بسمه تعال
ى
السلام عليكم ورحمة الله وبركاته
مشكلتي هي:
أنا فتاة
.................. أدرس بكالوريس التسويق وهذه آخر لي سنة . وأعمل بوظيفة مساعده تسويق منذ 2001 وحصلت ترقيه الى مديرة علامة تجارية سنة 2005.
العام الماضي اتصل فيني خالي وقال لي شفت لك عريس, قلت له ما أبي اتزوج من الحين قال لي لا تقولي كذا, وهذا الولد كويس وانا اعرفه عدل صار لي معاه 13 سنة أعرفه وأخلاقه كويسة...الخ.( وضرب على صدره وقال محد عليه هو كويس وخوش ولد وانه يناسبك انتي ).
كلم أمي وخبرها عن هالشيء, الا تقول أي خلنا نفرح فيك وهي مع اختي الحقودة...عندي ات حقودة ما تراعي مشاعر الغير وتحب النكد والهواش موتها, ولا هي بعد متزوجة والله يساعد زوجها عليها, وطبعاً هي المفضلة لدى العائلة. وهي تحجج لإتفه الأسباب.
هذه تمت تحن على راسي وتقول لي أي ما تبين توافقي شيء اكيد تحبين احد, وعندك علاقات مع شباب! تصور قالت لي وسمعتني اكثر من هالكلام الجارح.....
المهم في الشهرين اللي يوا تقدموا لي ما ارتحت من لسانها وكلامها الجارح ..وكلموني كلهم ضغطوا علي حتى اختي الثانية تقول لي ليه ما تقبلي فيه لو جاء لي كان قبلته والله كان كل كلامهم على الفاضي بعدين بينوا على حقيقتهم حتى لو كانوا خواتي !
عطيتهم اجابتي وقلت لك اذا صار أي شيء انتو السبب وبالأخص خالي !
جاب اهله وعملنا المقابلة وقا ل لي أنه عنده شهادات ودارس ومعاشه 250 دينار, وبعدها طلع انه مب دارس ولا شيء وما عنده الا الأعدادية ( أول). ومعاشة مب 250 دينار.
صار زواجنا وياليته ما صار لأن ماسأة نمت ذيك الليله بصياحي مدري شنو اسوي في روحي؟ وهو قال لي جدام اهله ما في عشى الليله ! دخلنا وراح نام والصبح راح الشغل واني مصدومة !!!
وفي ليله زواجي اخته الكبيرة دخلت علي وقالت لي انه مطلق من قبل ! والسبب انها تسمع كلام ابوها ما تسمع كلامي !!!
وهو كذب على الشيخ ومو مكتوب في العقد مطلق ! وكذب علي اني ! واني زوجته!
وقال لي انه راح الى شخص يقرأ ويعالج بالقرآن وقال له يعمل له شيء حتى اذا جاء لي ما يصير رفض. وتصور ان هذا الشخص اذا احد راح له من بنات او شيء, وعجبوه يقول ليهم يتزوجهم بالقرآن؟؟؟ ولا مرة قال لي انه حمواتك كله مع شباب ويلعبون ووووالخ. واني رحت قلت الى حمواتي علشان لا يخلون اخوهم يوديهم اليه !! اني قصدي كان بنية خير مب شر. ولا بعدين قال لي ان اني اللي طلعت هذا الكلام على خواته!!!!!!!!!!!!!!!!!!!!!!!!
فوق كل هذا كذاب!!!!!
وعلى طول يقول لي ان انتي ما تحبي خواتي ولا امي ., ووايد يسمع كلام خواته ولا يسمعني .
الأهم من كل هذا, اكتشفته شكاك! ذبحني مب قادرة اتحمل ولا اصبر ..صبرت وايد عليه .
