أعزائى لفت أنتباهي أن هناك عدة مواضيع فى المنتدى تتكلم عن علاقات ماقبل الزواج ومدى ألمها على الشريك الاخر ....( بعد أذنكم راح أخذ راحة في الكلام )
أول شيء خلونا نسمي كل شيء باسمه الصحيح .... ماضي <== أنا أفضل كلمة طلعات وتمشيات وتديت وقبل وأحضان وزنا والعياذ بالله
أبغ أعرف كيف الشباب يفكروا ؟؟ أنت تقيم علاقة مع أكثر من وحده حتى والله أن بعضهم يعتبرهم مثل المسبحه ( وحده تجي ووحده تروح ) ما تخاف بعد الزواج أنك تمل من زوجتك وتبدأ بعد فترة تعقد مقارنات بينها وبين صديقاتك ( فلانة ضحكتها أحلى ، فلانة دلعها أروع) وغيروا وغيروا
يرد عليك ويقول راح أتزوج عن حب وماراح أفكر في أحد ثاني <=== كذاب
الكلام هذا راح يصير بس السؤال بعد كم ؟ بعد شهر ،سنة ،سنتين والله أني أعرف أشخاص عندهم أولاد كبار وعنده في كل وادي بيت
كنت أسمع من زملائي قصص مغامراتهم وكل واحد مبسوط ونافخ صدره حتى الواحد صار يشك في كل بنت يشوفها تقولهم عيب ومايصير وماترضه يصير في أختك يرد ويقول أختي متربية وباقي البنات........
ترميها في وجه وتقول له حرام وهذا دين ماصيرك ترده يرد ويقول عيش شبابك تراه مايجي اللى مرة واحد
والله ياأخواني أني كنت أجلس في العزبه(أدرس بره السعودية ) ويجي وقت العصر وكل واحد شايل نفسه وعلى وين؟؟ طالع مع خويتي
كيف شعورك لو قالت لك خطيبتك ان عندي (ماضي) راح تقول عادي ، راح تقول أحلى كلنا في الهوا سوا
أغلب الشباب راح يزعل ويفسخ الخطوبة ويقول عليها أنها ماهي متربيه ويقيم الدنيا ولو مسكت جواله وشفت الاسماء والرسائل تستغرب
أخواني الواحد يصبر ويقول يارب صبرني وأوعدني والله أني كنت أقوم نص الليل من الهم كل واحد فيني عنده مشاعر وعواطف وشهوة يبغ يطلعها كنت أقول ليه مااعرف بنات وأعيش حياتي؟ لكن الواحد يبغ التوفيق والبركة من عنده الله عزوجل والحمدالله خطبت من وحده زي اللؤلؤه وأقسم بالله انها على ما كنت أتمناه
أخواني كل واحد يتمنى بنت شريفة طاهرة محترمة ليه مانكون أحنا الشباب نفس الشي؟؟؟

ابو رشود

جزاك اللَّه عنا خير الجزاء... كلمات من القلب إلى القلب..أثابك اللَّه .

أبو رشود


جزاك الله خير في طرحك لهذا الموضوع ، لأنه و الله أعلم الغافلين كثار و المستهينين في الدين أكثر

جزاك الله خبرا أبو رشود

قال تعالى ( ومن يتق الله يجعل له مخرجا . ويرزقه من حيث لا يحتسب ) أسأل الله أن يتم لك زواجك ويبارك لك فيه

فعلاٍ هذا حال كثير من الشباب الله يهديهم



الواحد لازم يكون واعي أن في فرق بين الحلال والحرام



نفسي أعرف ايش تستفيدوا اللى يعملوا كدا

__________________

مشكور يا ابو رشود
يعطيك العافية
اسال الله الستر لبنات المسلمين

__________________
لكم تحياتي ...أخوكم حجي

من ترك شيئا لله عوضه الله خيرا منه

صدقت أخي الكريم ... وفعلا من صبر ظفر ...

وهذا جزاء الدنيا فكيف جزاء الآخرة !!!!!!!!!!!!!!

بارك الله فيك اخي الكريم ابورشود على الطرح المهم ..

جزاك الله خير ..

تحياتي

جزاك المولى كل خير ابو رشود
بصراحه كلا مك كلام انسان اخلاقه عاليه ونادر بها الزمن
ولكن صدقنى مو بس الى عنده صديقات زمان ممكن يعقد مقارنه بينهم وبين زوجته
حتى لو ما كان يعرف وتزوج بيعقد مقارنه بين زوجته وصديقاتها
وهذا حال الكثير
مو ضوع فعلا حلوووو واتمنى الكل يشارك

مشكورين أخواني و أخواتي على تجاوبكم ....
والله انا ماكتبت الموضوع هذا اللى بعد مشفت وسمعت عن المشاكل اللى تصير بين الازواج والحزن اللى يكون في قلب شريك العمر بعد مايعرف الحقيقة وأسال الله عزوجل انه يهدي الجميع للخير والصلاح