السلام عليكم
في الحقيقه انا عندي مشكله مع زوجي او تقدرون تقولون عده مشاكل
تعبت وانا احاول احلها معاه بيني وبينه
وانا يتيمة الام والاب وما اقدر الجا الى احد من اهلي يحل لي مشاكلي لان مابي زوجي يطيح من عيونهم
واهله ما اقدر اتكلم معاهم لاني مو متزوجه الرجال علشان افضحه
ضليت بفتره خطوبه قبل الزواج سنتين والحين صار لي سنه من تزوجت ومو عارفه افهمه
المشكله الاولى اني كنت اثق فيه ثقه عمياء وما اصدق لو يقولون انه يكدب علي
وبعدين اتفاجأبالاشياء الي صارت لي
فيه يوم الايام اطريت اخد جواله (هو عنده جوالين) وطبعا بعد ادنه لاني كنت رايحه على مكان ممنوع فيه جوال الكاميرا
وتفاجئت برسايل غرام في جواله من وحده كان يكلمها بفترة خطوبتنا وطبعا وعدني انه ما يكلمها وعديتها له وسامحته
وانا اطالع الرسايل جت رساله منها تسأله ادا تزوج او بعده
انابصراحه حامت تسبدي منه ومنها لانه قال لي انه ماكلمهامن يوم الي دريت عنها فيه (فترة الخطوبه)
واكتشفت انه يكلمها الى ان تزوجنا
ولما واجهته بالموضوع مره ثانيه قام يبرر بأنه هو مايبي يكلمها بس هي الي تتصل ولما قلت له انو مو لازم يرد عليها ويقول لها انه خلاص تزوج اويعطيني السماعه اتفاهم معاها قام يصرخ ويقول هي منهي علشان اقول ليها انه تزوج وقامت الدنياوجلست انا ابكي في وهو لساته منفعل ويتكلم بصوت عالي
بعدين قلت لو اني اتكلم مع رجال غريب يرضيك؟
قال لي اكيد ما يرضيني
قلت له اجل كيف تتحلل الشي لنفسك ولا ترضاه علي
بكل بساطه جاوبني ؟"لاني انا رجال
المهم بعد عده ايام عادت المياه الى مجاريها لاني اخدت رقمها وخليت واحدمن اهلي يكلمها على انه هو ويقول ليها انه تزوج وانها تسببت له في مشكله

وفي مره كنت جالسه افتح سجل المحادثات حقي بالمسنجر لاني احفظ جميع محادثاتي شفت محادثه له مع بنت(هذه البنت غير الاولى) كلها غزل ومدح وشوق الى هده البنت (وكان يكلمها من فترة خطوبتنا ويمدحها قدامي ويمدح تعليقاته على المواضيع بالمنتديات ويقول عنها انا شريفه وماترضى ان احد يغلط عليهاوتصارحت معه وقلتله انو انا اغار عليك ياحبيبي مايصير تكلم بنت مهما كانت افكارها وحتى لو هي محترمه انا ماارضى انك تكلمها قال لي خلاص ماراح اكلمها وبحدفها من مسنجري وماراح ادخل نت قلت له انا ما منعك عن النت بس ابيك تنتبه من بلاويه وتصالحنا)
وطبعا انا الي قهرني ان زوجي ما يمدحني ولايغازلني ولا بكلمه حلوه لو ايش ما سوي له
مع العلم ان الكل يحسده علي وعلى جمالي مو بس كدا انا مو مقصره مهتمه في شكلي ولبسي ومهتمه في بيته واكله والكل يشهد على دللك من اهله واصدقاءه كلهم يعرفون هدا الشي ويتكلمون علي عند حريمهم ويقولون يابخت فلان بفلانه تعرف كدا وكدا وكداوا واهله كلهم يحبوني
ابي افهم ليش يسوي كدا؟
وتكلمت معاة في هذا الموضوع في البدايه انكر انه كلم البنت وغازلها وقال لي انتي تتهمني بشي مو صحيح وانتي تتوهمين قلت له انا اتهمك ظ؟وانا اتوهم؟؟اجل وشو دا الي في الكمبيوتر ادا انا اتوهم الكمبيوتر ما يتوهم وحفظ كل المحادثات الي دارت بينك وبينهم!
سكت شوي وما عرف ايش يرد علي
وانا ابكي بحرقه وقلت له لما اسألك ليش ما تقول لي كلام حلو تقول لي ماعرف!!
الحين صرت تعرف تقول لهذه البنت الي ماتعرفك ولاتعرفها كلام حلو
وانا زوجتك اولى بها من هدا الكلام
قام خدني وحضني واعتذر لي وحلف انه مايعيديها وانه يعرف صعوبه هدا الامر علي
وقال لي انا اسف على الي سويته


