[CENTER][/CENTER]السلام عليكم ورحمة الله..
أتعرفون من موضوع سابق أني مملكة لي ثلاث أشهر.. وزوجي في مدينة تبعد عن مدينتي ألف كيلو .. كان من المفترض أن يزورني قبل رمضان لكنه أعتذر كونه لم يحصل على إجازة من عمله ..وقال لي سأزورك في رمضان .. أنصدمت اليوم بالاعتذار بأنه لن يستطيع زيارتي إلا بعد العيد .. غضبت وعصبت ..قال لي سأقطع مسافة الف كيلو حتى أجلس معك خمس دقائق ثم أعود وأسافر مسافة الف وستمائة لزيارة أهلي بالعيد .. قلت له ولا تحسب حساب الهدايا والخسائر لاتأتي إلا من جهتي أنت دايم تقطع المسافات لزيارة أهلك ولا الخساير ماتجي إلا من جهتي .. وقلت له لاتجي وما أبي منك شيء ..قال ياحبيبيتي أنتي زوجتي والله مافيك خسارة ولو أعطيك روحي ماتكفيك هدية بس قدامنا العمر كله وأحسبيها زين .. قلت يكفي أنت تحسبها زين .. قلت له لاتجي وما أبي شيء .. قال ماراح أجي لا برمضان ولا بعد رمضان .. قلت براحتك..والله إني متضايقة وزعلانه مرة .. مدري كيف أتصرف .. حتى قلت له ماقد صارت واحد مملك ومايزور زوجته أبد طوال ثلاث أشهر قالي لو معك بنفس المدينة كان كل يوم أزورك ..أنصحوني أرشدوني ماذا أفعل والله إني متضايقة .. هل تصرفه صحيح ..هل هناك رجال مايزورون زوجاتهم فترة الملكة ... أنتظركم أخواتي أخواني

اهليين ياقمرة كيف حالك
يب في بنات انا خطيبي مايزورني الا كل سته اشهر
لانه في مدينه بعيدة وعمله مافي اجازات
وعادي جدا متفهمة حالته ولا احاول اخليها مشكله
وبيني بينك والله تعب عليه وانا مابي اتعبه
انا جاء فحياه الله على عيني وراسي
وان ماجاء فقلبي معه وااتمناه باقرب فرصه يجيني
شكلك حساسة حبتين ^_*

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

والله إني حساسة مرة بس مو عشان كذا .. يعني لو هو بيظل بنفس المدينة إللي هو فيها ومايسافر ويروح ويجي أنا كان تفهمت .. بس هو يسافر بين فترة وفترة لأهله ولأخوانه ويقطع مسافات ويوم الموضوع جا عندي صار يحسبها..والله إنها تزعل .. عموما أنا قلت له براحتك تجي أو ماتجي براحتك أنا ما أبي شيء منك

طيب من احساسك تتوقعي ليش مايجي؟

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

لأنه عقلاني مرة .. يقول بنفسه وش بستفيد أقطع هالمسافة عشان أشوفها وأجلس معها خمس دقائق بس وهو قالي هالشيء..ورديت عليه وقلت إيه صح لأني ما استاهل شيء .. هذا وحنا في أول حياتنا ودايم يقولي أسوي عشانك المستحيل .. بس طلع كله كلام ...

اهو غلط تصرفه ،، المفروض يشوفك انتي زوجته

قلبه بارد

ياروحي انتي كان بامكانك تردي عليه بدلع مش بنرفزة
بالذات مع الناس العاقلين

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

ماراح أرد عليه إلا كذا .. أنا ما أشحذه .. وإللي يستاهل يستاهل وإللي ما يستاهل مايستاهل..ماخرب الرجال إلا الدلع..

صراحة اختي بلا زعل
اني اشوف كلام زوجك منطقي
مو لاني رجل وادافع عنه
ولكن يقطع مسافة طويلة ويأخذ اجازة من عمله والاجازة مو بسهولة وبالتالي خمس دقائق فقط ؟؟
المفروض يجلس معك اليوم كله ولا يفارقك لحظة

__________________