السلام عليكم

والله ماني عارفه من فين ابدا انا فتاة اتزوجت واحد قبل سنين الا كم شهر يعني حتى ماكملنا سنتين الحمد لله
ورزقنا الله بطفل
من ايام الملكة واحنا مشاكل غراميات الملكة سمعت فيها فقط
انا موظفه وكنت بدايه زوجي بمدينه وهو بمدينه اخرى ومع كذا مشاكل انا كنت اطالبه بنفقه علي
وكانت اغلب مشاكلنا على هذا الشي
زادت مشاكلنا صار يسب ويشتم ويمد يده منعني من صحباتي عمره ماسالني محتاجه شي وخصوصا لما اكون عند اهلي اي شي اطلبه لا سوق لا صحبات لا خرجات لا الا ماندر جد قرفت
اتوقع يبغاني زي اهله هما لايطلعوا ولايرحوا ولا احد يجيهم...
انا انسانه اجتماعيه طيبه حنونه عصبيه بس جد ما اقدر استحمله رغم اني احاول اصبر واستحمل
ما انكر انا ارفع صوتي عليه واعصب بس جد من قهري لما اكون عند اهلي وابغى اسوق يقلي لا
ليش لا كذا ... انا الي اعرفه انه اغلب الرجال يرفضوا اما لانه مافحاله يودي او مامعاه فلوس
انا ما ابغاه يوديني مع اهلي وعمره ما اعطاني الريال بشتري من فلوسي
صحباتي منعني اكلمهم واختار اعز وحده ومنعني منها مع انه برضه انا الي بسدد فاتورتي
قلتله ابغى اشتري بلاك قلي لا مو كويس ابدا مافيه ثقه
لما احد يزورني اذا طلبته بشي سواء ضيافه او عشاء يقلي هاتي فلوس مامعاي
واذا احد يزوره هو يجيبه ويصير معاه سبحان الله مع اني والله كثير ما اقله اذا مامعاك اعطيك وياخذ مني وما انكر يرجعها مع اني دائما اقله مابيننا بس يصر ويرجعها وعمره ماكلف نفسه بكلمة شكرا
بالعكس يرجعلي هي بطريقه سيئه مع اني وربي وربي اعطيه هي بطيب خاطر وطيبه واتفضل ووو

والادهى صار يهدد بطلاق واتوقع عجبه الامر بعد ماشاف ردة فعلي لانه مره قالها وبكيت وهديت المشكله لانه جد ما ابغى توصل كذا فاتوقع استحلى الوضع
نيته سيئه جدا بكل شي حتى بابسط الاشياء مثال قريب مره قلي تعالي نروح لاختي قلتله اوك وراح اعمل قهوة ووو بعدين قلي خلاص بلاش انا مكسل وما اعتقد انك تخلصي بدري ووو سكتت شوي قلتله مادام مو رايحي
انسان اناني مايتحمل المسؤليه ن لاختك ايش رايك نروح لخالتي قلي تتاخري قلتله لا قلي ايوة لما قلتلك نروح لاختي ماقلتي ماراح تتاخري انا سالتك تتاخري ابغى اختبرك ووووو انطقي مافي روحه ... قلتله عند الله واصلا مو رايحه ورحت المطبخ
ادائما يقلي انت ماديه انت مو حرمه وانا اشتريتك بفلوسي وانا صابر عليك وتراب مو متربيه
وانا ابتليت فيك ووووو
ويقارني باخواته صح مايقول اخواتي بس دائما يقلي اعرف وحده كذا تسوي لزوجها واعرف وحده ووو
ومره ضربني قلتله ترضى احد يسوي لاخواتك كذا قلي انت ماتسوي ظفرهم
والله لو اهلي يدروا عن كذا كان يخلوني اتركه
ما انكر انا مره كلمت ابويه قلتله لانه جلس فتره طول الوقت لو اجادله بشي ياكلبه ياحماره مو متربيه خلاص دقيت
ابويه جدا ذوق بس حسيت انه ماستفدت بس بطل يقلي مو متربيه
جد قرفت وربي قرفت انا على اخر عمري يصير معاي كذا واحد يتجرا يقلي كذا ويمد يده علي
انا الي كل الناس تحبني وتتوددلي
انا الي احب الخير واتمنا لعدوي
اعترف انا مو ملاك بس مو شيطان وربي مو شيطان لانه يقلي انت شيطان انا اتعوذ منك
واخر شي صار اليوم
انا امس جايه من السفر تعرفوا اجازة وجاين عند اهلنا وحنعمل السابع
ارسلتله رساله
لو تكرمت ابغى حليب- حفايظ- مناديل
بعد يمكن ساعتين اتصل قلي منتي عارفه اني انا بعيد هو عند اهله يمكن 15 كيلو عن بيتنا
ليش ماتقولي لاحد من اهلك اعطيه فلوس ويجبلك
قلتله ليش انت بالمريخ وانا بزحل انت موجود ليش اقول لاهلي وكمان جمدوا حسابي حتى الفلوس الي رحت فيها السوق ابويه اعطاني هي
وفتح الموال انت كذا ماتبغي تصرفي وانا صابر عليك وعلى نكدك وانتي حرمه تدور المشاكل ووو
انا فاهمك انت كتبتي لو تكرمتي تبغي تقولي يالله جيب انت المسؤال عن ولدك وووو وربي ولافكرت بهذة الطريقه بس علشان اثبتلكم انه سيء النيه
وفين الفلوس الي اعطك هي وانت نفاس تحلليها لك وتحرميها على ولدك مو من حقك ومو مسامحك
وخلي السابع ينتهي بس وبعدين ما ابغى اشوف وجهك وخليك بيت اهلك
قلتله كل هذا علشان ارسلتلك الرساله لو ادري ما ارسلتلها قلي انا فاهمك ووو وانا مبسوط وسماع صوتك نكد قلتله جزاك الله خيرا
قلي تبغي شي قلتله شكرا وقفل

