بسم الله الرحمن الرحيم

السلام عليكم ورحمة الله وبركاته

اعرض عليكم شكواي والى الله المشتكى ..

انا شاب ابلغ من العمر 27 عام تزوجت من فتاة عمرها 20 عام يعلم الله انها تحبني حبا اشد من حبها لامها ولابيها والله يشهد على ما اقول لكن عاطفة الغضب عندها تؤرقني ضقت ذرعا بها !!!

اما انا احبها حب عادي رحمه وشفقه ولكن لا اكرهها ولو اجبرني الحال لطلقت غير مأسوف على ذاك الزواج ..

كان زواجي من فترة تقريبا 6 شهور بالضبط من ليله الدخله الى الان 6 شهور وايام قلائل..

مشكلتي هي المشاكل كثيرة بيننا بشكل (يوم ورى يوم)!! احيانا تطول المصالحه الى اسبوع بالكثيييييير وخاصه بالاشهر الاربعه الماضيه كثرت المشاكل والى الان على اتفه الاسباب والله ورب البيت انها اتفه الاسباب .. زوجتي اعتقد والله اعلم انها حساسه و(حاااااااره جدا) لاتستطيع ان تتمالك نفسها في اي موقف من المواقف يزعجها فتبدأ اولا بالكلام ثم رفع الصوت ثم الصراخ ثم اني كرهت العيش معك ثم لم اعد اطيق نفسي اذهب بي الى بيت اهلي ووالله ثم والله ان جيراننا في السكن يسمعون صراخها وتستمر على هذه الحال يوم او يومين لاتكلمني بتاتا واحيانا اذهب بها الى بيت اهلها وانا مشتاط من الغيظ غضبا ثم ماتلبث يوما الا وتتصل علي ثم ترجع وكأن شيئا لم يكن بعد وتضحك وتسمر معي!!

لنضرب مثالا واقعا اليوم عفوا الليله على وجه التحديد قبل 3 ساعات

طلبت مني ان آتي بآيسكريم من البقاله قلت حااااضر واتصلت على البقال ليأتي لنا باثنتين واتى بالآيسكريم وكان نوع بطعم الشكولاته والاخر بطعم الفانيلا!! (مضحكه هي الروايه اليس كذلك..!! لكنها مرررره) نكمل الحديث وبعد ان مدت يدها لتأخذ نكهه الشكولاته منعتها وقلت ماذا قال الطبيب !! انك محجوبه عن الشكولاته نهائيا لفتره العلاج !!
هي قالت انا لا احب احدا ان يمنعني من شي في الأكل احب ان آكل مااشتهيه ولا احد له نهي علي !!

ذهبت الى الغرفه واغلقت الباب واقفلته ثم اتيت لها بعد ربع ساعه لتهدأ ومازحتها ولعبت معها اريد ارضائها ولكن زاده حده انفعالها وتلفظت علي بألفاظ قبيحه مذمومه وانا ساكت اداعبها وامازحها ولكن لاجدووووى !!

صرخت وصاحت وقالت انا منفعله اذهب عني قلت لها تعوذي من الشيطان قالت : اعوذ بالله منك انت !! ورفعت الأرض ولم تقعدها والمشكله كلها تكمن في علبه الآيسكريم !!

اي زواج هذاااا بالله عليكم!!

هذا فيض من غيض !!

قلت لها غير مصرح بطلاق اني سأتركك ان دمت على هذا الحال مرات ومرات ولكن لافائده !!

انا مللت العيش معها الان كل يوم مشكله تختلقها على اتفه الاسباب اخاف على نفسي من الانهيار العصبي !!

مرات ومرات اكظم غيضي ولافائده لابد ان تجعلني اتكلم واهدد !!

والله لم امد يدي عليها قلت لها مرات انا مشفق عليك لو ان احدا غيري لقتلك ولايبالي !! بنفس الوقت ترد بـ" والله ماتمدها لاكسرها لك"!!!!! واسكت واكظم غيضي مره اخرى تفاديا لأي مكروه وخوفا من الله ثم من ان انطق باليمين غير مبالي !!

اخيرا اتمنى لو ان خففتوا عني مصابي هل هذا يحصل مع كل المتزوجين !! ام انا الذي اعانيه بشكل شبه يومي!!