اما المصيبه العظم والادهى والامر
ان التلفزيون فيه قنوات اباحيه وانا مادريت عنها الابعد الزواج بسبعه شهور لاني ما افتح التلفزيون كثيرولاني واثقه منه انه ما رح يحط هذه القنوات انا على طول قلت له يا فلات ترى التلفزيون فيه قنوات اباحيه حاولت احدفها بس ما عرفت كأنه عليها قفل وسألته ادا يعرف يحدفها قال لا بس وعدني يصلحه في محل
ومرت الايام وانا ادكره واقول له لو احد جا البيت وشاف هذه القنوات وش بقول عنا وبعدين هي قنوات محرمه
قال لي ادا فضيت اصلحه انا الحين مشغول

و في ليله كنت انا معاه بغرفة النوم هو يجامعني (لسه ماخلصنا )قال لي انابنزل تحت بروح الحمام بغسل وبرجعلك ومو اول مره ينزل تحت في نص الجماع انا استنيت واستنيتوطول وهو تحت وقلت في نفسي بنزل اشوف وش الي اخره
ولما نزلت شفت في يده الريموت حق التلفزيون لما شافني اغلق التلفزيون وقال لي يله نصعد قلت له يلا
صعدنا وخلصنا وقمت سبحت وبعدين ما قدرت انام وانا افكر ليش اتأخر
لما نام فتحت التلفزيون وشفت القناه الي كان يشاهدها كانت رياضيه ولما رجعت على اخر قناة كانت تشاهد قبل القناة الرياضيه تفاجئت بانها قناه اباحيه وكلمه اباحيه قليله عليه

وجلست ابكي وجلس هو على صوت بكائي سألني وش فيك ما رديت عليه بس ابكي من الصدمه بعدين سالته ليش يشاهد هده القنوات قال لي اي قنوات وانكر انه شاهدها وعصب وصارخ في وجهي علي بحجه اني اتهمه بشي هو ما سواه قام وفتح التلفزيون وقال لي انا احط على قناه علشانها قريبه من قناة الرياضه بس ما ادري انها قناه اباحيه يمكن تفتح اخر الليل وقال اسم قناة غير الي شفتها انا (وكانه يأكد انه يعرف جمع القنوات) قلت له انا القناه الي شفتها اسمها مو كدا وهدا الشي اكد لي انه يشاهد هده القنوات
بعدين جلس يحلف لي انه ما يشاهدهم وانه يمكن بالغلط مر عليهم وهو يشاهد تلفزيون وجلست احاسب نفسي لاني قسيت عليه وحكمت عليه بدون دليل قاطع على صحه كلامي

والبارح اشترى كمبيوتر خاص فيه(هو ما يحب اتكلم او اجلس معاه ادا كان جالس على الكمبيوتر او يشاهد تلفزيون ) وفي الليل لما نعس ركب ينام وتركه مفتوح تخيلو وش شفت؟؟
مقاطع فيديو اباحيه انا صعقت من الي شفته
احس انه خدعني وخاني بعدما وثقت فيه مره ثانيه وثالثه وحاسبت نفسي وندمت لاني اتهمته
احس نفسي انسانه غبيه وانه تساهل بي ولعب بمشاعري



