قصتي مع عضوة هنا ولاتبخلون علي بالمشوره ( تم الطلاق 133)
[FONT="Century Gothic"]مساء الخير
كنت أظن وأتأمل بالحياة الزوجية الشئ الكثير
وخاااااب ظني
بيوم كنت عند واحد من الأقرباء وزميلي بالجامعه وصديقي الروووح بالروووح وقال أنه بياخذ أهل أخوه لبيت أهلهم ورحت معه لأن ورانا مذاكره مع بعض..ولمحت بنت أخوه تقريبا عمرها 13
وسمعت صديقي ينادي عليها وحفرت اسمها في أعماااق أعماااااااق قلبي
كبرت وأنا حاط في بالي وحالف ماخذ إلا هي
وصرت أكتب لعمها المحاضرات ولويبي أختبر عنه ماعندي مانع>>>عاد لاتصدقون هذي النقطه
هههه ترى مزحي واجد حتى في قمة الحزن أمزح وأبتسم آااه الشكوى لله
كنت عايش مع جدتي انا وأخوي الصغير لأننا أيتام الله يرحم والديُ واموات المسلمين اجمعين
وبعد وفاتها أنتقلت لبيت عمي أما اخوي لبيت خالتي وبعد تخرجي ووظيفتي أخذت أخوي وألتم الشمل وعشت له أهتم فيه وبدراسته إلين ماسافر بعثه بعد الثانويه على فكره الآن عمري 36سنة
وقررت أخطب الإنسانه اللي كنت أحلم فيها..وطوال السنوات الماضيه وأنا أتقسى أخبارها ولاسمعت عنها إلا كل خير..جمال أخلاق ودين ومن عائلة طيبه جدا ..كلمت عمها وبسرعه جات الموافقه
وبيوم النظره زاد حبي لها طحت ولاحد سمى علي
تزوجنا قبل فتره دلع ودلعناها وحب حبيناها ولوتطلب عيوني أقول تم وسمي وأبشري ووالله أنها تسوى عيوني والنظر لكن للآسف ماشفت منها إلا الصد..أنا ماأقول قصرت بحقوقي هي قايمه بكل شئ على أكمل وجه لكن حب وأخذ وعطى أبد مافيه كأني عايش لوحدي انا انسان واحس مهما كان أعرف كل شئ من عيونها دايم حزينه ولا تاكل ولاشئ أوديها لأفضل المطاعم تاكل لها لقمه وإذا كثرت لقمه ونص
وقبل فتره والله موديها عشان تشري ملابس ثانيه لأن كل اللي عندها صار واسع ولاينفع
ولوكانت وحده غيرها كان يمديني رجعتها لأهلها بس قلبي وش اسوي فيه
وأشوفها تبكي من غير سبب وأنا تصك فيني الدنيا كل شئ إلا دمعتها
مرضت معها
بتقولون أسألها,,, سألتها كل شئ لا مافيني شئ
صرت أفكر انها مغصوبه علي
مره أخذت جهازها استخدمه وشفتها مسجله هنا وشفت لها موضوع جنت جنوني ليش الصمت معي
ليش ماصارحتني وليش وليش وأسأله كثيره وفيني من الحزن والضيق ماالله به عليم
والليله اللي بعدها طلعت في الليل لشغل وطفى جوالي مافيه بطاريه,,ساعه ورجعت للبيت ولاحصلتها والله اني أنهرت لأن موعاده تسويها وكيف تطلع بدون أذني ووين راحت ولايكون صار لها شئ
وأتصل على جوالها مقفل والله أني فقدت شعوري+متنرفز من موضوعها اللي قريته وأدخل لشقه وأرجع أنزل لشارع وفجأة تدخل جايه من برا
وين كنتي يافلانه
كنت متضايقه واتصلت على أخوي فلان جاء أخذني جلست مع أمي شوي
وأعطيها كف وكنت ماسك المفتاح بيدي وجرحها المفتاح
وأخذت منها مفتاح البيت قلت أنتي موكفو الواحد يعطيك مفتاح لبيته
وأتصلت على أخوها اللي أخذها وهزأته وأعتذر قال والله مادريت ان ماعندك خبر
والله أني كنت منهار مررره مرره حتى رساله ماأرسلت تعطيني خبر
جلست انا طول الليل في الصاله وأسمعها تبكي والفجر جات وأعتذرت على طلعتها قالت اسفه ووالله ماتوقعتك بتخاف وتزعل وأتصلت عليك جوالك مقفل!! واليوم الثاني الأربعاء يوم زيارتها لأهلها
يوم وديتها ورجعت للبيت حصلت جوالها واللاب توب متعمده تتركهم عشان مايكون بيني وبينها اتصال
