اوضح موضوعي بشكل اكبر / عشان الاعضاء اللي قالوا اوضح موضوعي الاول ....
و حا ابدا من البداية واسفه على اي خربطة بس ان شاء الله تفهموني ...

انا تزوجت ثلاث مرات ،، وكلها زواجات فاشلة مثلي ...

انا الصغيرة بين اخواتي ، عندي ثلاث اكبر مني و ااخواني ثلاث كلهم اكبر طبعا

و اعتمد عليهم بكل شي وهم ما يقصرون / لكن عندهم عقد الدنيا هذا غلط وهذا صح

وهذا حرام وهذا حلال خاصة ابويا يعصب علي على اي غلط و ما يتركني براحتي

و انا مو عاجبته ابدا كلي غلط بنظره ؟؟؟؟؟

امي ماتت وانا صغيرة عشان كذا اخواتي متحكمين فيني واخواني / شخصيتي ضعيييييفة و
بسرعة اتعلق باي شخص غباء فيني لكن ماقدرت اعدل هذا الشي ...
لما كبرت شوي صارت شخصيتي اقوى شوي ولا اسمع كلامهم خاصة التعقيد اللي عندهم

** انا ما احب الدراسة اكرهااااا و ابويا الا بيدرسني غصب فصارت عندي عقدة من المدرسة اكرهااا

جيت الثانوي قلت خلاص ما ابغى اكمل و رفضت اروح وبكيييييييييييييييت ..

راح ابويا و داني دكتور نفسي جلس معي الدكتور كم جلسه و يتفلسف علي فيها ، بعدين قال الدكتور لابويا اضربها ،،، عاد ابويا ما قصر و رجعني للمدرسة

استسلمت للامر الواقع و خلصت السنة اولالى بامتياااااز مادرى كيف جت كذا ؟؟؟؟

حتى ابويا استغرب قال انا بسويلك حفلة ، قمت اتشرط و سويت حفلة كبيييرة لكن اختى الكبيرة خربت علي
و مادخلت الفرقة اللي انا جبتها طبعا بافرح وارقص و جمعت كم بنت مع بعض من الاهل لكن اختي هذى عقد
الدنيا كلها فيها

قال ابويا خلاص اذا اتروجتي اسويلك حفلة اكبر ، عاد هنا انحط الزواج ببالي ...
انا ليش ما اتزوج وارتاح من المدرسة ومن اختي ؟؟؟؟؟؟؟


كنت 16 سنة داخلة 17 / وما بالي الا اتزوج و بس ، في هذى الفترة انخطبت اختي اللي اكبر مني
وكنت اشوف الناس داخلة ام العريس و اخته وهو ، و هدايا في كل مرة ...
و ابويا يجلس مع اختي و يشاورها وهي لا لا و رافضة ، و انا مادرى ليش هي رافضة ؟؟؟
ابغى اسالها بس كنت اخااااف منها لكن تشجعت و رحت لها بغرفتي ، دقيت الباب وانا خااااائفة
قالت لي تعالي عندي شي ؟؟؟ ضااااع الكلام قلت لها لا >>> قلت لكم اني خواافة و شخصيتي ضعيفة

طالعت فيني و اعترفت على طول قلت لها انتي ليش رافضة اذا ما تبغينه انا بتزوجه
ابتسمت و حضنتني وقالت لي يا حياتي انتي صغيرة لازم تهتميني بدراستك و اذا كبرتي تتزوجين شخص افضل
قلت لكن انا ما ابغى مدرسة بتزوج الحين .....
قالت ام العريس خلاص نبغى البنت الوسطى و اختي الوسطى نفس الكلام لا ..

انا بقول لابويا انا موافقة عليه لكني خفت ابويا ماعنده كلام ولا تفاهم ؟؟؟؟
و راح العريس وانا اززززعل مع انه مو خاطبني انا بس بلاهه فيني ...
و لاحد عبرني و لا سالني ولا شي ولا كاني موجودة ...

