السلام عليكم

احكموا ياجماعة بالحق

عمي ابو زوجي كل مابغى من زوجي شي جاء يدق الباب بصورة مفزعة لدرجة بنتي تخاف منه

دايماً اتحمل رغم انه يفجعنا ويخوفنا واروح من الصاله جري لأني اكون لابسه ملابس البيت وبنتي تخاف وتجري وراي

ولأنه اذا كان باب الشقة مو مقفل يفتحه عادي ويدخل!

تحملت كثير بسبب كبر سنه وقرابته لي

المرة الأخيرة كان ليلة دوام وكنت صاحية من الفجر نومت بنتي ونام زوجي وصليت العشاء ونمت

ع الساعه تسعه ونص الا الباب يدق بقوة وزوجي قام مفجوع وهو مكانه يقول طيب طيب وانا جلست اهديه لانه كان مفجوع مره

بعدها حاولت ارجع انام ماقدرت وبنتي صحيت وحاولت انها ترجع مارضت وماقدرنا نرجع ننام وغبت عن الدوام اليوم اللي بعده وزوجي غاب عن دوامه


انا قلت لزوجي يكلمه يقول له لا يدق الباب بهالصورة المفزعة اقلها يتصل ع الجوال

وزوجي يقول هذا ابوي لو يدق الباب عشان منديل يحق له
علما انه ماكان يدق الباب عشان شي مهم بس عشان يقول له يروح لعمارة اخوه

طيب احنا ايش ذنبنا ؟؟

يفجعنا بهالطريقة ويصحينا من نومنا ونغيب عن الدوام!

لسى تناقشنا انا وزوجي وقلت له هالوضع مو مريح بالنسبة لي قال لي ترتاحين في بيت اهلك

هل أنا مخطئة في شي. ؟؟




تم تعديل العنوان
مستجدات
رد 24
http://www.66n.com/forums/showpost.p...9&postcount=24
مستجدات
رد 47
http://www.66n.com/forums/showpost.p...0&postcount=47