امممممم ما عرفتي تطلبي مين يا فاكهه
أنا أكثر أحد يدلع الأطفال وما أتوقع أقدر افيدك كثير ..
يمكن لو طلبتي الأخت نور الايمان تفيدك أكثر
عموما بعطيك اللي عندي وأعرفه
الطفل بهذا العمر مقلد بالدرجة الأولى .. اذا تحبي ان بنتك تتعلم الضرب اضربيها واذا تحبيها تتعلم النقاش ناقشيها ... بتلاقينها تلبس لبسك وتناديك باسمك مو ماما لأنها تسمع الناس ينادونك فاكهه
والطفل بكل الأعمار ذكي جدا عاطفيا .. حتى الطفل الرضيع أذكى مننا
ويفهم من نظرة عينك اذ انتي فعلا زعلانه ومعصبة ووصلت حدها معك وللا تتظاهري فانتبهي بالدرجة الأولى لتعابير وجهك وركزي على شعورك الداخلي أنك فعلا متضايقه من هذا التصرف ..وإلا ماله داعي تمثلي وتكشفك وتتعود انك مو جادة .
لما تتصرف تصرف غلط تنزلي لمستوى طولها بحيث تكون عينك بعينها وتطالعي بعيونها وتقولي لها بحزم وبصوت واثق وهادي ... لأ .. ممنوع تضربي ماما
طبعا وبشقاوة بتكرر تصرفها حتى تشوف ردة فعلك .. هنا تكرري كلمتك وتضيفي شنو نوع العقاب اللي راح تاخذه لو ما طاعت ... هنا بتلجأ للحيلة ..اما تبكي تستعطفك أو تضحك عليكي بكلمتين حلوبن أو بضحكة مع تكرار فعلتها ..
خليكي أذكى منها واعرفي انه كله مخطط له ..هذولي الصغار مو هينين
عندهم مخططات هههههههههههههه
ممكن هنا تنفدي تهديدك أو تعطيها انذار أخير وبعدها تنفذي لو ما طاعت .. وأهم حاجة أن ما تتراجعي لو تمت تبكي .. ولما تمسكيها بتاخذيها لعقابها خلك هادية جدا ولا تمسكيها بعنف.. ضروري تعرف أنك قاصدة تصرفك معها وانها تستحقه مو أنه تصرف ناتج عن غضب وراح يزول .
ممكن لو ما قدرتي تمسكي نفسك وانتي تشوفيها تبكي تخلي زوجك يروح لها ويمسكها أو يحملها لكن يوضح لها انها هي الغلطانه ويكرر عليها انه زعلان منها وماما زعلانه منها بسبب هالتصرف .. راح تسكت
اذا ما ينفع زوجك كلميها انتي واطلبي منها تعتذر وتقول اسفه عشان توقفي عقابك لها ... المهم انها تعرف انها ما هربت بفعلتها .
عموما الطفل الذكي غالبا يكون عنيد وهذا شيء من طبيعته وتكوينه ..ممكن تخففيه لكن ما اتوقع تنقلب لشخصية ثانية .. بيظل فيها شوية عناد .
علاقتها بزوجك راح تتغير شوي شوي لما تشوف احترامك له .. أحس ان الحب يجيب احترام أكثر من أي شيء ثاني .. يعني لما يكون طفلك يحبك تلاقيه برغبه داخليه منه يحرص على رضاك ... فلو زوجك أخذها للألعاب المخصصة للأطفال ولعبها معاه بلعبته واستمر مثل ما قلتي بسخاؤه المادي عليها بشراء لعبة لها بين فترة وفترة .ومشاركتها اللعب ومشاركتها حضور برامجها التلفزيونية وتعليمها ما دام انها ذكية وتقدر تتعلم . هذا بيخلق بينهم علاقة حلوة.
كونه مش الأب البيولوجي لها فما عنده الحنية والعطف الأبوي الطبيعي وهذا يتعوض بعلاقة خل نقول علاقة صداقة بينهم . لو صاروا مثل الأصحاب فراح يكون له كلمة عليها لما تكبر .
في باليوتيوب أغاني للأطفال عن الأرقام وعن السيارة أو الحيوانات .. شوفي شنو يجذبها وحطي بحث عن أغاني له وبتلاقيها تتعلم منها كثير .
هذا اجتهادي وان شاء الله أكون أفدتك