*** و بيوم رحنا الاستراحة و بما ان اختي مو معي اخذت راحتى و لعبببببببببببببببت من خاطر
واحنا راجعين قالي ابويا شفتي فلان ، ولد صاحبة ، ترى شافك و خطبك مني ...
عاد انا فرررحت مع اني ما عرفه ولا حتي شفته ، لكن ابويا قال قلت له بنتي صغيرة ....
لييييييييييييش يابويا حرام ؟ انا ابغاه اخواتي واخواني عارضوا انتي صغيرة ولازم تهتمي بمستقبلك
و ابويا عارض عشان خواتي الاكبر كيف اتزوج قبلهم ؟؟؟؟؟؟

لكن لما حست ن العريس بيروح تجرات وقلت لابويا انا ابغاه و ابغى اتزوج
فوافق ابويا وكان عمري 17 و زوجي عمرة 20 و من تزوجت بطلت مدرسة
وكنت مو فاهمة شي حتى ما عرف اطبخ ولا اسوي حتى قهوه والله ماعرف مقاديرها
ولا طريقة عملها ؟؟؟؟؟؟؟

ام زوجي الله يسامحها دخلت نفسها بينا و كانت تمشيني مثل ما تبغى وانا مطييييييييييييعة
سافرنا انا وزوجي كل شي بينا تمام احبه جدا لكن كل شي يقوله لامه ؟؟؟
ولما رجعنا ، رحت بيت اهلي على اساس زيارة ، لكن تفاجات بيوم جاء ابويا و معاه و رقة طلاقي
و يسالنى ايش صاير ؟؟؟ انا ادرى انها امه غيووورة جدا
و صار كلام كثير و انصدمت بشدة و تعبت نفسيتي رجع بعد اربع اشهر بيرجعني دون علم امه
طبعا ابويا رفض وقال له يجيب امه وابوه لكنهم رفضوا يجون ..
فزعل طليقي و سافر للخارج ومادرى عن اخباره بعدها ...........

رجعت المدرسة ودخلت الجامعة ، وانا مثل ما انا لكن عندي اثار سلبية جدا من زوجي و طلاقي
لكن مع جو الجامعة اندمجت ونسيت الموضوع ، لكن ما قدرت اكون صدقات نهائيا امل بسرعة
و اطفش و حساسة جدا ازعل من اي موقف لو بسيط ، صار عندي هوس بالاناقة و الكشخة
اختي تزوجت فارتحت منها و صرت البس على راحتي واسوي اللي ابغاه .........

طبعا اتاخرت عن الدفعة و تخربطت محاضراتي لاني كسلاااااانه ودائما اشيل مواد ، او انحرم من مواد
بسبب غيابي / ومع هذا التخربط صرت اخذ محاضرة لوحدي كل الدفعة طلعوا غير انا ...
و صرت اروح للدكتورة بمكتبها عشان المحاضرة و تعرفت عليها و صار بينا علاقة و صرت اروح لها ببيتها
و عرفت عني كل شي ، كانت متدينة جدا واخلاقها عالية وحنوووونه لابعد حد .......

قالت لي بتعرف على اختك الكبيرة و فعلا جت عندنا البيت و عرفت اختي و بعدها خطبتني لولدها
انا كنت متعقده من طليقي وامه ، فرفضت خاصة ان هذا ولدها الوحيد و متزوج ؟؟؟

انا رفضت لكن ابويا اعجب فيه و اخواني و جلسوا يقنعون فيني الى ما وافقت
شرطت زوجته تعرف ، فجت زوجته البيت و قالت انها موافقه ولا عندها مانع كانت صغيرة
يمكن بالثلاثينات وعندها ولدين لكن تقول ما بينهم تفاهم وانها جالسة عشان اولادها...

قالي ما راح نسوي زواج كبير عشان خاطر زوجتي وافقت و كان زواجنا مقصور على اهلي واهله
سافرنا ولما رجعنا جت زوجته تبارك لي و معاها هدية انا بصراحة قلبي وجعني عليها .....
و بنفس الوقت ابغى زوجي لي وحدى قلت من اول اني غيوووووووووووورة جدا وعاطفية جدا ؟؟؟؟

تعبت ان شاء الله اكمل واتمنى ما يغلق موضوعي ما راح اطول بس بريك وارجع ...........
واتمنى ينحذف موضوعي السابق ...