لعلمكم احنا اتخاصمنا وانا بنهايه الشهر الثامن بسبب اني كلمت صديقتي والله لما كلمتها كنت تعبانه بالمستشفى وانا بعيده عن اهلي وبسبب ظرفي ماقدرت ما اكلمها وربي كنت ابغى اقله وخصوصا هو من النوع الي دائما يفتش بجوالي الحمد لله بس
لما عرف زعل وسب وشتم وكنت وقتها جالسين بشقه لاهله وطردني وقلي انا كيف اسافر واتركك عند اهلك الله اعلم ايش تسوي من وراي ........ كلام كثيرررررررر يجرح ويقهر
والي يقهر انه اتزوجني وانا ساكنه مع بنات وبعيده عن اهلي محد غصبه يتزوجني
والتاسع كله ماكلمني وانا طبعا زعلانه بعد اسبوعين قلت استرضيه وربي استسمحه واطلب السماح قلي مو مسامحك خلي الملائكه تلعن فيك وانا نفسيتي وقتها زفت فلتله حرام عليك انا على وجهه ولادة وكل الي سويته اني كلمت صديقتي ماخلافت لاشرع ولا عرف وانا بعتذر بس علشان زعلتك وصار يسب ويسب وانا اسكت
ياجماعه وربي بشهر خلى الشيب يطلع بشعري بدل مايكون جنبي
ولدت ولا جاني ولاسال الا بعد اسبوع تقولوا لما جا جاب معاه شي ولو مجامله ولاشي بالعكس فتح الموضوع انا دوبي جايبه وتعبانه وجلست ابكي واستسمحه يالله وربي لو انه فرعون اعوذ بالله
وسافر وهو والله ولا سال فيني او ولدي ولافكر يجيب شي
وربي انا الي جبت كل شي من الالف الى اللياء
ومع هذا مو شايفني شي
رغم اني والله كنت ادفع معاه المصروف شهريا زي مايدفع ادفع هذا وانا بس ماكان عندنا بزوره
ما انكر انا ارد عليه واتكلم بس ولاشي
والحين هو صار ينام بمكان وانا بمكان
اسالكم بالله ايت حياه هذه
ماعندي زوج استندت عليه
او اثق فيه
او يحن عليه
او يفهمني
انا المطالبه اني افهم واسكت واكل تبن طب وبعدين ....... وربي لو مو عارفه انه في رب وان الدنيا مو دايمه كان مت من زمان

