السلام عليكم

زوجتي حامل في الشهر الخامس ولا ادري وين بتولد

1- هل استشيرها الفتره الحالية او انتظر للشهور الاخيره علما اني موظف ومشغول دائما انا ودي تولد عندي بس خايف انشغل عنها كثير ولا ارغب انها تولد عند اهلها وفي نفس الوقت لا اريد اضغط عليها بشي لا ترغبه.
2- زوجتي تجلس في البيت كثيرا وترفض الخروج حتى للمطاعم وغيرها ولم نكمل سنة من الزواج فما الحل من وجهة نظركم ؟
3- زوجتي تكرهه المدينة التي اقطن فيها علما ان اهلها واهلي في مدينة بعيده جداً عنا فما الحل معها؟
4- بخصوص العلاقه الجنسية فهي رافضه تماما فقط مداعبه وهذا مطفشني منها ولي فتره لا مداعبه ولا شي فقط حياه روتينه هل انا ماشي صح؟ وش تنصحوني؟ لان الدكتوره تقول لها لا تسوين شي على كلامها ولكن مافيه شي يخوف ؟

هل تدخل معها عند الدكتورة؟

إن كان وضعها ووضع الجنين طبيعي فليس هناك مانع من العلاقة الجنسية.

ولكن البعض يخاف ويشعر بالقلق ويعتقد أن الجماع يمكن أن يؤذي الجنين .. وربما زوجتك من هؤلاء.

__________________


اللهم طِيبَ الأثر .. وحُسْنَ الرحيل.

انا اريدها ان تلد عندي

حلو تولد عندك بشرط من خروجها للمستشفى تسافرون لمدينة اهلكم وتاخذ اجازة لو اسبوعين .. تشوفها وتشوف احتياجاتها وكذا ..

اول مولود صعب جدا تبعد البنت عن اهلها ..

وبالموعد القادم ادخل للطبيبة معها وكلمها بحضور زوجتك هل فيه مانع من العلاقة او لا ؟ فقط .

الله ييسر امركم يارب

__________________
سبحان الله وبحمده ، سبحان الله العظيم

طيب يا أخي .. إذا تريدها أن تلد عندك فيجب أن تتعاون قليلاً.

بل في الحقيقة يجب أن تتعاون كثيراً .. الأسابيع الأولى ليست سهلة .. خصوصاً للأم الجديدة التي لا تملك خبرة بعد.



بخصوص الجماع .. تحدث مع الطبيبة أمامها.

غالباً قد تطمئن وتقتنع عندما تسمع رأياً متخصصاً.

__________________


اللهم طِيبَ الأثر .. وحُسْنَ الرحيل.

يااخي بعد الولاده الجسم يكون ثقيل وصعب تتحرك غير الالم
فماراح تقدر تهتم بطفل هذى اذا كانت الولاده طبيعيه
فما بالك لو كانت قيصري 3اسابيع ماتقدر تلف على جنبها
خلها يااخي تولد عند امها
الاهل يهتمون باكلها بطفل ياخذوه عنها يخلونها ترتاح
انت زورها
اذا تبغاها تولد عندك
مين يسوي لها اكل مين يهتم بصغير
انت ماراح تلحق على كل شيء
بخصوص الجماع بعد الشهر الثالث عادي بس هي خايفه
حاول معها وانتبه ان تكون العلاقه عنيفه

اما بخصوص زوجتك تكره المدينه اللي ساكنينها يااخي انا كره المدينه اللي فيها دوام زوجي ولاتاقلمت معاها ان شاء الله ييسر ربي نقلنا فطبيعي الامر هذى

يوجد حل اذا تبغا زوجتك تولد عندك
من المتعارف عندنا ان البنت اذا بتولد ببيتها امها او ام زوجها تجي عندها


ربي ييسر امركم

انصحك نصيحة اخت لوجه الله ، خلها تولد عند اهلها لعدة اسباب ، مابتقدر تقوم فيها ولا تعرف لها ، تحتاج مساعدة وتغذيه ورعاية من امها ، ماتعرف للبيبي زين وتحتاج احد مجرب يعلمها وش تسوي ، والاهمممممم اكتئاب مابعد الولادة ممكن يجيب شي انت في غنى عنه وانا اختك خصوصا انك تشتغل وبتضل نوعا ما لحالها تهوجس هي وهالصغير ولا بيخلونك تنام ومنها يزيد الشوق ، خلها تروح اربعينها وبترجعلك تمام ان شاء الله .

ياخي كيف مشغول كثيراً وماتقدر تكون معها وقت الولاده كلنا مشغولين وعندنا دوامات وشغل

بس البيت اولويه الزوجة اولويه الابناء اولوية

قدرت تاخذ اجازة للزواج شهر ومو قادر تاخذ اسبوعين تنزل عند اهلك واهلها تولد وتقعد معاها اسبوعين

خذ اجازة قبل الولادة وانزل لاهلكم واستمتع بلحظات لاتنسى والزوجة تقدر هاللحظات ووقفاتك معها بهاللحظات تبقى تاج على راسها ماتنساها لك ابد
اما تروح تحطها عند اهلها وبعد ماتولد تجي مالها طعم وبتقعد بخاطرها على طول

رتب امورك ورتب سفرك لاهلكم وخل الشغل على جنب العمر يخلص والشغل مايخلص

بعد ماتولد بالسلامة روح للدوام واكرف الى ماتشبع واقعد بعد نهاية الدوام بكيفك

تخلص النفاس وارجع خذها وتكون ارضيت جميع الاطراف

ماهي متقبلة اني انا اسال الدكتوره بالنسبة لها عيب

شكرا لك

عند اهلها افضل بكثير بيكون فيه اهتمام لها اكثر