مرة كنت رايحة مكان ووداني هو وقلت له بس اخلص ادق عليك تجي تاخذني قال لي اوكي وخلصت وتميت انطره واتصل عيله موباييلة مسكر وقمت اتصلت فيه على هاتف العمل وكلمني مديرة وقلت له ابي اكلم زوجي الا اخذه زوجي وقام زفني وسكره وجاء اخذني ومن هذه السالفه عباله ان اني على علاقة مع مديرة. وتصوري راح يقول عني زملائة ان اني حامل وووووالخ..ويقول ليهم ان انا حملتها من قبل !! هذا تصرف واحد عاقل! يروح يقول الى اصدقائه ان انا حملت زوجتى قبل لا ليله الزواج!.
وبعدها سافرت الى لبنان واتصلت فيه وكنت مشتاقه له, سكرة في ويهي ويقول لي ان اني كنت اساله عن مديرة... وو.الخ. وسد نفسي صراحة.
رجعت وما يه اخذني , كسر كل شيء في قلبي .. ما خلا مكان فاضي.
ورحت معاه بتلكو تحجج على الفاتورة قلت له مب انت اللي راح تدفعها , وطلع الأرقام والموظفين مستغربين منه!
وسمع كل شيء واتصل على كل الأرقام.
ومرة كنا طالعين مطعم الا يقول لي انتي ليما الحين ما قطعتي علاقتك معاه؟ قلت له حرام عليك ...
الا يقول لي لا هو جاء لك امس بالليل وانتي عطيته كاكاو وورد. انصدمت حلفت له بالله والقرآن,
ان اني ما اكلمه ؟
وما أحس تجاهه بإي شيء لا حب لا اشتياق ولا شيء...
وحالتي النفسية سيئة مره مرضت وياني التهاب كلية وعملت عمليه في البطن وانسرق من عندي 50 دينار ....
ما عدت أسمع خبر حلو يفرحني!
ما قصرت معاه والله شاهد تصور ذاك الشهر عطيته معاشي كامل (700 دينار)!!!
أني هالأيام صايرة حساسة وايد وما اتقبل أي كلمه.....,احس أنه قتل كل شيء فيني !!!
ما خلا مكان فاضي ...ما ترك بصمته الكريمة!
&
مواقف صارت لي معاه يحسسني فيها إن إني الغلطانة ولا يحملني أني المسؤولية الكبيرة :
ثالث يوم من عملت العملية.. كنت جالسه في الشقة ومتمللة قلت بطالع أفلام فيديو و هو قال لي إن المجر الثالث ما أطالع ولا أطلع أي شريط لأنهم مب له!
يوم إلي مب حقك ليه كاتب عليهم اسمك؟
رحت وشكيت في نفسي أقول ليه ما يبني أطالع هذه الأشرطة إذا ما فيها شيء, قمت ورحت أشوف شريط شريط..وانصدمت والله 4 أشرطه أفلام جنس خليعة!!
قمت وقطعت الشريط حتى لا يغويني الشيطان وأتابع!!
بعدها بثلاثة أيام, يه يقول لي وين شريط اللي مكتوب عليه حياة البراري, قلت له مدري !
اللي يقول لي تدرين وين الشريط, صديقي يبي الشريط؟
قلت له أخذته وقطعته! تصور قام قط علي شريط فيديو مكان العملية..والعلمية اللي عاملتها في البطن وخياط!
وطلع برع الشقة!
وأني أخذتهم قطتيهم في الزبالة, ومن هذه الحادثة ذكرت شيء أول أيام كان يطلع في اغراضة وشاف ظرف وما رضا يراويني إياه...وبعد محاولاتي طلع الظرف؟
أوراق أكثر من 50 ورقه.., كلها صور جنس!!!!
وكلمته عن هالشيء اللي يقول لي إلى صديقه!
&
تدري على طول يقول لي أن أني ما أحب خواته ولا أمه ولا أحب أجلس معاهم مع أن أني بعد ما قصرت معاهم وحتى وحده من خواته شو تقول لي أنتي صج ما قصرتي ومحد يقول ينكر هالشيء !
زوجي صديقة يعمل في شركة زوج أختي . وصديقة مرة تكلم إلى زوج أختي الكبيرة ..قال له هو قال لي إن دلال ما تساعدني في أي شيء ولا حتى تعطيني فلوس وكل شيء ما ساعدتني وحتى معاشها ما تعطيني منه!