انا ما اقدر اتفاهم معاه لانه يعصب ويصارخ حتى لوكلمته بهدوء وحنيه ودلع
تفاهمت معه بكل الطرق بالهدوء ما نفع بالعصبيه ما نفع بالدلع والغنج ما نفع...وش اسوي؟
اعمل له كل الاشياء الي يحبها وما نفع!!!
واتغاضى عن اشياء كثيره يجرحني فيها واسكت ومانفع!!! (كنت من قبل احاسبه بعدين عرفت ان الرجال مايحب احد يحاسبه وصرت ما اقول له لما ازعل منه لاني مابي مشاكل)
انا ما ابي اتطلق
وما ابي ادخل اهله في الموضوع لانه موضوع حساس جدا وما ابيهم ينصدمون فيه ومستحيل يخطر في بالي اني ادخل اي احدمن اهلي واهله في مشاكلي الخاصه
احس اني كرهته وكرهت العيشه معاه وان حياتي بتنتهي انا حيرانه ومو عافه ايش اسوي
ابي الله يهديه وويترك السوالف البطاله
والله اني اموت في اليوم الف مره
ارجوكم لاتبخلون على بالمشوره والدعاء



اعتذر عن الاطاله

اختكم احبه وخدعني

حبيبتي .. الله يصبرك .. ما ادري شو اعلق على الي يسويه .. بس حبيبتي لو اهو انسان حيل عصبي , و يصعب الكلام معه و مواجهته , انصحك انك تكتبي كللللللللل اللي حاسه بيه, من دون شتم , بس احساسك انتي , وليش انت زعلانه منه و من افعاله, و شو حسابه فالدنيا و الاخره .. اكتبي كل اللي في قلبك .. و بعدين حطيها الورقه عند مكتبه بالبيت أو عدال سريره .. في اول سطر كتبي شي مثل : حبيبي ارجوك اقرأ كل هالرساله من اولها لأخرها .. انتي كوني تطبخي او نايمه او اي شي .. المهم خليه يقرأ .. حتى لو عصب , يكون على الاقل انتي فهمتيه موقفك من الموضوع , و موقفه اهو , وعقابه ..
الله معك حبيبتي ..

وعليكم السلام ورحمة الله وبركاته

أولاً : ألف مبرووووك الزواج ياعروسة وربي يسعدكم ويوفقكم:14:

والحمد لله ربي عوضك بزوج واضح جدااااااا انه طيب وحنووووون ويحبك ويسعى لإرضائك ولله الحمد والشكر ويمكن هذا من محبة الله لكِ

__________________

شكرا لك اختي ام وقاص على الفكره سأفكرفيها
والله يعطيك الف عافيه


لما قلت له انو انا في بدايه حياتي كنت متعقله فيه مهتمه فيه كثير والحين احس ان اهتمامي قل
رد علي وقالي احسن كدا وهو يبتسم
اشكرك اختي جمانه من كل قلبي على نصائحك
يمكن تقولين انو انا اصعب الامور
لكن والله ان الامور صعبه جدا معاه

بصراحة اختي بداية الحياة الزوجية لابد من المشاكل . .

لاكن كلام ام جمانه صحيح جداً وهو عين العقل . .

وربي يهدي لك زوجك . .

