه

و قلت له ترى أقدر أخذ إبر اللي ياخذوها البنات الخربانيين اللي

يجوا في الأفلام و القنوات في التلفزيون و النت

( لإن القنوات عندنا في الدولة هذه مفتوحة )



و بعدين كل الحريم بيتزوجوا و يسمنوا ، شوف أخواتك و أخواتي كلهم بيعملوا رجيم

من بعد الزواج ، و أنا نحفت من بعد الزواج

( و هو فاهم قصدي ، لإني انحرمت كثير من بعد الزواج و متحملة مسؤوليات كثيرة

علشانه و دايم يقول إن شاء الله أعوضك في المستقبل )



قلت له أبغاك تدخل النت و تدور عن مواضيع كيف تكبر العضو ( .......... )

لإنها كذة مو عاجبتني ( حبيت أدقه في الكلام و أجرحه مثل ما جرحني )

و لا أنا و الله مو قصدي ، بس أقرا في المنتدى رجال يسألوا السؤال هذا فقلت

أدقه مثل ما جرحني و أبغاه يحس فيني


و هو عارفني أتكلم كلام مو من قلبي وقت الزعل و ما أقصده ، عشان كذا طنشني



نفسي مسدودة عنه اليوم و بأبعد عنه كل مرة ، إيش الحل ؟

و هل من حقي أتضايق ؟

لسلام عليكم

يا الله يا اختي كانك تتكلمين عني لاني انا بعد نحفت بل اختفيت و السبب زوجي و تقصيرة بطلبات البيت و اللي ما يحبة ما يشترية و انا ذوقي بالاكل تمام يختلف عن ذوقة ..........

وهو بعد دايما يقولي اسمني و يتمسخر على نحافتي الزايدة و اللي زي حالتك هو سببها .... و انا بعد اتضايق و ابكي من القهر .... اختي انا تمر علي ايام ما يدخل بطني حتى خبزه الا اذا رحت عند اهلي اكل زين عندهم و مو ما يوديني كثير عند اهلي بل اني نادر ما اروح ............ احيانا من شدة الجوع اللي احس فية اتمنى اناااام عشان ما احس ....

انت برأيي ما غلطتي ابدا ............

و عشان ما اكون ظالمة .... ترا زوجك يمكن قالك كذا من حبة لك يبيك تصيرين زي ما يبي او زي ما يتمنى ... كويس انة ما جرحك بالكلام و قالك شوفي فلانة او علانة ... ( هذا اللي جد يقهر ) كان قلتي له صحيح كيف تصير الرياضة هاذي بدون ما تبينين لة ان ودك فيها مررره بينيلة انك واثقة بحالك رغم نحافتك الزايدة ....

اختي الله يسعدك و يسخر لك زوجك و يجعل بينكم المودة و الرحمة ....

أختي ميني ماوس

و عليكم السلام و رحمة الله و بركاته

الله يجزاك خير إنك حسيتي فيني

الحمد لله واثقة من جسمي و كل مين شافني قال ليت جسمي مثلك

بس يبغالك تزيدي شويييييية و أنا عارفة بداخلي إنه يبغالي أزيد 5 كيلو كفاية

و زوجي كان يقول أخاف أحسد نفسي و عاجبه جسمي مرة



لكن أعترف حاليا نحفت بزيادة و يبغالي 10 كيلو لإن الظروف تغيرت شوي

و أنا متحملة الشئ هذا و أنا عارفة إنه زوجي يبغاني أسمن



و أمس بينت له بالمزح إني بأمشي على نظام غذائي عشان أسمن



و أنا عارفة إنه ما يقصد بكلامه اللي قاله

لكن أبغاه يعرف إنه هو السبب و إنه الحرمة إذا كانت مرتاحة بتسمن

لكن يوم تنقهر و تاكل في نفسها بتنحف

شوفي اختي روح الطير .. وخلي روحك رياضيه ..

معك اختي ان كلام الزوج اللي زي كذا يجرح شوي ..

لكن في مثل هذه المواقف خليك ذكيه واقلبي الموقف عليه ..

اذا انتقدك في مثل هذا الامر اضحكي وقولي له يا بعد عيني انا كمان نفسي يصير

جسمي حلو ..

ترى تمارين تكبير الصدر هذي كلها دعايه و خرابيط ..

يالله قرقش جيبك و افتح محفظتك ..

عبي لي البيت من كل ما لذ وطاب من الاكل اللي يفتح النفس ويرفع الوزن ..