زوج أختي يه قال لي هالكلام………!
رحت بيتهم وما شفته هو بس كانوا خواته وأمه كلهم موجودين مع بنت عمتهم , وقلت ليهم أني ما ساعدته يروح يقول مدري إلى من؟
الله يعلم قال لمن بعد……………………….؟
وكلهم ساكتين , يقولون لي تفاهمي معاه قلت ليهم هو خلاص ما يبي احد يتفاهم معاه يبي يعمل اللي في راسه, وخبرتك صدمتني فيه ان تعلم في الأحداث!!! ومدري شنو السبب!!!!
&
وأما الحركة اللي يعلمها لي أنه يصحيني من نومي علشان بس يبي يرضي شهوته مثل الوحوش!( أكثر من مرة عملها)
واتفاجأ الصباح أن أني عارية! ومتوصخة !
قلت له ليه عملت كذا؟ إلا يقول لي اشتهيتك وخلاص! قلت له حس فيني إذا إني نايمة…
&
يوم سألته عن سبب طلاقه الأولي طبعا بعد شهرين وشوي هو قال لي: انه ما تسمع كلامه كله تسمع كلام أبوها!! وإنا قلت لها تمي عند أبوك….؟
سبب غير مقنع بالنسبة لي إذا المحكمة الشيعية ما تطلق إلا بالعزر , والحق كله إلى الريال ؟؟؟؟ هذا أي قانون والله أي دين؟؟؟ اشلون الله ما يرضى الحق كله بصفه!
&
ومرة موقف قال لي بنزور صديقي وزوجته في بيتهم قلت له اوكي وطلعت من الشغل الساعه 10:30 وبعدها رحنا الى بيت صديقة وما رحنا الا يقول لي زوجتي في الشغل وبس اني وزوجي ومعاه.
الا يقول الى زوجي تقدر توصل ربيعي من فندق الخليج الى فيلتهم في عالي وزوجي طلع وراح وخلاني لوحدي في شقة صديقة بعد عدة توسلات ان ما يطلع بدوني والله يوصل ربيعه واني معاه بس قال لي لا ...!!
طلع واني في قلبي اقرأ آيات ونذرت وخايفة صراحة والا ياي يبي يسلم علي بيده قلت له ما اسلم على غريب قال لي لا احنا عايشين حياة الأمريكان قلت له اني مو عايشة هذه الحياة !والا ما شفته يبي يخلعني شيلتي واني حاطه يدي ثنيتهم على راسي علشان لا يشيلها!
ومن بعدها خلاص تم يالس ... بس رن موباييلي وابي ارد الا سحبة من الشطنة وخلاه يرن لوحده..........!!!!ولا فوق كل هذا زوجي اتصل في صديقة يوصلني في محطة قريبة له علشان لا يرد يرجع ويلف ويتعب على حاله!
وصلني ربيعه الى المحطة وهو يه استلمني كأي بضاعه رخيصة بوجهه نظره!!!!!
$
واللي فتحت هذه المواضيع وخلاني انفجر صراحة مب قادرة اتحمل اكثر من كذا من كثر حبي له وما ابيه يتسلف من عند احد قلت له مستعده اعطيك 3500 وتبي فوق بيتكم ونتزوج الا قال لي اوكية.. رحت جبت البناي وكل شيء وبنوا وصبوا ....واني شرطت عليه شرط انه يرجع لي حقي 3500 ويكونون خواتك عارفين بهذا الشيء قال لي اوكية. بس هو ما قال الى خواته واني صدمتهم رحت قلت ليهم بكل شيء واني ابيكم توقعون لي على اوراق حكومية علشان اضمن حقي لأنه محد شو راح يصير له في الأيام المقبلة.
