السلام عليكم ورحمة الله وبركاته



ماكتبت لكم الا لأن الموضوع حيرني

وحسيت إن تصرفي من البدآيه ماجا بنتيجــه



آبي رآيكم فديتكــم ..



انا متزوجه من 9 شهور والحمدلله زوجي يحبني...

ويخاف علي وماقد خلاني احتاج لشيء



وقبل اسبوع اهداني خآتم وعقد ذهب لأني نجحت ..



لكن المشكله كانت بدايتها قبل خمس شهور



سافرنا بالسياره الى المدينه اللي يسكنونها اهلي واهله

لزيارتهم..

ولما كنا بالطريق صدفــه ... ما أذكر ليش جا بيدي جواله بس هو اللي عطاني اياه



فتحت سجل المكالمات لقيت فيه رقم دولي



رحت للمكالمات المستلمه و الصادره لقيته ماسحهم



بس الرقم موجود بالسجل حق المكالمات ومدة المكالمات لاتزيد عن الدقيقه



حسيت الموضوع فيه شي ليش ماسح المكالمه على هالرقم والباقي مخليهم



سألته شنو هالرقم ..؟



قالي وين قلت هذا وريته



قال مدري..!



قلت له من يدري جوالك ..!



قال مدري اول مره اشوفه



قلت له من اخذ جوالك فيه احد استخدمه



وقتها كان الجوال معاي


قال هاتي الجوال



قلت لحظه بشوف



كان قبل يومين عندنا اخوه و ولد عمه جا فبالي ان واحد منهم مستخدم الجوال قلت بشوف تاريخ وساعه المكالمه..



فجأه قال هاتيه بصووت عالي



آول مره يصرخ علي قلت شوي بشووف

قال هاتيه لأصكك كف ورفع آيده وقتها حسيته مو زوجي

كأنه بيطقني



مسك آيدي بقوووه آخذ مني الجوال بقووه مع اني كنت انا اتكلم بهدووء وعادي



بس لما سوا هالشي قلت له طيب يا ...فلآآن..



وسكت بعده بشوي طلب مني اصب له شاي كان معنا



رفضت قال اقوولك صبي قلت له ما اااابي



كنا قبل متفقين نتوقف في مدينه قريبه نتعشى في مطعم

وصلنا نزل عند مسجد اتوضى لأنه كان حيل معصب
وبعدها راح المطعم انا كنت ساكته

وماتكلمت ولا كلمه ولا تعشيت زين

وحنا بالطريق قالي آسف ماكنت آقصد ..مارديت
لين وصلت بيت اهلي نزلني وراح

كنت زعلانه من جد

المهم ماكنت ناويه ارضى عليه بس اتوفى اخووه

وكلم يعلمني انه بيسافر للدفن والعزا وانا ماقدرت اروح معه

غصب عني رضيت وعزيته وصرت اكلمه لأنه اللي اتوفى اقرب اخوآنه..

رجع جا للعيد شفنا بعض عادي سوالف ورحت عند اهله ولا بينت شي

آو فتحت الموضوع

ولما رجعنا بالطريق قالي خوذي جوالي اكتبي رساله لفلان

قلت له ما رآح آمسك جوالك عقب ذآك اليووم ولاتفكر اني نسيت اللي صار

لكن الظروف اللي صارت لك خلتني اتنآسى وآمشيها

المهم من بعدها ما مسكت جواله كنت ابيه يحس باللي سوواه

بس عادي هو اعتذر ولا همه اني مامسك جواله لأنه استانس اكيد




المهم مرت الشهور وامس صارت بيننا مشكله بسيطه

وجا هو بادر بالكلام ولما تراضينا جلسنا نتكلم

قالي ليش لما يكون بيننا مشكله ماتبادرين انتي

ليش انا اللي دايم اتكلم وآجيك قلت له لأنك انت اللي تغلط



وجرنا الحديث لين قلت له (وياليتني ماقلت ) ان



الشي اللي لايمكن انسآه المشكله اللي صارت بالسياره



قالي للحين تذكرينها قلت له ماراح انساهاااا



قالي عشآن آريحك بقولك شي اني انا اللي دآق على الرقم



واحد اعرفه دق علي من برا يبي فلووس



ودقيت عليه وقلت له انهم بحسآبك بس



قلت له ليش ماقلت لي لمن سألتك



قالي وش دخلك ؟



قلت وش دخلني؟؟؟



قال اي ليش انتي تشكين فيني قلت له لا مو مسأله شك

بس انا استغربت الرقم الدولي وحبيت اعرف

قالي انا مسئول عنك بس انتي مايحق لك تسألين

قلت انت مسئول عني وانا مسئوله عنك



قال لا مالك دخل فيني..