تماااام
متابعين معك
وفي انتظارك

__________________
باااركوا لي :14:
حققت حلمي وامنيتي بفضل من الله ومنة فالحمد له حمداً يليق بجلال وجهه وعظيم سلطانه
اللهم لاتكلني الى نفسي طرفة عين فأعجز ولا الى احد من خلقك فأضيع

اختي تفاءلي خيرا ودعك من الفشل
ارى ان شخصيتك سطحية جداااااااا
اولا قوي صلتك بالله
اختي طوري شخصيتك غيري ما بنفسك اهتمي اكثر بنفسك وليس مظهرك فقط بل طريقة تفكيرك طريقة تعاملك مع كل من هم حولك ومع زوجك بالذات حتى لاتخسريه ..عززي ثقتك بنفسك وواجهي الحياة بكل ثقة
الجمال نعمة والاذية حتما اتتك وتاتيك من الناس الغيورين والحقودين كوني ذكية مثلما انت جميلة
ومازلت متتابعة لبقية قصتك وتقبلي مروري

اه كدت انسى كوني ربة بيت تعلمي الطبخ اهتمي بالبيت مثلما تهتمين بمظهرك

عزيزتي اتمني منک ان تغيري اسمک، و انا واثقه ان لک من الايجابيات کثيره
اولا خطبت کثيرا و هذا يعني انک محبوبه.
ثانيا: انک دخلت الجامعة و هناک الکثير ممن لا يستطيعون دخولها.
ثالثا: انک تعترفين ان هناک خطأ و هذا اول مرحله لتصحيح الخطأ فهناک الکثير ممن لا يرون اخطائهم.
رابعا: انک جريئه في مناقشه موضوعک.
فالرجاء کل الرجاء تغيير الاسم و ارجو ان تختاري اسما فيه ايجابيات.

تحفه انت تحفه مدلعه بقووووه
خليك حرمه بس وخلاص انتهى الدلع الحين انت متزوجه

ياجماعة الخير خلوا الآدمية تتكلم

يالله ياغالية حنا ننتظر باقي قصتك

__________________
باااركوا لي :14:
حققت حلمي وامنيتي بفضل من الله ومنة فالحمد له حمداً يليق بجلال وجهه وعظيم سلطانه
اللهم لاتكلني الى نفسي طرفة عين فأعجز ولا الى احد من خلقك فأضيع

اختي فتاة ناجحة...
من اول ماقرات كلامك عرفت انك شخصية عاطفية جدا هذة الشخصية هي السبب... فانت تتعاملين مع الناس دائما كانك تتعاملين معهم لاول مرة ... هذا من جهتك اما من جهتمهم فانهم يقيمون ويعتمدون على اللقاءات السابقة
يمكن ان قلبك ابيض وتنسين بسرعة .. لكن الموضوع يحتاج شوية صبر واعتماد على الذاكرةتقبلي مروري وتمنياتي لك والجميع التوفيق

عصفورة / مشكورة

هبة الرحمن / شوي و ابكي من كلامك
ليش أنا سطحية ؟؟؟ و كيف اطور نفسي
و طبخي ماشي حاله معقول

لينة / معرفي يعبر عني انا فااااشلة و حياتي دليل فشلي
الجامعة بطلتها

لوفي / اي دلع تتكلم عنه كل هذا و تقول دلع ؟؟؟؟

ولد رجل / صحيح كلامك كله من شخصيتي

طيب كملي قصتك عشان نفهم سبب طلاقك الثاني؟؟؟؟

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

اهل زوجي سووا غداء عادة عندهم لكل عريس يرجع من شهر العسل

مع انه مو شهر جلسنا كلها أسبوعين بس .....

إخواته وامه و عمته و أولاده الصغار جايبتهم اخته معاها

و عمته تسال عن زوجته ليش ما جت ؟؟؟؟

فرحت انها ما جت و انقهرت على اخته اللي جايبة أولاده

و عمته اللي بتقهرني على اساس تنصح بالعدل ...

رجعنا بيتنا و كان بنفس قسم خاص بنفس بيته يعني زوجته بقسم

وانا بقسم ثاني / و بدات حياتنا بشكل جدي ....

