خطر ببالي فكره وقلت أطرحها لنستفيد من بعضنا من الأزواج والزوجات
وأرجوا التفاعل لتعم الفائده
طرق الإحتفال كثيرة ولا تحصى والجنونيه منها كثيره بعد لو كل زوج أو زوجة طرح فكره سواها أو بيسويها إذا سمحت الفرصة بإذن الله راح نتعلم كلنا من بعض وهذا هو الغرض
من إشتراكنا في هذا المنتدى الرائع
أبدأ بنفسي .
أنا بصراحة ما أمل من المفاجآت والأفكار الجنونية لا تكلف الكثير ولكن تسوي العجائب في العلاقة بين الزوجين مستحيل تتعب عشان زوجتك وما ترد لك الهدية عشان كذا ما يمر فترة إلا وتكون حفلة أو هدية
آخر حفلة جنونيه سويتها عندما طلبت مني زوجتي تروح لأهلها أسبوع وهم في مدينة ثانية لزيارة والدها الله يشفيه يارب سافرنا وبحكم عملي رجعت البيت جلست أسبوع لوحدي وبديت أفكر وش ممكن أقدم لزوجتي والله أنهالت علي أفكار كثيرة قررت على تغيير ملامح الشقة وبديت أشتري ( 100 شمعة و 100 بلونه من جميع الأشكال والألوان و 10 أكياس وورد مجفف و 50 شرائط على شكل وردة وعبيت الشقة والله ما خليت متر طبعاً الشقة 4 غرف وصالة وبقيت غرفة واحده بدون شي عشان تدخلها زوجتي لأشعل الشموع واشتريت عشر ألواح فلين و4 الوان قلم سبورة وكتبت أشعار وكلام حب وشكر و كروت رسائل حب و هدية بسيطه وغلفتها وقماش طوله 5 متر من الصالة إلى غرفة النوم يمكن تقولون جاين من سفر وتعب الوصول إلى المدينه اللي انا فيها وصولنا طيران ما طولنا المهم كان باقي شي مهم وهو باقة ورد وورد طبيعي منثور انا اعرف صاحب محل ورود قريب من بيتنا وامر عليه كثير وقلتله الساعة كذا يكون الورد جاهز وفعلاً مريته وآخذت باقة الورد واهديتها زوجتي والورد المنثور كان في كيس مخفي وقلت هذي مفاجأه وعند وصولنا للبيت طلبت منها الدخول إلى المجلس إللي هي الغرفة الوحيده ما سويت فيها شي وطلبت تمهلني 5 دقايق وكنت مرتب كلي الشموع فيى الغرف والورد المجفف نثرته في كل البيت والبلونات نفختها وعلقتها على النجف والأبواب والشرائط في زوايا الأبواب والهدية على السرير وعلى طول نثرت الورد الطبيعي على القماش وعلى السرير وفي غرفة النوم إللي تأخرت فيه واتعبني الشموع أحرقت أصابعي ههههههههههههه بس والله وناسه تعرف بعد شوي إنك بتفرح شريكة حياتك المهم دخلتها الغرف وكانت مفاجأه لها إلى الآن وهي تشكرني عليها وبكت الله يحفظها من الفرحة وصورت كل شي سويته وأضافته لألبومها الخاص وكل فترة تناظر في الصور وتشكرني هذي واحده من أفكاري الرومانسيه إللي سويتها .
وللعلم لم تكلف الكثير ولكن أثرها باقي وبيبقى سنين طويلة والحمد لله رب العالمين
ماشاء الله عليك
الله يوفقكم ويهنيكم... الحقيقة ان هذي الحركات على بساطتها تفرح الزوجة وتضفي السعادة على الزوجين..
وراح أستفيد انا شخصياً من هذي الحركات..
يسلموا...
__________________
نحتاج إلى فهم المشكلة قبل أن نبحث عن حلول لها ،إذا لم يتم ذلك فإن الجهود المبذولة لحل المشكلة يمكن أن تقودنا إلى الحل الخاطئ.
أسأل ربي أن يديم المحبه والألفه بينكم ..
فكره أكثر من رائعـة, وليت الكثير من الأزواج يلتفت لمثل هذه الأمور
لأنها بالتأكيد سبب بعد الله سبحانه للوصول إلى السعادة الزوجية بمعناهـا الحقيقيْ..