المقادير :
3 ملاعق كبيره زبده (ما تكون جامده..خلها تكون بحرارة المطبخ)
كيس بسكويت (digestive) متوفر في السوبرماركت
علبة جبنة بوك (هذي اللي تكون في كوب...الكبيره مش الصغيره)
علبه جبنة تركيه غير مملحه...(موجوده في السوبرماركت أو الجمعيات)
علبة جيلي بنكهة الليمون
3 ظروف كريمة...(الكريمة العادية اللي يبيعونها في أي مكان)
وآخر شي اللي هو علبة مربى فراوله أو توت بري كبيره (هذي ما بتلقونه غير في الجمعيات والسوبرماركت الكبيره...مش المربى العادي....تكون حبات الفراوله مثل ما هي مش مهروسه مثل المربى اللي نآكله..هذا بس حق الكيك...بتلقينه في القسم اللي يحطون فيه علب خلطات الكيك.....والأحسن انكم تجيبون فراوله ترى لونها وطعمها أحلى....

الطريقه : (سهله وايد)
- تجيبون كاسة شاي وتعبونها ماي مغلي وتفرغون فيها كيس الجيلي لين ما يذوب.
- تجيبون البسكويت وتطحنونه في الطحانه لين ما يستوي بودره وبعدين تزيدون عليه الزبده لين ما ينخلطون زين.
- بعدين تجيبون طاسة كبيره وتحطون فيها أكياس الكريمه + الجبنه التركيه + جبنة بوك) بس بدون اضافات.....وتبدون تخلطون بالخلاط لين ما يزيد حجمه شوي.
- بعدين تزيدون كاسة الماي اللي فيها الجيلي شوي شوي مع استمرار التخليط.
- نحضر قالب متحرك على شكل دائرة (هذا اللي يكون ماسك بس من الأطراف عشان بعدين تشلينه بسهوله)..وتحطينه على صحن التقديم وتصبين داخل القالب خليط البسكويت مع الزبدة وترصونه يايدكم...
- بعد ما تكونوا حطيتوا خليط البسكويت والزبدة تزيدون فوقه خليط الجبنه والكريمة والجيلي فوقهم وتخليه على مستوى واحد، يعني ما تخلي جهه طالعه وجهه نازله....
- وآخر شي تحطون مربي الفراوله فوقه الخليط الكريمه بس انتبهوا ما ينخلط الخليطين مع بعض)....وبس
- وتحطونه في الثلاجه لمده مش أقل من ساعتين أو ثلاث ساعات...وبعدين تطلعونه وتفكون القالب من الجنب...وطبعاً هو بيكون على صحن التقديم فما يحتاج تنقلونه لمكان ثاني تراه بيخترب....
- وتقطع القطع على شكل مثلثات طوليه....يعني من نص الكيكه لين بره....
وألـــــــــــــــــف صــحـــــــــــــــــة وعـــــافــيـــــــــــــــــــــه عــلـــــــــى قــلـــــــوبــــــــــــــكـــم،،،
وآسفه على الاطاله بس حبيت أوضح كل شي بالتفصيل...عشان يكون كل شي واضح للكل......

تسلم الايادي ياحبوبتي ..

الله حلى ولا اسهل واحلى منه مافي..
يعطيكي العافية ..


وفي انتظار المزيد من الحلويات ياحلو..

تحياتي

__________________

أهليييييييييييييييييييييييييييين lovely_girl

انا مو بس أحب التشييييييييييييييييييييييز كيك انا أموت فيه . وحتي سإلي كيب ........ يعني وصفتك انا اعتبرها كرم لي

يعطيك العافيه

__________________
أكـــــــــــــوان

السلام عليكم،،،
أحرجتوني الصراحه
مشكور أخت كيب على مرورج... ..وانشالله الله يوفقني وأشارك بمزيد من الوصفات اللي تنال رضاج ورضى كل الأعضاء

مشكور بعد أختي أكوان....وألف صحه وعافيه على قلبج دامج تحبينه....بس ولله لو انج هني في بوظبي كنت بسويها لج كل يوم... ..خساره.........بس يلا انشالله تعالي زيارة عندي وانا بوريج........ ....شرآيج

والله أنا أحب الإمارات وأهلها

وإن شاءالله أزورها دام صار لي إخت مثلك

__________________
أكـــــــــــــوان

شكرا شكرا راح نجربها ونعطيكي راينا ..
بس اكيد طيبه

السلام عليكم

مشكوره أختي على هالكلام الحلو.....وانشالله يوم تبين تزورينا خبرينا ولله أتكلم صدق......وانا يشرفني ولله إني أتعرف عليج أكثر.....

تشيز كيك؟ يا سلااااام!حلاي المفضل.شكرا يا lovely.

ربي يسلم هالانامل اللي كتبت هالموضوع

بصراحة الحلى فن هالايام ...ولو وحدة سوت حلى وعجبهم الناس تتقطع فرح

واتمنى المزيد من هالمواضيع الحلوة....يم يم

تحياتي :قمــــــــــر

مممممممممممممممممممممممممممممممممممممممممممممممممم مممم