لحظتها كنت قريبه منه حيل وجهي فوجهه

بعدت عنه


قام بيمسكني بعدت ايده بقووووه

عن جد جرحتني هالكلمه

هو تندم على طول قال اسف

ومن امس ماكلمنا بعض الا بأشياء ضروريه


فكرت ماسوي له فطور ولا اي شي واقول مو تقول مالي دخل فيك؟؟

بس بعدها فكرت قلت لا مابي اقصر بشي من ناحيته بعدين يمسكها علي..

وهو يحاول يكلمني يعني لمن جا من الدوام قال شخبارك وتكلمنا على خفيف

بس ابي اعرف كيف اتصرف معه ؟؟ هو قال آسف بس هالشي مايرضيني

آنا من حقي اشووف جواله انا المره الاولى قلت مابي امسك جوالك ابيه يندم

بس طلع العكس

ابي ابين له اني زوجته والمفروض مايكلمني بهالطريقه لأنه دايم يبرر تصرفاته بأنه عنيد

هو طبعه لمن يزعلني عادي يرجع يتكلم ويحاول يلطف الجو

بس هالمره ماودي امشيها أبيه يحس بكلمته



شرآآآيكم شسوووي وكيف آتصرف معاااه ؟؟

اللي اشوفه ان الوضع عادي لكن انتي اللي كبرتي الموضوع وبطريقتك هذي شوي شوي لين تجي مشاكل اكبر مما تتخيلي انتم توكم في بداية حياتكم ويا ما لكم من الأمور اللي بتصير واذا ماتم التعامل معاها بعقل راح تكون مشاكل لها أول مالها تالي ... وبعدين على موضوع له شهور وأول ماجت لك الفرصة حبيتي تبينين له انك مانسيتي الموضوع اللي كان وهذا بيفسره على انك حقوده وتشيلين ... ولا تنسي اذا ماتنازلتي وتغاضيتي بيجي لك يوم تتمنين فيه انه يتنازل ويتغاضى ... ولا تنسي ... (( النار الكبرى مصدرها شراره ... يطفيها قطر المطاره ... وان خليت الدعوى تكبر ... ما أطفتها عين جراره )) .... الحيــــــــــــــــــــــــــــــــــــــــــــــ ـــــــاة تساااااااااااااااااااااااااااااااااامح ...

حبيبتى هذا زوجك مو ابنك علشان تأدبيه هو أعتذرلك خلاص ما تسويها مشكله وتنكدى على حالك وتنكدى عليه إيش مطلوب منه بعد ما أعتذر أرجو لك السعاده فى الدارين

ولهان

شكرا على اهتمآمك ...


انا ماعندي مشكله وبطيبته معاي اقدر اتجاهل هالشي

بس هو بالدوام وطلع وانا ماكلمته بس صحيته وحطيت الفطوور

واليووم بتجي اخته وزوجها يتعشون عندنا وانا متعوده اذا جانا احد واحنا متزاعلين ما آبين لحد واتكلم معاه عادي

يعني كيف بنظركم اني ما اعآتبه ارضى فجأه ..؟ وش بيقوول فيني حاله نفسيــه هههههههههههه

كيف ابدأ معاااه ..؟

عزيزتى
زوجك شكله باله طويل ويحبك بالحيل
بس إنتبهى حبيبتى إنتى شكلك دلوعة
شوى وتحبين زوجك يدلعك .. بس لاتخلين
هذا الشى يخلى بال زوجك ينفد ..
وإنتو للحين فى العسل ما شفتو مشاكل
حقيقية .. وإن شاء الله ماتشوفون قريب ..
حافظى على زوجك ولاتزعليه فى الفاضى
ترى شكلو رجال وايد زين ويحبك .. والله
يوفقكم .....

هذي غلطتي يا آميرات اني عدت الكلام بذاك الموضوع وهو آنتهىى


انا آشوف مشاكل اللي حولي وآحمد ربي كثييييير


انا ماشفت الموضوع على اني آمه او آبي آربيه

حنا من تزوجنا متفاهمين وكنت آشوف نفسي اني حبيبته

اللي لازم ماخبي عنه شي والعكس

وحتى لمن سألته ما قسيت عليه وبكل حسن نيـه ومن باب الفضوول سألت

لأني وآثقه انه مو من النووع اللعوب

بس هو ثآر فجأه

وصار اللي صار

انا مابي شي بيننا يتغير ...

ابي اشوف رآيكم آسكت وماكن شي صار اعآتبه ..؟
ولا آعتذر آفيدووني ..

أهمس لك همسه تعاملى مع زوجك على أنه حبيبك.........عشيقك وأنت سوف تعرفين كيف تبدئين

حاله نفسيه قلتها امزح والله يا اميرآت اننا من زود الكبت اللي حنا فيه نتختلف ونرجع نسولف عادي
ونتصارع ههههههههههههه
لأن ماعندي غيره بنفس المدينه وهو ماعنده الا اخته


مشكورين فديتكم