السلام عليكم
وجدت مع زوجي حبه صفراء صغيرة طبعا وقعت منه بدون مايحس وبحثت في قوقل طلعت كبتاجون

زوجي مو ملاك فيه من العيوب
لكن مارست الصبر في حياتي معه وتاقلمت

هو قايم في شئون البيت واطفاله ومشاويرنا وطلباتنا
لكن مايجلس في البيت الا نايم او ياكل وجبته على السريع ويطلع انام الليل وحضرته مارجع ومع ذلك ماكنت اتوقع وراه هالشيء توقعت جمعة شباب وفله

اكير عيب عنده السهر خارج المنزل بالساعات زعلت واعترضت لين خلاص تاقلمت وتعودت
لكن هالحبه خلتني اصحى
خلتني افهم هو ليش دائم برى البيت لو بروح لاهلي ماعنده اعتراض ومانع
مافيه اي تعلق فينا

مالاحظت عليه اثار ادمان اللهم انه فعلا عصبي لكن ماتوصل للايذاء ومد اليد


الان اواجهه او اخبر احد من اخوانه
ولو واجهت يا بينكر يابيسكتني باي كلمه احس المواجهه ماراح تخليه يتوب وبترك طول ماهو متعلق في اصحابه

اصحابه اهم شيء يوميا لازم معهم يوميا حتى لو جانا ضيوف او كنا معزوم بس تخلص العزيمه يطلع يقابلهم

هل اوجه احس المواجهه يبغالها اشيل عفشي واترك البيت له والله اعلم بكذا ينصلح الحال او يكبر

والا ادخل اخوانه في الموضوع

والا اسكت واصبر طالما ما اذاني رغم اني اختف على المستقبل وسمعة اطفالي اخاف يوصل للادمان فعلا لاني حاليا احسها مو بكثره هو نومه خفيف لكن ماينام ايام متواصل كانه ميت

كنت في موقع عام وذكرت سالفتي جاني شخص قال تواصلي خاص واعلمك كيف يتركه غصب وانا رفضت التواصل معه لو احد عنده خلفيه طريقة تجبره يترك هالشيء لا تبخلون علي حبيت استشير قبل اخذ اي خطوه والله يجزاكم الجنه

كنت في موقع عام وذكرت سالفتي جاني شخص قال تواصلي خاص واعلمك كيف يتركه غصب وانا رفضت التواصل معه لو احد عنده خلفيه طريقة تجبره يترك هالشيء لا تبخلون علي حبيت استشير قبل اخذ اي خطوه والله يجزاكم الجنه

__________________