السلام عليكم ورحمة الله وبركاته
ترددت كثير في كتابة موضوعي هذا
قلت اعتبريه شيء عابر.
سادخل في الموضوع لعلكم تساعدوني في تخطي هذه المرحلة لاني
اعتبرها شيء دخيل على حياتي الزوجية .
المهم
قبل شهر تقريبا بدات تاتي مكالمات برقم غريب على جوال زوجي
وطريقة الاتصال تجعل اي انسان يشك في المتصل , دقة ويقفل اتصال في نصف الليل الساعة 1 الساعة 2,
اتصال وقت العصرية عادي .
المهم انا زوجي لما حكى لي قلت له حركات حرمة فاضية ما ادري ليش قلت كدة لاني انا نفسي لاحظت
وشكيت , المهم ولاحظت انه الرقم مايتصل الا في وقت سفره خارج المدينة التي نسكن فيها .
وفي يوم بعد مارجع قلت خليني اشوف لاقيت انه الرقم اتصل وزوجي رد على الاتصال .
ثاني يوم قلت له بشر طلع رقم احد تعرفه , سالني اي رقم : قلت له الرقم اياه ,
قال مو رديت وطلعت وحدة فاضية قالت انه الرقم غلط .
بعد كم يوم جلسنا نضحك ونمزح وقال ايوة مثل الرقم اللي اخذوه من التلفزيون قلت مين ؟ قال مو اللي اتصلت قالت انه اخذت الرقم من التلفزيون , قلت ليش ماقلت لي ؟
المهم كل يوم والرقم يدق وزوجي مايرد ويضحك لما يدق واكون جالسة .
المهم الاسبوع الماضي قلت له اعطيني الرقم لما يدق , قال لو اني اعرفك مثل الحريم اللي تعرف ترد كان اعطيتك هو .
قلت له اعطيني وانا اتصرف , والله اني صرت كل يوم في نص الليل افتح جواله واشوف ان كانت فيه اتصالات من نفس الرقم .
الاسبوع الماضي سافرنا انا وزوجي واولادي , واتصل الرقم وطول في الاتصال زوجي لم يرد
اخذت الجوال قلت له : راح اتصل , قال اتصلي , واتصلت وسلمت وقلت : هذا الرقم اتصل على جوالي ,
ردت امراة صوتها ناعم ومدلع قالت غلطانين وي واتقفل الخط.
لا واول اتصالين ماردت
بتتعامل مثل ماهو يعاملها .
المهم والاتصال الثاني ردت , ودار بيني وبينها حوار طويل قهرني وحرق دمي لانه في البداية انا قلت : يقولوا انه هذا الرقم طلع في التلفزيون, ردت ايوة من التلفزيون يامقرمش , وكانت مصممة انه انا رجل وطلبت اني ما احكي بصوت حرمة .
فجأة اتغير الصوت وطلع صوت رجل ورجع مرة ثانية لصوت ناعم ومدلع .
واتغير معه الأسلوب , بدأ الحديث يتخذ منحى آخر اتهامات لزوجي بأنه يخونني وأنه سيطلقني .
سبحان الله وقتها جاءني برود في أعصابي مع إنه كلام مستفز وقبيح .
وبدأت تطالبني بأن أطلب الطلاق منه وأني كيف أعيش مع رجل قبيح المنظر ,وأنها رأت صورته عن طريق الجوال .
لكن ما أرقني فعلا , هو قولها لي أني عصبية وضاغطة على زوجي وقارفة عيشته , لاني احيانا
اكون فعلا عصبية ومثل ماوصفتني .
كل هذا وزوجي بجانبي وأولادي .
انتهت المكالمة وطلبت عدم الاتصال لكن فوجئت بقولها انها تحب الرقم ( ترى فعلا رقم زوجي مميز )
فقلت لها انه في شياطين انس الله يهيدهم لاقيتها تقول انا ماغلطت عليك حتى تغلطي علي .
المهم انتهت المكالمة وحكيت لزوجي مادار بالزبط , كنت اتوقعه يدافع عن نفسه يزيد ثقتي فيه , لكن فوجئت به
وقد بدأ يتجهز للخروج لانه كان عنده عمل .
جلست بيني وبين نفسي محتاجة أحد أتكلم معه احكي له عن قوة الكلام اللي سمعته .
لو وحدة غيري كان صارخت وضاربت .
لكن جلست افكر في حياتي لاقيت انه فعلا انا وزوجي بعدنا عن بعض في الشهرين اللي فاتو
علاقتنا اصبحت معدومة بسبب سفره الاسبوعي انشغاله باعماله
لما يكون معنا دائما يفكر في عمله والاسهم
او يكون مشغول باتصالاته اللي ماتوقف .
طوال الوقت يصارخ على اطفاله ماتعجبه تصرفاتهم .
حتى انهم صاروا يخافوا منه .
خروجي من البيت قل مع اننا في فترة إجازة .
لكن لافائدة
وقت الاتصال هذا كنا مسافرين معه لمدة اسبوع في نفس اليوم بعد ماناموا الاطفال قلت له احكي ان كان عندك حكي
لانه بطبيعته غامض وكتوم ومايتكلم الا بعد الهنا بسنة .
يعني حتى لو فيه شيء في حياته ما اعرفه .
قلت له : حتى الرجل الكذاب يدافع عن نفسه , قا ل لي : تحبي تصدقي صدقي
قلت له : بكل هدوووء هذا اللي عندك .
بصراحة في موقف مثل هذا كنت محتاجة منك شيء لكن ما اعطيتني هو , وانا ماراح اقو ل ايش انا محتاجة .
المهم ما طلعت بنتيجة معه لكن كل يوم افتكر الحديث اللي دار بيني وبين الفاضية شكيت وقلت لايكزون احد من اصحابه
اللي يعرف بسفره الدائم وعرض عليه فكرة الزواج المسيار حتى يرتاح حب يعمل معه
هذا المقلب وانا اللي اتصلت.
بصراحة جوالات هذه الايام تخوف تسجل مكالمات وتركب عليها اجهزة لتغيير الصوت .
بصراحة انا في دوامة من كثر ما افكر في المكالمة
وخوفا انه يكون احد اصحابه الفاضين , وتطلع فشلة .
بماذا تنصحووووووووووني ؟
لا تتركوني
هذه اول مرة احكي لكم واستشيركم .
قمت من نومي حتى اكتب لكم الموضوع .
25-06-2006, 08:06 AM
واسال الله العظيم ان يفرج همك ويسخر لك زوجك ويهدي بالك يارب
ضوابط المشاركة
العرض العادي