مالحل برأيكم

افيدوني

تم تعديل العنوان ليتضح المضمون
الإشراف

اخي انت ما زلت في بداية زواجك وعادة يكون بين الزوجين قلة تفاهم وعدم انسجام وكل واحد يحاول اثبات شخصيته على الاخر
غالبا تتلاشى مثل هالامور مع الايام والعشره

بس بصراحه احس انها قويه زياده انا تحملت كل الكلام اللي كتبته بس انها تقولك ( والله لا اكسرها لك) ما تحملتها من وحده توها متزوجه من ست شهور..........حاول اخوي تكون حازم معها شوي وتحسسها بقوتك لان بعض النساء تفهم صبر زوجها وحلمه عليها انه ضعف منه

حاول تتكلم معها وتفهمها كيفية التعامل معك لان انت بيدك سلاح وهو حبها لك والمرأه اذا حبت زوجها تسوي المستحيل علشان ترضيه

جرب انك انت تزعل لما ترفع صوتها عليك وخلها هي تحاول ترضيك وتغير من اسلوبها

اخيرا:
انت ذكرت انها تتعالج فما هو نوع المرض ؟ يمكن يكون العلاج سبب عصبيتها!!
والله يهدي سركم ويوفقكم

__________________

والله زووجتك هذي مشكلة الصرااحة
اتووقع انها هي كذااا في بنات ترى يدوورون النكد دوااارة
يعني ما تقدرر تعيش من غير صرااخ ونكد
طيب انت الان لما هي تسوووي الحفلة هذي كلهااا
انت لا تجري ورااها وتراضيها ولاشي خليهااا تزعل الين يطيح الي برااسها
بترضى من نفسهااا لأنة اصلااا مافية سبب للزعل

ومع احتراامي للك حتى لو كاانت هي تصارخ على اتفهه شي
ما تقوولها لو احد غيررري كان مد يدة عليكي يوووة مالكم ست شهووووووور
مالة دااعي هذا الكلااام بتحبطها على ماهي محبطة
وشي طبيعي ولا شعوووريا راح ترد عليك هذا الررررد على قولتهم من دق الباب سمع الجواب
ليييييش على طوول الواحد يطير للحل السئ وما يفكررر في الشي الايجااابي
بسأللك حاااولت تكلمها ليش هي حااادة الطباع كذاااا
حاولت تفهمهااا بس حاولت انك تقوولها صراحة انها بتصرفاتها هذي بتخليك تكرهها
حاوولت انك تتطنشها وتقولهاااا كلمتين الين تتعدل
والا على طوووووووووووول بتعطيها كفين عل وجهها
لاحووول ولاقوة الابالله
والله يا اما تحاااول تصلحها باللين والهدوء و بلاش تجرريح او رجعها لأهلها الين تتأدب
من اول وجديد يا اخي بكررة بيجونكم اطفال كيف بيعشوووون في الجووو هذاااا
كيف بتكوون حامل وهي كذاااا كل يوووم صراخ

كان الله في عووونك والله يصلح حالكم

صحيح والله في ناس من هالنوعية يحبون المشاكل ويدورونها دواره

ويحسون أن حياتهم من غير مشاكل وشد وصراخ مالها معنى

وبعظهم يتعمدون يعملون مشاكل عشان يحسون بحركه في حياتهم

واذا ما شافوا مشاكل في بيتهم يرحون يستورودون مشاكل من أهلهم .. من زوجات أخوانهم .. من الجيران

والمشكلة في النهاية يقولون أحنا مظلومين وما سوينا شي

بس قلنا كذا وكذا جريمة !! >>>>> يا حرااااااااام يكسرون الخاطر

وغالباً هالنوعية مشاكلهم سببها انفسهم وشخصيتهم المتقلبة والغير ناضجة

وانت الله يهداك إذا أنت انسان هادئ ليش تتزوج وحده حااااااااااره وشابه نار

ما كانت بينكم فترة خطوبة .. !!

المهم ما علينا الحين الي صار صار بس انت لازم تحط حد لأمور كثيرة

أولها الصراخ ورفع الصوت .. لا تسمح برفع الصوت ابد هذي اسمها قلة احترام

لا تسمح لها ترفع صوتها ولا تصارخ على أتفه الاسباب ..

متعوده في بيت اهلها مو متعودة هذا خطأ وتصرف غير حضاري

إذا تناقشتوا وبدت ترفع صوتها اتركها ولا تسمع لها ولا ترد عليها ابد ..