__________________
ربي يخليك لي ويحفظك ياأغلى زوج بالدنيا كلها

عساني مانحرم منك ومن حنانك ياتاج رآسي

في الحقيقه انا اتعبت وانا احاول معه
ابيكم تععطوني حل بحيث اني اقدر اخليه يقتنع ان الي يسويه حراااااااااااااااااااام حراااااااااااام حرااااااااام
انا تعبت حالتي النفسيه والجسديه صارت زفت لي يومين ما نمت ولا اكلت شي
احس اني بموت من القهر
تعبت وانا اتغاضى واسكر عيوني عن عيوبه واطالع حسناته
واجلس اطالع عيوبي لدرجه انو احس انه عندي مرض نفسي
وانا ما قلت لكم ان المصروف ما يعطيني اياه الا ادا طالبته فيه مره ومرتين وثلاث وبعض الاحيان ما يعطيني مصروف
وانا الي ادفع فاتوره جوالي وانا الي اشتري ملابسي وانا الي ادفع حق السواق الي يوصلني الدووام هو بس يدفع حق اغراض البيت وفيه اشياء كثير كانت ناقصه في البيت ومهمه جدا انا الي اشتريتها
ماحس اني زوجته
مع انه مقتدر وراتبه زين ويكفي
واداتعبت او مرضت ما يجلس معي دائما برا البيت ولا ياخدني على الطبيب الا ادا طلبت منه مره ومرتين وبعض الاحيان يعصب واسكت عنه واتحمل الالم الي فيني
وادا سالته عن شي يقول لي انا ما احب الاسئله الزايده
يعني لو اسئله وش فيك حبيبي؟ يقول لي ما فيني شي وانا ما احب الاسئله الزايده
لو اسئله وش تبي تاكل حبي؟يعصب و يصارخ ويقول ما احد يعرف يجلس في هالبيت اطبخي اي شي
وادا قلت له طيب مافي بالك شي؟يقول لي انتي عقلك جزمه ما تفهمين؟؟
تعبت من الاهانات والتجريح
انا احس اني مكمل للديكور في المنزل
ساعدوني الله يعطيكم العافيه
على العموم ادا صار اي شي جديد بقولكم عليه
اختكم احبه وخدعني

عزيزتي...توك اول سنة ولسه قدامك مشوار..لازم يكون نفسك طويييييل....

اذا كان متعود على الكلام هذا من زمان يبي لك فترة طويلة علشان يتعود عليك ويترك هالاشياء...
حبيبتي..يبي لك تجلسين معاه جلسة هادئة وتقولي له: حبيبي وش شايف في هذي الاشياء اللي تشاهدها ونفسك يكون فيني؟؟؟لأن بعض الرجال يكون نفسهم في اشياء بس يخافون يبينوا لزوجاتهم ويكبتوها داخلهم فما يكون لهم غير تفريغها عن طريق الحرام!!!

نصائح الاخت ام جمانة عين العقل ,لازم تعرفي كيف تسيطري انت على عقله وتفكيره طول الوقت,,وخذيها نصيحة مني خلي ثقتك بنفسك قوية وسوي له كل اللي يتمناه ولا عليك اذا شاهد اشياء مو كويسة ولا تحطيها في بالك _يعني ببساطة حاسة المرأة السادسة طفيها شوي ولا تفتشين وراه_ ترى اذا عملتي اللي يبيه هو من نفسه راح يستحي على دمه ويبطل هالحركات...

وفي زوجك ميزة ,طالما انه ينكر وما سواها على عينك ياتاجر ,معناته انه يحبك وشاريك وما يبي يجرح احساسك ,استغلي هالنقطة ولا تصرين عليه لين ما يعترف لانه اذا تعود كل مرة تطيحين عليه ويعترف ان بعدين ما يعمل لك حساب عرفت والا ماعرفت,بيني له انك واثقة فيه مرة وانه ارفع من هالمستوى ,شوي شوي بيبطل ,صدقيني,واسمعيها من مجرب.

واخيراً,الله يصلحه ويهديه ويهدي سرك,,

أنا عارفه انك عايزه حلول عمليه ومش اى كلام ولا يهمك يل قمر خدى عندك
أولا خربى له الدش ودى سهله وبسيطه غيرى اتجاه الطبق ولو مش هتقدرى يبقى العبى فى الوصله يعنى فى سلك الدش او اقطعيه بحيث لا يظهر مكان القطع بسهوله
وبالنسبه للكمبيوتر خديه عندك فى غرفتك بحجة انك عايزه تشوفى عليه حاجات ولو عندك واحد تانى اخربيه علشان ما يبقاش له حجه
وبالنسبه لمعاملته السيئة اتبعى نصائح ام جمانه فهى اكثر من رائعة وكلها عملية فعلا
أما انا فأدعو لكى بالتوفيق والسعاده

السلام عليكم حبيبتي عليك بالدعاء الدعاء وتحري اوقات الاجابه وفي سجودك وفي اللثلث الاخير من الليل بان الله يصلحه ويجعلك قره عينه ويبعده عن الحرام

__________________