عارفه كلامي ملخبط وبس ماقدرت ارتبه ولا ابغى ارجع اقراءه لاني كسرت الكيبورد وانا اكتب واتخيل شكله واتخيل الموقف والالم الي حاسته الان وانا اشوف الي حوليه واسمعهم مو حسد والله
بس ايش نافصني والله صرت اعيش باحلام اليقظه مع شخص اخر من خيالاتي يحتويني ويحميني وانبسط واضحك وابكي بالخيال
اسالكم بالله هذا مو دمار
يارب لك الحمد حتى ترضى وعند الرضى وبعد الرضى
لا اله الا انت سبحانك اني كنت من الظالمين

وعليكم السلام

مشكلتك صعب التعليق عليها

هو زوجك غلطان مرررة بس اكيد إن فيه دوافع

يعني معقول يسوي كذا من الباب للطاقة ..!!


والغريب كيف رجل يقول لزوجته أنتي ماتسوين وهو باقي عاايش معاها ؟؟

يعني تتوقعي إذا هو يكرهك ليش هو عايش معااك ؟

لابد من إيجاد الدوافع

لابد أن تسأليه لماذا تفعل كذا ومعرفة دوافعه

إذا قال أنتي وأنتي .. الخ

قوليله إنك تبغي تصيرين شيء مهم في نظره وإنك كيف حتسيرين أهم شيء في نظرة أو ايش اللي ناقصك علشان يكونوا أخواته أحسان منك

لابد من جلسة مصارحة بينك وبينه وبهدووء ومعرفة لماذا هو يفعل هكذا

__________________
سبحان الله وبحمده ......... سبحان الله العظيم

أختي الكريمة

احساسك وصلني وكأني اسمعك تألمت كثيرا لأجلك ..

ولكن أسئلتي لك

ماهي مميزات زوجك ؟

فكري بهدوووء وردي علي !

مثلا ملتزم يصلي بالمسجد ماله حركات نص كم مع النساء .....الخ

كم عمره وكم عمرك ؟

هل في فرق بالتعليم بينكم ؟

هل تشعرين أن سبب كل ما يفعله هو غيرته منكِ ويظن أنكِ أفضل منه ؟

أو بمعنى ثاني هل من الممكن أن تحددي لنا سبب تصرفات زوجك هذه ؟

بالتوفيق غاليتي

__________________

يَا ذِكْرَيَاتِ الصِّبَا عُودِي لِذاكِرَتِي

فَقَدْ يَجِدٌّ إِلَى لُقْيَاهُمُ أَمَلُ

برايي لا بد من الصراحه بينكما ليعرف كل منكما سبب هذا التعامل و هذا النفور لان هذه العلاقه كما اراها لا تمت باي صله بالزواج الذي يجب ان يكون سكن و رحمه وموده واحترام......
حتى الان لم نعرف شئ عن شخصيه زوجك خارج هذه العلاقه يعني عن تدينه و علاقته بالاخرين فلعل هناك امر يحصل بالمنزل يجعله هكذا .....لا اعرف لكن اشعر ان موضوع عصبيتك يؤثر عليه...لان الرجل يحب المراه الهادئه الحنونه .....اسأليه و عسى الله تعالى ان يؤلف بين قلبيكما

اخواتي الاعزاء
انا صارحته وتكلمات معاه الالف المرات مافي فايده
اما على صفاته\
هو انسان محافظ على الصلاه وحاليا صار محافظ على قيام الليل والدعاء
معاه ثانوي وحاليا بيدروس بكالريوس تمريض
علاقته بالناس طيبه
ما انكر يكون طيب معاي ادا نفدت كلامه وماجادلته مع اني والله ما اجادله حب للجدال او المشاكل زي مايتوقع لكن مرات اسلوبه ورفضه الدائم للاشياء البسيطه سبب فرفعت ضغطي

اما على قصتي الجديده معاه استئدانته اليوم اروج السوق قلي روحي ولا تترسلي عليه
يعني خلاص مالي شغل فيك وانا خلاص ما ابغاك

الحل ياجماعه اتصل اكلمة او اطنشه

اختي اكتبي موضوعك للجنة الاستشارية وان شا الله سترين ما يعجبك...

__________________


اللهم اعنا على ذكرك وشكرك وحسن عبادتك