علمها أن التعامل بهذي الطريقة غير مقبول ابداً ابداً

خلها تتعلم أنها اذا بتتكلم بهدوء واحترام بتسمع لها بترفع صوتها وبطول لسانها مراح تسمع لها

مو تروح تراضيها وتلاعبها وتمزح معها .. اهي عشان كذا مو راضية تتعدل

اي وحدة في محلها بتستمر إذا الصراخ والشتم بيجيب الدلع والمزح والمغازلة

معناته لازم على طول اكون زعلانه ورافع صوتي واشتم قد ما أقدر عشان يدلعوني

عاملها كأنسانه بالغه مسؤوله عن تصرفاتها وكلامها ..

لأنها على بالها أنت مثل أمها والا ابوها بس تزعل وتصارخ يلبون لها الي تبي

بجد بجد كأني قاعده اطالع فلم طفولتها ..

وبعدين شنو تحبك .. وش مفهوم الحب ؟؟ الحب مو كلام غزل .. الحب اعمال

وأهم شي يدل عليه الاحترام وإعلاء قدر المحبوب مو اهانته

اسمح لي اقولك هذا اسمه حب طفولي .. مو حب ناس ناضجة

الخلاصة : حط حد لهذي التصرفات .. إذا عملت شي حلو بتدلعها وبتكون حلو معها

إذا رفعت صوتها وقللة من احترامك بتصد عنها .. يعني استخدم اسلوب الثواب والعقاب


ثانياً سالفة الشتايم وشنو اكسر يدك وما أكسرها ..

وكل هذا في جنب وسالفة االايسكريم في جنب ثاني ..

شنو يعني تعمل سالفه على ايس كريم .. طفله اهي !!

بس شكلها في بيت اهلها من طفولتها اهلها علموها أن بالصراخ والزعل تقدر تحصل على كل شي

واستمرت على هذا التصرف الطفولي إلى أن كبرت ..

وهذا غلط لازم تواجهها .. اذا تهاوشت على شي تافه قولها كبري عقلك

وضح لها السالفه على حقيقتها وبين لها تفاهة الموضوع و كيف أن الأنسان إذا حط عقله في هالتوافه

هذا يدل على شي مهم أنه انسان خاوي من الداخل وتافه وغير ناضج ..

أجل احد يتهاوش على ايس كريم .. ؟؟!!!

والمشكله انها ممنوعه عنه يعني كنها طفله تقولها هذا ممنوع لا تاكلين

ما تعرف حق نفسها ..

هذي شلون بتربي عيال ... حط في بالك هالشي بكره إذا الله رزقكم بعيال وش بتسوي

شوف يا اخوي

يقول المثل الطبع يغلب التطبع .. وزوجتك لا تتوقع أنها راح تتغير 180 درجة

خاصة إذا هي تشوف كل شي طبيعي وانها مو غلطانه

لا والقهر تصارخ وتسب وتشتم وبعدين ترجع ولا كأنه صار شي

ولا كأنها أهانت انسان و لا كأنها جرحت قلب

يا خوي انا أعرف هالنوعية تمام و شايفهم مثلهم في الحياة

صاروا أمهات وعيالهم كبروا وللحين عصبيين ويحبون المشاكل

زوجتك لازم تعرف أن الي تسوي غلط .. لازم تعترف بهذا الشي

لازم تحاول تغير شخصيتها الحاره شوي .. مو حياة هذي

إذا ما تعترف وتحاول محاولة جادة بتغيير هذي التصرفات الطفوليه راح تستمرون كذا طول العمر

__________________

انت لسا في بداية حياتك معاها يبغالك اقل شي سنتين حتى تتعود عليها وعلى طباعها وتتعود عليك وعلى طبعك لاتنسى انكم كل واحد فيكم متربي بطريقة غير عن الثاني وانت في هذه الفترة شوف اللي يضايقك منها واجلس معاها جلسة مصارحة وقول لها لازم نتفاهم ونتفق عشان نعيش حياتنا بسلام انتي اذا شفتي شي فيني يضايقك قولي لي واتحمليني لين اقدر اغيره وانا نفس الشي اذا في شي يضايقني منك باقولك عليه من غير زعل وراح اتحملك لين تتغيري عشان نعيش متفاهمين ومانعيش في توتر وعصبية يجينا سنة سنتين والا معانا امراض الدنيا والا ايش رايك ,,,

