السلام عليكم ورحمه الله وبركاته
زوجي الله يهديه في صفات زينه وفيه صفات سيئه وصفاته الزينه تطغى على السيئه
بس انا تعبت ولا قدرت اتحمل وقررت اني اروح بكره لاهلي وازعل عندهم والاسباب هي كالتالي.
من سنتين اطلب منه يغير غرفه النوم وهو راضي بس يقول اصبري
مع العلم ان راتبه 13 الف هو عنده محل ومديون بس ما يسدد الدين من راتبه يسدد من مبيعات المحل
ثاني شي ساكنين في بيت ملك
ماعنده عذر السنه هذي كنا بنسافر والتذاكر بمبلغ 15 الف وكان متحمس للسفره بس انا رفضت لان زواج ولد اختي في الاجازه وما اقدر اسافر
شفتو يعني يدفع 15 الف لسفره بس مايدفع 10 الاف على غرفه نوم!
المهم لما زهقت من سنه عطيت امي غرفه النوم قلت عشان يتحمس ويشتري غرفه
هو كان راضي ويقول ان شاء الله تعجب امك الغرفه وهو الي حملها لهم وعطاها امي تخيلو من سنه نايمين على فرش على الارض والسبب كل يوم بكره بعدين مو الحين!!
حتى غرفه ولدي انا شريتها وهو مايدري ولما شافها انبسط وعجبته بس لما كنت اقوله خلنا نروح نشتري غرفه للولد يقول ماله داعي تو الولد صغير وش غرفه وش خرابيط
الحين ولدي عنده غرفه وانا لا!!
من تسع شهور شلت الموكيت حق غرفه الجلسه ونقلت الجلسه في غرفه النوم لانها سيراميك وفاااااضيه
وحطيت الموكيت في غرفه في السطح غرفه الغسيل وارتحت كثير لما رتبت غرفه الغسيل تخيلون من تسع شعور وانا اطلب منه يشتري موكيت جديد للجلسه وكل يوم بكره والحين البيت حوسه الجلسه فاضيه ومغبره
وغرفه النوم فيها الجلسه ولا عنده نيه يشتري غرفه وكل يوم اقوله اشتر موكيت للجلسه قبل رمضان عشان اهلي بيجون يفطرون عندي واكيد اخوانك بيجون لان اخوانه كثير يجون في رمضان وابي بيتي يترتب وهو يقول طيب مايقول لا يقول طيب من تسع شهور يقول طيب ولا شفت شي
المشكله سافرت انا وامي واخواتي في العطله للشرقيه وحجز لنا بفلوسه 6 الاف ريال
غير الفلوس الي عطاني للسفر
ويشتري كل شي من الغالي
الا البيت مايحب يسوي فيه شي
الا مره ما اظلمه
عجبني مره كنب في محل صديقه
وكل مارحت للمحل شفته ودايما اقوله ان الكنب هذا يجنن
مره سوا لي مفاجئه وجابه للبيت وانا ما ادري
و موكيت بسعر 600 ريال مستخسرها مدري ليه انا محتاره ليه يسوي كذا؟
وهذا السبب خلاني اتسلف من اخواتي واهلي عشان احط غرفه لولدي
صارت علي ديون من سبايبه لاني كل ماقلت بنحط شي في البيت قال وشوله ماله داعي خرابيط
الحين معي فلوس وودي اسدد لو جزء من ديوني بس افكر اني اروح اشتري موكيت للجلسه بس اخاف يتعود لان كل شي انا الي اسويه كنب الصاله انا سحبت منه فلوس وهو مسافر وشريته
وسكت لاني كنت زعلانه من سفرته
وغرفه ولدي انا الي شريتها
ودايما اروح ادور غرفه نوم انا لحالي مايروح معي
ودي مره يشاركني في شي لو بسيط
حتى اغراض رمضان يقول ليه ماله داعي اي شي ينقصك اتصلي على البقاله واطلبي على الحساب واللحم انا بشتريه
كل شي عنده خرااابيط
مافي اي مشاركه بيننا تعبت وكل ما اروح لسوق واشوف وحده هي وزوجها يضيق صدري واقول الله يخلف علي
انا الي يقهرني احيانا يصرف مبالغ كبيره على اشياء تافهه وعادي عنده هو ماتهمه الفلوس كريم حتى مع اهلي مايقصر
بس مدري وش قصته حيرني
الحين ماعاد ابي غرفه ولا موكيت كثر ما ودي اعرف ليه الى الان ماشرا غرفه وموكيت وش السبب؟؟
لازم اذا بغيت شي اطلب منه واجلس اترجاه فتره تعبت
الحين اقوله راتبك زين ماشاء الله عطني مصروف 1500
اسدد ديوني واشتري الي ابغى وماعليك مني واذا طلبت منك شي بعدها لا تعطيني
هو مايقصر يعطيني فلوس بس انا ما اعرف اجمع وكم مره اخذت منه وقلت متسلفه من هذي وما خذه من هذي ويعطيني بس يقول انتي ديونك ما تخلص
والله كله منه ابي ازين بيتي وهو كل شي عنده مو لازم وخرابيط
عشان كذا انا قررت ازعل ابيه يشوف الحريم ترا مافي احد مثل طيبه وساكته ونايمه لي سنه على الارض تكسرت جنوبي وهو الله مغنيه
الي قاهرني انه كريم وماتهمه الفلوس بس ليه يسوي كذا وش رايكم تكفون شوفولي حل معه
ترا زوجي طيب
بمدحه شوي لكم عشان ما اكون ظالمته
يخليني اروح للي ابغى مايمنعني من شي
سدد مره فاتوره لاهلي من النت وصارت كل ما تطلع الفواتير تجيه وكم مره يسددها وماياخذ منهم فلوس
وقدم شغاله لاهلي على حسابه عشان امي كبيره ويقول حرام خلها تساعدها البنات عندهم مدارس وامك كبيره وحتى صار فتره يعطيها الراتب بس في الاخر امي حلفت انه مايدفع
اطبخ والا ما اطبخ مايهمه يقول اي شي من يدك حلو
مايعصب ولا يعلي صوته علي
دايما يقولي يا بعد عمري
ودايما يطلب مني اجلس بجنبه ويمسك ايدي ويبوسها حتى اذا كان يشوف التلفزيون
ما عمره انتقد اي شي مو مرتب في البيت حتى لو مايلاقي ملابس نظيفه مايعصب
واذا شافني ارتب يقول ليه تتعبين نفسك
بس انا اقول لازم يعاملني كذا لاني ساكته وطيبه ونايمه على الارض من سنه ونص ولا قلت شي
ودي زوجي يتغير للاحسن
يشاركني في البيت
يحترم طلباتي ويعطيني مصروف عشان يفتك مني ولا عاد اطلب منه شي
وش رايكم وش اسوي ؟؟؟
12-09-2007, 07:52 AM
ونفس الشي مع الموكيت وغرفه الجلوس واي شي تبين تسوينه مدام هو ما يقصر معاك بس مشكلته ما يشارك فهذا شي عادي حتى انا زوجي ما يشارك يعطيني فلوس ويقول سوي كل شي بكبفك وانا ابتلش ادور اثاث واغير كل شي بروحي وهو بس يجي ويشوف كل شي جاهز مع العلم ان انا ما ادل شي في بلد زوجي لان انا من بلد ثاني فبالشه اخت زوجي مسكينه تروح وتجي معاي لان زوجي مايبي يروح ماله خلق .. فنصيحه لا تكبرين الموضوع وقوليلي شنو بصير معاك .. واسفه على الاطاله
ضوابط المشاركة
العرض العادي
