السلام عليكم ورحمة الله
مو متعودة أشكي عن زوجي الا نادرا نادرا بس أحس ان القربه انقطعت مو قادره
بالبدايه أنا عمري 22 وزوجي 29 وعندنا بنوته عمرها 6 شهور ومتزوجين من سنتين ونص
طبعا ساكنين بمدينه ثانيه غير اللي فيها أهلي وأهله ومانشوفهم الا كل اسبوعين وأكثر يعني الحين لنا شهر ونص مانزلنا
المشكله ان زوجي اذا طلبته طلب أو وعدني بشي يضل مدة طويله على مايلبيه يعني شهر وأكثر
طبعا لازم أزن عليه والا مايجيبه خير شر
مثلا طلبته قبل العيد يشتريلي عدسات لاصقه واهو وافق لان اصلا مو على حسابه على التأمين تخيلوا للحين ماجابها ليش لاني مازنيت على راسه والله أشيا كثيره كذا
يعني مثلا قال بيشتريلي جوال بعد ماخذينا سنه من الزواج يمكن ضل 3 شهور على ماجابه طبعا بعد مالمحت له والله الشيء اللي يجيبه بزن ماحس بحلاته ويصير بايخ
اللي فجر الموضوع ان ابغي شفاطة حليب سعرها يمكن 600 ومدحوها لي كثير كثير قال لا غاليه
مو راضي أعطي بنتي حليب صناعي ولاراضي أعطيها سريلاك أبد أبد ومو جايبي الشي اللي أبيه يقول في أنواع أرخص ويأدوا الغرض أنا مجربه نوع وكان يألم فما أبي أجرب غيره وأنا سامعه انه هالنوع أفضل شي خصوصا انها بتضل عمر حق بنتي واذا جبت غيرها مابتنرمي والله أفكر أبيع شي من ذهبي وأشتريها أحس انه يمن علي وأنا ماأحب أذل نفسي والله يعلم اني من التعب أبيها تخيلوا طول الوقت بهالشقه ماعندنا حياة اجتماعيه لان الأخ مو اجتماعي ماعندي الا جارتي ومو كثير أروح لأن علاقتي بها مو قويه الها يعني واذا طلعت معاه لازم نرجع بسرعه البنت جايعه والا بتنام والا والا وطلباتي مو كثيره ضغطت على نفسي لين سدد ديونه وشرى سياره وماطلبتها الا لاني متأكده انه ماعنده التزامات غير اجار البيت والتحويش لشراء بيت يعني مو معقوله يستخسر فيني والله من الضغط أحس اني أكرهه على فكره راتبه مو قليل ومانصرف كثير أبد عايشين مانشتري الغالي ولنا أكثر من سنه ونص ماسافرنا