حاول معاها باللطف اخوي الحياة صعبة مرررررة صعبة والله العظيم اللي يعرف اهلي واهل زوجي مايصدق اننا عيالهم وهما اللي مربينا اهله منغلقين مرررررة ومافي اي راي او قيمة للمراة عندهم وكل اخوانه كذا واهلي منفتحين شوية بما انهم في مدينة لكن قدرنا انا وزوجي نكيف نفسنا على اللي احنا نبغاه يعني اللي مايعجبني في طبايعه من اهله قلت له عليها وقدر يتغير الحمد لله والاشياء اللي ما يحبها من طبايعي مع اهلي قاللي عليها بتفاهم وبعدت عنها على شانه وصارت حياتنا مستقلة تماما صح في البداية تعبنا من تعليقات وتلقيح كلام علينا من الطرفين بس قدرنا نوازن في حياتنا ونسوي اللي يريحنا وبس اتمنى اني قدرت افيدك ..همسة :يارجال اليوم وحريم اليوم وسعوا صدوركم وطولوا بالكم والصبر ثم الصبر ثم الصبر والا تجاروا عصر السرعة كل شي لازم يصير بسرة والا البحث عالبديل على طووووووووووووول

اخي طول بالك شوي و ما صارلكم 6 اشهر...يمكن زوجتك تسمع كلام الناس يلي يقولون افرضي رايك عليه من اول يوم على قوله المثل ابنك على ما تربيه و زوجك على ما تعوديه (اعتقد هكذا يقال) و هي حابه تخليك مثل الخاتم...للأسف كثير من البنات يحاولو بهذه الطريقه لكن تنتهي حياتهم بالطلاق...
انت اجلس معها و تفاهمو مع بعض ...جلسه مصارحه يعني..قولها انا ما احب فيكي كذا و كذا و هي نفس الشي تقوللك...و قولها هذه المشاكل تافهه و نحن اكبر منها بكثير...لا تستعمل الدلع الزايد معها..شد و وارخي...آسفه على الإطاله...
وفقك الله اخي

__________________
اللهم يا مقلب القلوب ثبت قلبي على دينك

يا اخي الطريقة الوحيدة هي تخفيف الدلع وصدقني لو صرخت هي بصوت عالي قولها انا ما احب الصراخ وازا بتعلي صوتك انا بعلي صوتي اكتر منك بس ما تفكري المشاكل تنحل بالصوت العالي.. ثم ان الصوت العالي حجة الضعيف

الله يكون في عونك

مؤكد ستستمر على حالها مادمت مستمرا على معاملتك هذه معها

علاج كل مشاكلنا بشرع الله

قال سبحانه وتعالى
( وَاللاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلا تَبْغُوا عَلَيْهِنَّ سَبِيلاً ) سورة النساء /34

قال الشافعي: ولا يزيد في هجره الكلام ثلاثًا، وأيضًا إذا هجرها في المضطجع، فإن كانت تحب الزوج شقَّ ذلك عليها فتترك النشوز، وإن كانت تبغضه وافقها ذلك الهجران، فكان ذلك دليلاً على كمال نشوزها". [تفسير الرازي، ج10 ص90


بمعنى ياخي ان تبدا بالموعظه الحسنه


ثم بالهجران ومادامت تحبك لن تطيق صبرا على الهجران

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

لاتزعل مني اخوي احس انزوجتك تافهة او موصينها تتدلع عليك يعني عشان تجذبك
لكن المعذرة علاج شنو اللي تاخذه (اذا علاج حمل بدري عليكم ياخوي

ملاحظة لاتكن لينا فتكسر!!

__________________
اللهم احفظ لي زوجي وسخره لي واحفظ لي اولادي

المشاكل ببداية الزواج شر لابد منه لانه الحياة توها بالبدايه ومايكون فيه انسجام بين الزوجين لانه لسى مافهموا بعض!!
بس انت لازم تشد من شخصيتك شوي وتزعل منها اذا كبرت موضوع تافه زي موضوع الايسكريم لانه انت منعتها لمصلحتها ومن خوفك عليها فالمفروض هي تحطك على راسها بما انك تحرص عليها..
وعسى ربي يهدي اموركم ويصلح مابينكم..