السلام عليكم ورحمة الله

بحاول اكتب الموضوع بوضوح ..
اعطيكم نبذه عن شخصية ماما .. طبعا ماما صعب ارضائها يعني زي مانقول من الشخصيات الي مايعجبها ايش شي معقده ممكن تفهمك غلط وانت نيتك سليمه
وكمان ماما نظرتها دااااائما سلبيه غير ايجابيه ابدا .. وتحبط نفسها والي حوليها .. بنفس الوقت طيبه بس عصبيه متوتره احس بداخها مو مستقره كأنو مافي شي عاجبها تحت تجلس اكثر شي لوحدها ..


المهم انا تزوجت من 7 شهور .. من بعد زواجي وانا وزوجي تقريبا شبه يومي عند اهلي
وزوجي يحب يروح لأهلي كل يوم لما يطفش يقول يلا نروح لأهلك طفشان احب اهلك احب لتكلم معاهم والعب مع اخواتك ووو فسرنا نروح تقرريبا شيه يومي ..
وانا طبعا عندي ولد من طليقي ف لما اشوفو اروح لأهلي وابوه يجيبه هناك واشوفه ..
الي يحصل كنت يومين في الاسبوع اروح لأهلي واشوف ولدي وايام اروح لأهلي وما اشوفه ..

بعد زواجي ب 6 شهور توظفت الحمد لله فسارت وظيفتي تاخذ تقريبا اكثر من نصف اليوم
اقولكم كييف .. دوامي انا وزوجي من 7 ونص الصباح اليى 4 ونص نوصل البيت 5 العصر ..

يادوب ارجع واعمل الغداءً قيدو اذن المغرب ع بال نتغداء ونرتاح شويه ف البيت جات الساعه 9
على طول نمون تعبانين 9 ونص واحنا ع السرير بنام نكون مرا تعباانين بالذات انا ما اقدر اقاوم مهما حاولت ومهما شربت قهوه

فسرنا مانخرج من البيت نص الاسبوع وماسرت اقدر اشوف ولدي الا ويكند
طبعا قللنا خروجنا لأهلي سار بس ويكند اروحلهم اجلس عندهم الين اخر الليل واخذ ولدي بيتي وارجعو السبت

ماما دحين بتشتكي لأخواتي وتقول اختكم ماتجيني بس تجي لما تبغى تشوف ولدها تفتكرني او اذا تبغى سوق .. مع اني قلتلها هي و ام زوجي ماسرت اقدر اخرج نص الاسبوع عشان الدوام

كيف اتصرف معاها ماما من النوع الي ماتصدق مهما تكلمت ولا تقتنع الي تحسه هيا صح يعني صح .. نظرتها سلبيه ربي يهديها كيف اتصرف معاها.
هل انا فعلا غلطانه ؟؟؟ هل يعتبر هذا عقوق ؟؟


لاتقولو روحي وما ادري ايش وربي مرا رحتلها من التعب نمت ف الصاله عندهم ماقدرت اتحمل


حاولنا انا وزوجي نغير نظامنا نرجع من الدوام اعمل الغدا والمغرب ننام ونصحى العشاء ع بال نتغدا جات 9 نخرج عند امي ساعه برضو اكون تعبانه الساعه 11 ابدأ اتعب واتنح عندها


ايش الحل !؟؟؟ كيف ارضيييها يعتبر عقوق انها مو راضيه عني من ذي الناحيه !؟؟

__________________
لاتسعى لتصحيح ظن احد بك ££ خالقك ينظر لقلبك وهذا يكفيك

كلميها تليفون نص الاسبوع

اتصلي بهل يوميا هذا افضل لك
يا اختي تعبت انت تكتبي وانا أُرهقت بمكاني
اذا انا اوصل بيتي من الدوام على الساعة 3 مافيني لا حيل ولا شدة على الزيارات يادوب جارتي تجي مرات تتقهوى معي قبل المغرب بس ارهاق صدق
ومن الساعة 9 لا لي ولا علي انيم بنتي وانام

__________________
يا رب خاتمة حســنة ، وزلفى ، وحسن مآب ..

بجرب اتصل عليها ..بس ما احس راح تقتنع ..
نفسي اغير نظرتها بس ما اعرف كيف ..
هي عامله قروب مع اخواتي في الواتس فسارت تكلمهم وتحدد ب الاسماء يا فلانه انا رايحه المكان الفلاني ايش رايك تجي معايا .. او يا فلانه وفلانه بقولكم شي .. بعدين ترسل لا خلاص لما تجون اقولكم ..
وانا اقرأ واسكت .. ايش اعمل هي عارفه وضعي بس ودي تحس فيا ومرا خايفه اكون عاقه من دي الناحيه خايفه ماتكون راضيه ويعتبر عقوق

__________________
لاتسعى لتصحيح ظن احد بك ££ خالقك ينظر لقلبك وهذا يكفيك