ومن بكره راح اتصل على احسن جراح تجميل عشان اعمل لي عملية تكبير صدر ..

بلا تمارين بلا خرابيط ..

بس انت افتح محفظتك لي وابشر باللي يسر ناظريك ..

واذا انت يا زوجي تبغى احجز لك معي عند الطبيب عشان يشد لك كرشك او يعدل

لك انفك او يقوم لك اسنانك ويبيضها .. ما عندي مانع ..

طبعا تكلمي بطريقة مزح عشان يحس انه ما في انسان كامل ..

اختي لا تاخذي مثل هذه الامور بحساسيه زايده ... فوتي اختي مو مشكله ..

وحاولي من جهه ثانيه انك تزيدي من زونك و تمارسي الرياضه وخليك واثقه من

نفسك اختي .. ولا تخلي مثل هذا الكلام يهز ثقتك بنفسك ابدا ..

وربي يسعدك..

السلام عليكم ورحمة الله وبركاته اختي

اختي الكريمة لا تاخذي كلامي على محمل التحامل فأن أريد النصح

نعم كلامه يجرح وفي صميم الانوثة ولاكن

لاحظت من كلامك ..هناك تعمد منك الى تكبير المشكلة وليس حلها !!
اختي عندما قال لك زوجك ذالك الكلام فكان قصده النصيحة ومن باب حبه ان يراى في زوجته مايحب ويرضى والدليل لم يقارنك بالساقطات والماجنات في الفضائيات وغيرها ... لم يذكر لك اي اسم
اختي عندما تعمدتي الى الاساءة الى رمز ذكورته كنتي قاصدت وانت تعلمين ان الرجل يتحسس من أي موضوع يمس الطول او مفهوم رجولته !!
اختي الكريمة لاتسعى لتكبير المشكلة وانتي تريدين الحل
وليس هناك داعي الى ان تلقي اللوم على زوجك وتحسسيه بانه المسؤول
فلن تستفيدي شي سو المشاكل
اختي الحل بالتفاهم والرجيم الذي يعتمد على سعرات حرارية عالية لتسمني ويزيد وزنك
التركيز هنا ...
وليس على القاء اللوم وتكبير المشكلة

دمت وبارك الله لك وعليك ورزقك من فضله

__________________

إذا هم أحدكم بأمر فليصلِّ ركعتين ثم ليقل : " اللهم إني أستخيرك بعلمك ، واستقدرك بقدرتك ، وأسألك من فضلك العظيم ، فإنك تقدر ولا أقدر ، وتعلم ولا أعلم ، وأنت علام الغيوب . اللهم إن كنت تعلم أن هذا الأمر - ويسمي حاجته - خير لي في ديني ومعاشي وعاقبة أمري فاقدره لي ، ويسره لي ، ثم بارك لي فيه . وإن كنت تعلم أن هذا الأمر شر لي في ديني ومعاشي وعاقبة أمري عاجله وآجله فاصرفه عني واصرفني عنه ، واقدر لي الخير حيث كان ثم أرضني به " ))

أخوي لوف

أشكر لك مداخلتك و نصيحتك ، بالعكس و الله نصيحتك رائعة و أفادتني و منطقية

و حابة أعلق على نقطة

معاك حق الصراحة ، لكن يمكن لإني من يومين شفته يحمل فيلم أجنبي من موقع تحميل

و موقع التحميل هذا بدأ يعرض صورالساقطات و الماجنات و عديتها و سكتتت

و أنا واثقة في زوجي و الحمد لله

لكن معنى كذة كل مرة يحمل فيلم بينعرض قدامه القرف ذا ؟؟؟؟؟؟؟

و إذا ما أغار على زوجي فأغار على دينه



و غير إنه القنوات تبعنا مفتوحة عالآخر ، و فيها كل شئ تتخيله و ما تتخيله

مرة فقط كنت بأقلب في القنوات و كل قناة أوسخ من الثانية

جلست أستغفر ربنا و قفلت التلفزيون



و زوجي يحب يتفرج عالأفلام و تعرف الأفلام عندنا يشيلوا المقاطع الإباحية

لكن هنا تطلع لك على فجأة و يوم يجيبوا مقطع وسخ ، أسأله أحيانا

هذه هي الأشياء اللي تتفرجها ؟ يقول لي بأقلب على طول للقناة الثانية

و المشكلة تنقلب لك على قناة أوسخ و على بال ما تقلب للقناة التانية

يكون المقطع انتهى فإيش الفايدة ؟؟؟؟؟؟؟

و أنا رافضة كنت فكرة الدش العربي سابقا

و ألحين المصيبة أعظم و أكبرررررررررررر

و يمكن هذا اللي خلاني أتحسس شوي و أتضايق من كلامه

زوجي اللي معروف بإلتزامه و أخلاقه و هذه القنوات عندنا

حاولت اشيلها لكن للأسف مانقدر نلغي العقد ألحين لحد ما يعدي كم شهر و ما أعرف كيف أشفرها ؟

