السلام عليكم

تكفوون لاقو لي حل مع ام زوجي

تبيني محبوسه في البيت دايما

اذا راحت زياره للجيران ماتقولي عشان اروح معها مع انهم دايما يقولون وين زوجة ولدك ليش ماجبتيها


ام زوجي ماتبيني اروح عند اهلي ماتصدقون لو قلت لكم اني كل ما روح لهم زياره تحرض زوجي علي وتصير

مشكله كبيره بيني وبينه

انا ساكنه معها في نفس البيت انا في الدور اللي فوق وهي تحت بس المخرج واحد كل ماجيت طالعه تشوفني

تراقبني بشكل فظيع

ودايما اسمعها تحرضه واسكت دايما دايما

اقسم بالله العظيم اني اسمع تحريض صريح واسكت وابلع قهر

واخر شي رحت لاهلي وانا مستأذنه من زوجي بعدين اتصل علي وهو معصب يقول ليش زياراتك كثيره مع العلم اني اروح مره وحده بس كل اسبوع مو مثل باقي خواتي المتزوجات يجون يومين ثلاثه في الاسبوع

بس لانهم مو ساكنين مع امهات ازواجهم ماخذين راحتهم

المهم انا عرفت انها اكيد حرضته

بعدين سألت ام زوجي انتي ليش ماتبيني اروح لاهلي ليش كل مره تحرضين زوجي وانا اسمعك واسكت

قالت ايه انا حرضته ومابيك تروحين مهملته ومخليته في البيت لحاله وبستمر في تحريضه الين تعدلين ولا تفارقينه!!!!

بعدين قالت له قدامي مو صعب عليك تاخذ قرض من البنك وتتزوج وحده ثانيه تهتم فيك

ولدها قالها ياامي مايصير هالكلام زوجتي تهتم فيني قالت الا يصير ونص

وانا والله مو مقصره معه في شي وبشهاده منه

مع العلم ان زوجي احيانا كثير يأثر فيه كلامها و يجي معصب علي ويحول حياتي جحيم

وتراها تكون خالتي اخت امي وهذي المصيبه لان ظلم ذوي القرابه اشد ...

اسألكم بالله عطوني حل سليم انا حاسه اني مخنوقه منها خففوا عني شوي الله يجزاكم الجنه

طيب ليش ما تخلين امك تكلمها ؟؟

ما تقدرون تطلعون في بيت لحالكم ؟؟
يعني هو ولدها الوحيد و هي مالها احد غيره و مافي اخد في البيت غيركم والا مو متعطله عليكم ؟؟

هي ماتحب امي مع انها اختها وماتتقبل منها نصيحه ابدا وياما صارت بينهم مشاكل في هالخصوص امي صارت معاد تكلمها ابدا في هالمواضيع

وهو مو ولدها الوحيد ولكن هو الكبير وفي اصغر منه مو متزوجين

غاليتي
معليش تحمليها تراها في قرارة نفسها تحبك ولكن هيا حاسه ان وحه اخذت ولدها منها وهاذا تفكير الامهات القديمات
لا تحاولى تدخلى معاها في موضوع ليه ما تبيك تروحي عند اهلك مره لا تناقشيها في هاذا الموضوع
حاولي تاخذيها ممعاكي عند امك طالما هيا اختها وحنني قلب امك عليها لا تحاولي تخبرين امك بكل مشاكلك معها لا تنسي انها اختها وانتي بنتها لا تجعلي مشاكل مع خالتك تمتد بين امك وبينها
حاولي ان تاخذيها واجعلي امك تشترى هدية لها وتزورها
يوم من الايام قولي لامك وخواتك ان ياتو الى زياتها يعني تجمعوا عندها تحمليها ياختي تراها خالتك اخت امك يعني ملجاك بعد امك حاولي بشتئ الطرق ان تجمعين بينهما على حب
ولا تعصبي على زوجك واجلسي معاه وانتي في لحظه صفاء انت تخبرية بالحسنى يعني ماتعصبين علية ليه ما تحاولو ان تجمعوها مع والدتك ويجلسوا مع بعض
حاولي ان تخبرية ان يتحمل كلام امه وانها طيبة حتى وان كانت ماهي كويس معاكي لا تحاولي ان تقولين له امك سوت امك فعلت لان الرجل مهما كان راح يقف في صف امه لان اللي مافيه خير في امه توقعي انه ماراح يكون فيه خير لكي
قولي له ان من حقك ان تذهبي الى اهلهك مره في الاسبوع علشان تشوفي اخواتك وامك وتجلسين معاهم وحاولي بكل طيبه خاطر ان تفهميه بالراحه ولا تعصبين تحملي ولكي الجنه والدليل انه قال لامه انه مرتاح معاكي وانك شايفه كل طلباتك وصدقيني في شئ في نفس خالتك تجاه امك علشان كذا تحمليها وحاولي ان تقربيها من امك افضل
ان شاء الله اكون افدتك واعذريني غاليتي
والله يوفق فيما بينك وزوجك واهله

__________________

	أحتسب كل يومي وعملي لوجهك الكريم

حبيبتي بحكيلش عن تجربتي انا مريت بنفس مشكلنك وعشت عند اهل ريلي عشر سنين لا تنصدمين من المده لكن هذا والله اللي حصل تصدقين ان ام ريلي الله يسامحها كانت حتى تضايق من زيارات امي لي لكن بشوي صبر+فهم =احترام وكانوا اهله رافضين شئ اسمه بيت بروحنا مع ان ريلي يقدر اجيب لي فيلا بدل الشقه ومع ذلك كنت صابرة صابرة صابرة الى ان رحمة ربي اكبر من كل شئ والحين لي ثلاث سنين في بيت بروحي والله الحين يوم اشوفها ما اصدق ان هذة هي خالتي تغيرت صارت كلها طيبه معاي وتحب عيالي .انا ما اقول لش قعدي عشر سنين عند امه بس اقول لش انه الصبر زين وبشوي كلام حلو منش لها صدقيني بتتغير والله يوفقش

طيب طالما فيه مشاكل بينها وبين أمك ليش من الأول وافقتي على ولدها !!!!!!!!

على العموم إللي صار صار

يمكن مع الزمن تتغير أعطي عامل الزمن فرصة

تحياتي

صدقيني يا اختي نفس مشكلتي والفرق هو اضافه الى ام زوجي خوات زوجي الاثنين وكنا اذا اردنا ان نخرج انا وزوجي الى مكان ما يجب ان يخرجوا معانا والا تصير مشكله كبيره والبقيه نفس الشيء ولكن يااختي الصبر مفتاح الفرج وبعد مرور 9 سنوات من الدمار انتقل عمل زوجي الى محافضه بعيده عن اهله وذهبت معاه واستقريت وها انا اعيش حياة سعيده معه المهم يا اختي احمدي الله واشكره ان زوجك من جانبك وام الزوج لم تدوم ان شاء الله

__________________

جزاك الله الجنه على النصايح اللي اعتبرها درر

وان شالله اعمل بها

مشكوره ماقصرتي والله خففتي عني كثير

ان شالله اللي فرج لك يفرج لي