رحت لها ورفضت تطلع تقابلني وأبوها عصب يوم عرف انها طلعت بدون أذني وقام بيروح لها ومسكته وطلبته مايفتح معها الموضوع,,,جلست فتره والله ان نفسيتي تعبت ومره مريت عليهم الصباح ورفضت تطلع لي وأتصلت على عمها (صديقي) وجاء وجلس يصارخ يناديها ويهدد ودخلها عندي قالت أنا مابيك طلقني انا مومرتاحه معك وطلعت من بيتهم وجلست فتره لاأكل ولاأنام وكلمت عمي الكبير يتدخل
وأرسلت خالتي لهم,,,مافيه فايده وللآسف أهلها مومهتمين للموضوع وعمها يقول اتركني عليها والله لأجيبها لك بس انا مابي شئ بالغصب والعصبيه وبنفس الوقت مدري وش اسوي معها
وصار ولد عمي(زميلي بالعمل)يزن علي بالزواج من أخته
ووش تبي في زوجتك واللي باعك بيعه والبنات كثير ووو
وانا نفسيتي متدمره وكرهت حتى شقتي صرت اشوفها بكل مكان
ومره وانا مع ولدعمي وهويزن كعادته قلت خلاص أبي أختك والله مدري كيف طلعت مني قال تم وماعليك وأبوي شاريك والبنت مالها إلا ولد عمها ويتصل على أبوه قال خلاص تراها له
واليوم اللي بعده يتصلون يقولون تعال شوف البنت قلت ليش العجله وخلوه لين اتفاهم مع زوجتي يمكن ترجع وأظلم بنتكم
قال ماعليه وش فيها لورجعت زوجتك وتعال لاتفضحنا مع أبوي
عاد عمي هذا هواللي مربيني ووالله أن قدره عندي وغلاه مثل ابوي ماقدر على زعله
وأنا أيام زواجي شفت بعيونه الزعل لأني ماتقدمت لبنته
وأتصل على أخو زوجتي قلت عطني فلانه قال انا خارج البيت قلت طيب عطني أي رقم في بيتكم بتصل عليها قال والله ياأحمد لوأختي تلف الدنيا ماتلاقي مثلك وأنها هي الخسرانه وصراحه البنت تبكي ليل ونهار تقول مابيه خلوه يطلقني ويمكن الوالد يكلمك الليلة
والله من كلامه حسيت بدوار براسي رحت افر بالسيارة ودموعي مغطيه وجهي ماني مصدق أنها ماترجع لي يمكن أي أحد يقرأ كلامي مايشعر باللي أنا فيه لكن هذي الإنسانه هي بعيني الدنيا كلها ويتصل علي ولد عمي وأنا في السيارة وأمره ويشوف وضعي قال يارجال الحرمه بدالها حرمه وش فيك انت طعني وتزوج وش لك بالهم أنت ماينقصك شئ لووحده بمكان زوجتك لتبحث عن رضاك
وأجلس شوي أفكر قلت خلاص متى تبون الملكه قال على راحتك
ويجيب أخته أشوفها والله ماحسيت بشئ غير الألم والحزن ووالله أنها دخلت وطلعت وأنا أفكر بزوجتي ويوم النظره يوم شفتها
أتفقنا الملكه تكون الأسبوع الجاي
وبنفس الليلة يتصل علي صديقي (عم زوجتي) قال ياأحمد أنا أقنعت البنت وهي تبي ترجع وأصبر عليها وتعال الليلة طيب خاطرها بكلمه وخذها معك,,طبعا ماقدرت اقوله عن خطبتي لبنت عمي,,
و ماصدقت خبر رحت لزوجتي أخذتها واليوم الثاني خبرتها بخطبتي وأنهارت وقفلت عليها الغرفه يومين وأنا أطق ولاأسمع إلا صوت بكاها والله يومين لاأنا ولاهي أكلنا شئ وأنا مانمت
ورافضه تفتح أوترد علي إلين كسرت الباب ورافضه تاكل أوتكلم معي بس تبكي أوتصلي واتصلت على عمها وجاء يتكلم معها وماترد إلا بالبكي قال تبين تروحين معي لأهلك وتأشر بالرفض
وولد عمي يتصل ولارديت عليه ولاني قادر أكسر خاطر عمي وبنته وجالس أموووت باليوم مية مررة على وضع زوجتي والله أني أمس رايح أنا وهي للمستشفى لأنها تعبت علي وأنا نفس الحكايه أخذت أدويه وهي تنومت 4 ساعات والضغط عندنا بإنخفاااض من عدم الأكل والنوم,,وعجززززت أفهمها هي تبيني أو لا تحبني أو لا ,,هي للآن ماترد علي حتى أكل أجيب من برا ولاأحد ياكل منه
حتى أهلها يتصلون ماترد عليهم ولاتمسك حتى جوالها وطول الوقت تبكي
وأنا والله أموووت بالأرض اللي تمشي عليها ولاغيرها تملا عيني,,
مدري وش اسوي؟؟؟؟؟؟[/FONT]
التعديل الأخير تم بواسطة أم داليا ; 08-04-2011 الساعة 10:21 PM
السبب: مستجدات
29-03-2011, 05:18 PM
ضوابط المشاركة
العرض العادي
