|
بقولك رأيي في كلامه
والقرار طبعا بالنهاية لكِ. عندي عدة علامات استفهام/ أولا كلامه لما يقول : يالغالية ! عليه علامة استفهام ؟ ثانيا: دعواته : الله يحفظك و يسعدك فين ماكنتي! إلخ ... ! برضه عليه علامة استفهام ؟ ثالثا: تركيزه أنا صريح وما أبى غير الصراحة ويكرر ! يدل إنه العكس ! مثل الكذاب اللي يكثر من الحلف ! رابعًا: ماهو الأمر الخاص اللي بيتكلم معك عنه! ماهو الجنس ؟! أتحدى لكن بيسحبك فيه حبة حبة وبدون ماتشعري ! خامسا: بشكل عام كلامه كثير وواضح بيحاول يغطي على شي! وغالبا اللي مثل كذا مايستمر بسبب الكذب ! نعم يكذب كثير و لا هو صريح ويحاول يستميلك بشتى الطرق! رأيي بشكل مختصر جدًا لو كنت مكانك بعد كلامه هذا الكثير بأزداد رفض يشوفني في مكان عام، لأنه حتى لو شافني وانا ملكة جمال مابيستمر معي ، اللي مثله مايبى زواج وبقولها لكِ بصراحة! مايبى زواج .. يبى شي تاني لكن مستحيل يصرح فيه عارف راح ترفضي! وبالنسبة للشوفة في بيت أهلك إنتِ يا أختي كبيرة أصري تكون الشوفة قبل السؤال لو مرة حابة تشوفيه بالأول أصري بقوة و لاتقولي عاداتنا ومدري ايش! إنتِ كبيرة ولكِ رأيك بالموضوع ' خليكِ شخصية قوية في حقوقك خذيها بكل الطرق والوسائل ولا ترضخي أبدًا ! وبالتوفيق |
طيب اش سبب استفهامك من كلمة غاليه؟؟
وش وجهة نظرك فيها؟؟ ولعلمك كان يقولي يا اختي اول محادثاتنا؟!! بعدين قلتله لا يقول يا اختي وصار يقول يا غاليه! بس ودي اعرف وجهة نظرك انتِ؟؟ وايضا وضحي سبب استغرابك لكثرة دعواته؟؟ انا استخرت في رمضان وبستخير كمان والله يكتب لي اللي فيه الخير والله انا بشكل عام ماني متلهفه عليه غير لكونه بنفس مدينتي هذي بس ميزته |
مرحباً أختي
عندي إحساس أن الرجل يريد الزواج بك مسيار وربما يرى نفسه أنه عنده قدرة عالية على الإقناع وواثق من نفسه ومن خبرته ربما هو ذكي ولايريد الإفصاح مسبقاً عن طلباته وشروطه حتى لاينفرك بل ربما يريد أن يراك.. فإذا عجبتيه قال لك عن شروطه وربما تنازل عن بعضها من أجل أنك عجبتيه.. أما إذا لم تعجبيه فيعجزك بالشروط لتبتعدي عنه.. وهو لايريد أن يذهب لأهلك حتى لايدخل في الرسميات وربما يتورط بما لايريد كل ماقلته لك سابقاً مجرد رأي والعلم عند الله |
الله يغنيكِ بفضله
لكن ما أدري ليش رافضة فكرة الخطابة !؟ جربي منتي خسرانة ! وطول مانيتك الحلال و تعفي نفسك صدقيني ربي بيكون معاكِ . بس لازمي الدعاء بإنه يتيسر لكِ الخير و ينور بصيرتك وتشوفي الصح من الغلط، أحيانا والله مجرد إحساس يبعدك عن ناس سيئة و انا اشوف هذي من البصيرة اللي ربنا يحطها في قلب الانسان . وعلى فكرة ترى بنات كثير وصغار يتزوجوا عن طريقهم والخلطة السريّة محد يقول عليها : ) لكن يقولوا : واحد قريبنا من بعيد جيراننا من زمان عن طريق وحدة حرمة نعرفها من بعيد |
ما عندي ارقام خطابات
خاصه في نفس مدينتي ما اعرف اي وحده ادري ان فيه كثير عن طريق الخطابات اصلا اغلب الزيجات كذا يعني تكون وحده شافت وحده ودلت وحده عليها😂 هي نفسها شغلت الخطابات😂 بس والله ما اعرف اي خطابه ولازم تكون من مدينتي |
استعيني بالله وتوكلي و كلمي خطابات
ومثل ماقال العضو اللي قبلي حتى لو همها الفلوس مالك دخل أهم شي تشتغل صح ! هل فيه أحد في هذي الدنيا ماتهمه الفلوس ؟! أصلا لو جاتك خطابة تقولك ماهمها الفلوس تخافي منها! تدري ليش؟! لأنها بتخبي شي ووراها شي، الغالب يهمه الفلوس لأنه يعتبر مصدر دخلها وشغلها ! وهيا ماتعرفك حتى تقدملك خدمة لوجه الله ولاحبًا فيكِ. و كمان فيه شي جدًا مهم قوي ثقتك بنفسك و قوي شخصيتك هذي الفترة لاتقولي العمر راح وكيف أربي طفل بهذا العمر ووو ومن هذا الكلام !!! بالعكس قولي في نفسك ياحظه اللي ياخذني واعية وناضجة وفاهمة الحياة وامدحي نفسك بينك وبين نفسك، والله مافيه شي يهد النفسية و الشخصية أو يبنيها زي الكلام اللي نقوله بيننا وبين نفسنا،، كلام الناس مرة مو مهم مثل ماكلامنا لنفسنا مهم جدًا فوق ماتتصوري ! ماراح أذكرلك قصص تثير في نفسك الحماس و تشعل فتيل الأمل لكن بقولك ربي و ربك اللي بتدعيه من 10 سنوات هل يعجزه يستجيب لكِ ؟! أكيد فيه حكمة أكيد فيه لطف في الموضوع ! أعطاكِ نعم بدون ماتدعيه! كيف يحرمك نعمة و إنتِ تلحي بالدعاء سنوات!!! أرجع أقول أكيد لحكمة .. ثقي بحكمة الله و ركزي على النعم اللي تملكيها ركزي على ايجابيات حياتك ركزي على الامور اللي تحسسك إنك بخير ! الله يرزقك مرادك و الله ينور بصيرتك ويصب عليكِ الخير صبًا .. |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|