الا قالوا لي احنا ما ندري بهذاا لشيء وما وافقوا انه ترد لي 3500 وقال لي اذا راح تعطينه من نفسك..؟ قلت ليهم هذا مبلغ مب سهل !! واني ابي اظمن حقي... وتصوري شغلهم سرحوهم وتم ما عنده شغل الا بداية 8 حصل له شغل واني وقفت معاه ما تركته. وقال لي انه معاشه 180 دينار وطلع معاشه 260 دينار,,,, تصوري؟ كذب علي
قلت الى خواته كم معاشه قالوا لي 260 دينار قلت ليهم هو قال لي 180 دينار يعني يكذب علي ولا سالته وما نكر قلت له وهناك اهله كلهم اني ما ني محتاجة لك ولا الى فلوسك كفاية انه ما يعطيني شهريا فلوس!!! ياي يكذب على بسالفه معاشة واني عمري ما بخلت عليه ولا خاصمت اهلي كلهم مدة شهر ونص علشانة .... وآخرتها يقول لي كذا؟
كسر كل شيء فيني ما صرت آكل ولا شيء واشرب موية علشان التهاب الكلية لا يزيد علي .
وقلت ليهم ان اني تعبت خلاص مب قادرة انحمل أي شيء...... رزقي على الله وأنت رزقك تدله!
قال الى عمي انها مقصري معاي وبروح اشتكي عليها في المحكمة ..بيت الطاعه
قلت له روح جيب لي بيت الطاعه ولا اخته تقول لي هذه الأشياء ما ارضها على نفسي ولا عليج بس لا تدخلين طرف ثالث في حياتك .. قلت ليها عمي مو طرف ثالث. وهذه الأشياء اللي عملها اخوك مب سهله ولا احد يرضى يقط بنته على شخص مثل هذا.!
يا ربي ...كل شيء ضاع مني..حتى ابتسامتي وضحكتي !
يقول الى عمي انا ما راح اطلق ! خلها هي تروح تشتكي !! وعمي اول ما يلس معاه قال له اخذتها بمعروف طلعها بمعروف. ورحت اخذت اغراضي بس الأشياء الكبيرة مثل الغرفه ساعدته فيها ودفعت فيه افلوس...
يقول ان اني مقصرة بس في جانب الطاعه.!! اشلون يبي انام واريحة ..
مرة كنت معاه بالليل الا يقول لي انتي لو كان صدرك اكبر كان احلى مثل منى( طليقته).
اشلون ما ينجرح قلبي ..تدري صبرت عليه واااااايد وعطيته مجال يعدل من نفسه بس ما شفت شيء!!!
ويقول لي ان اني مشوشيني ناس عليه علشان اطلب الطلاق ... وتصوري امس بالليل اتصل فيني قلت له نعم, قال هذا كلامك النهائي قلت له أي ما عندي أي قرار غيره قال لي راح تندمين! قلت له اذا عندك أي كلام اتصل في عمي لا تتصل فيني !!
وبعدها اتصل في بيتنا وكلم خواتي قال ليهم اش فيها دلال قالت له اختي ما ندري بس من تجي من الشغل مباشرة على غرفتها واذا ناديناها على الشعاء تقول لينا شربت ببسي ! وهذا صح هالكلام بس مرة مدري وصلت حدي طلعت كل اللي في قلبي وكلمتهم وقلت ليهم ابي انفصل!!
ويقول الى عمي ولي ترى جارنا تطلق 4 مرات الرجال ما يعيبه شيء لكن انا خايف عليك انتي راح يعيبك الطلاق! قلت له اذا في كرامتي محفوظة ومعززة في بيتي اهلي ما راح يضرني شيء!!
تدرين اتصلت في الشيخ عبدالحميد المحمود وشيوخ وايد ..واحد منهم قال لي لو ما احس انك تتكلمي من قلب ما صدقت هذه القصه!!!!!!!!
وفي موقف صادني معاه واني في بيتهم وكانت عمتي و3 من خواته وكان يفلص فيني وحتى صار مكان اللي فلصني بنفسجي غامج واخضر ومدري ابي اخلص نفسي منه لا ارادياً عطيته كف عدل وجدام امه وخواته!
وبعدها تركني !
ارجووووووووووووووووووووووووووووووووووووووووووووووو ووووووووووووووووووك
وابي مساعده ضرووووووووووووووووووووووووووووووووووري ..