يوم يروح لزوجته و يوم يبقي معي !!!! لكن أنا ما تحملت

شي فوق طاقتي ماااااااقدر على كذا ... كيف اجلس يوم وحدي

أنا ابغاه دائماً جنبي و لا ابغاه يكلم غيري !!! اتعذذذذذذب

لكن حاولت اتجاهل أنا كنت عارفة انو متزوج بس ما تخيلت هذا الوضع

من يروح لها اشعر بغيرة شديدة و اذا جاء انبسط وان راح بكيييييت

لكن كان يراعي مشاعرها جدا مع انه كان يقول ما بينهم تفاهم ....

حملت و انبسطت خاصة ان ام طليقي الاول كانت تخليني استخدم مانع

وانا اسمع كلامها بكل براااااااءة ما كنت فاهمة ؟؟؟؟

لما حملت كنت ابغاه جنبي ما يروح أبدا لكن هو خاف على مشاعر الاولي

مع انه يجلس معي و يمر عليه بيومها بعد ....

فجت تبارك لي أنا مو متقبلتها أبدا / و هي ذكية و قوية بعد

متحكمه بمشاعرها و أعصابها عكسي تماماً ؟؟؟

و تاخذ أمورها بالتفاهم مو مثلي أتحسس و ابكي و اذا زعلت كرهت كل شي

جاءت لزوجي بعثة للخارج و أصريت الا اروح معاه قال انتي حامل و ما يصير

لكن الا اروح و رحت معاه و زوجته بقت هنا ....

ارتحت شوي منها و من الغيرة و انبسطنا كثيييير / لكن صحيت مره و هو قاعد

يكلمها و يقول لها كلام حب و يسال عن أولاده ....

سالته مين تكلم قال زميلي / قلت له أني سمعته و لا يكذب علي

و ليش تتزوجني وانت تحبها كان جلست معاها و قالي هذي زوجتي

مثلك فانا تعبت و انعزلت و قلت له يرجعني لكنه رفض و طنشني

كم يوم وأجهضت .....

و بعدها تحسنت نفسيتي و لما خلص بعثته رجعنا !!!

فكان يحاول يجمعنا ببعض فكان يقولي كم كلمة وانا اصدق و اروح معهم

لكن اتعب نفسياً بعدها خاصة لما تكلمه زوجته او تجلس جنبه او يكلمها

أنا صريحة و مشاعري واضحة غير عنهم ...

هي بعد تغار لكن ما تظهر غيرتها مثلي بشكل واضح لا

الى ما جاء زوجي بيوم و قال لي اغير ستايلي باللبس و الشعر

و الميك اب و اغير عبايتي كله عشان زوجته الاولي ما تتضايق

أنا عصبت و عاندت و قلت له هي حره بنفسها تلبس مثل ما تبغي و تتحجب على طريقتها

وانا حره بنفسي و مو من حقها تتدخل ...

زعل و راح يعاقبني و يهجرني لكن طنشت و بديت اكرهه

راح يشتكي لابويا فجا ابويا يقولي ليش تسوي كذا أنتي كبرتي

المفروض تكوني واعية و راعي زوجة زوجك ،، طبعا ابويا مو حاس فيني

و لا يعرف ايش معني ان زوجة زوجي !!! راح ابويا و انتهي الموضوع

لكن صار عادة عند زوجي كل مشكلة قالها لابويا و ابويا كل مرة جاي

الى ما تعبت و رحت لبيت اهلي و قلت لابويا أني مو متحمله أبدا

قالي آنتي فاشلة طول عمرك ما تتغيرين / و بكيييييت و رفضت ارجع

اعتزلت الناس و ما صرت اطلع من غرفتي نهائيا !!! و زوجي و لاسال

يبدو انه ارتاح و كم يوم و طلقني ...

تعبت جدا جدا لكن إخواني مقصروا معي و قفوا جنبي الى ما طلعت

من ازمتي و رجعت للحياة / و رحت سجلت معهد تدريبي عشان اقضي وقتي

كان عمري 23 تقريبا ..



ان شاءالله اكمل بعدالبريك ...