وأشكرك لنصيحتك

حبيبتي .. معاكي حق تزعلي
بس مامعك حق بردك عليه

مش شرط تجرحيه عشان تبيني له خطئه
بالعكس ممكن تردي عليه رد يحرجه و تحسسيه بالغلط
بدون ما تغلطي فيه

مهما كان الرجال يزعل من هكذا تعليق و بقولك الصدق يمكن لو كان زوجي كان بطل
يجيني و يمكن كان تزوج وحدة ثانية و كان يمكن يقولي مش عاجبك صح خلاص لا
اجيك و لا تجيني

صفي الاجواء و انسي الموضوع الحين . و اذا علق على صدرك
او نحفك مرة ثانية ردي عليه بحنكة مثلا قولي له ..
كلهم يحسدوني على رشاقتي (بالغي شوي )
شوف شوق خواتك كلهم نازلين رجيم و رياضة ودهم يصيرون مقاسي

ولا قولي له مثلا :-
اطبخي يا جارية .. كلف يا سيدي .. تبيني ازيد وزني .. سمني عبي لي الثلاجة و ريح علي

واذا علق على صغر صدرك : قولي له احمد ربك بكرة احمل و اجيب عيال و تشتكي من كبرهم
او قولي له بدلع : سمعت انه هذاك الشي يكبرهم يعني الموضوع بيدك

خلاصة الكلام ردي عليه بس لا تجرحيه

الله يوفقكم .. و ياستي لا تخافي صدق بكرة ان شاء الله مع الحمل و الولادة
راح تتمنين جسمك الحين

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

أختي أميرات

تدري ؟

روحي رياضية مع كل الناس و الحمد لله

لكن مادري ليه مع زوجي أتحسس بسرعة ؟

لكن نصيحتك و فكرتك جدا رائعة بأحاول أطبقها و نفسي أتغير في النقطة هذه

و أصير كذا : (


بأحااااااااااااااااول أزيد و الفترة الأخيرة و بالتحديد الشهر هذا

مانتبهت على نفسي و نحفت عشان جات ظروف صعبة شوي و انشغلت معاها

لكن المفروض ينبسط زوجي ، أول شئ اللي يشوفني يحسبني بنته أو أخته

مو زوجته

و الشئ الثاني كل مين شافني ما صدق إني متزوجة و عندي طفل

فليه ما يعلق على النقطة هذه ؟

و الزيادة إن شاء الله أسهل من النقصان

و من أمس و أنا اشتري كل اللي نفسي فيه و طايحة أكل في المكسرات و الحلويات



و الحمد لله عزيمتي قوية إن شاء الله بأزيد 5 كيلو

أختي نورا

يسعدددددك نصيحتك حلوة و كلامك حلو و أنا علقت عليه كذا المرة اللي فاتت

عشان كذا قال لي إنت مازعلتي قبل لما قلت لك و مالك حق تزعلي ألحين



لكن أتوقع السبب الرئيسي مثل ما رديت على الأخ لوف

المواقع و القنوات الوسخة اللي أتمنى إنها تنشال اليوم قبل بكرة


و نصيحتك عالعين و الراس بأطبقها إن شاء الله

خاااااااااااااااطري زوجي يقولي شو الشي اللي عاجبه واللي مو عاجبه ويبي له تعديل والله لأسوي كل شي

حتى ارضيه وأدري إن الشي هذا يحبه بس للأسف مااااااااااادري شنو يحب شنو يكره شنو يعجبه لأنه من النوع

اللي يستحي يقول ومايحب يسولف الا بالمرجله وسوالف الرياجيل ومواقفه لكن شي فيني مايقول وعادي متقبله

الوضع بس لو يمدح ياسلااااااااااااااااااااااااام كانت الدنيا احلى مرتين حبيبتي احمدي ربك واذا هو مستانس قبل من

جسمك فتأكدي انك احلى الحين بنظره لأن الحريم بس يتزوجون على طول يصيرون نفيخه وانتي ماشاء الله للحين

رشيقه ,,, بالتوفيق