كنت امس في السوق وعلى وقت اذان العشاء واغلاق المحلات صرت ادور واشوف من برا زجاج المحلات وكنت ادف بنتي بالعربية ما دريت الا اللي واقف جنبي ويتكلم..في البداية ما ادري وش يقول ..توقعت شي طايح مني او يخبرني بشي المهم التفت وقلت وش فيه!!!قال اعطيك الرقم!!!! انا هنا درات الدنيا فيني من جد تسارعت نبضات قلبي لأني ما توقعت خاصة ان عباتي ساترة وفوق الراس ووسيعة بس كنت متنقبة (طبعا عشان اتفرج على المحلات) ومعي بنتي وماكنت اتلفت بالعكس منشغلة بالمحلات اشوفها من برا لأنهم وقتها مسكرين للصلاة..
طبعا رفضت ورحت بسرعة عن المكان..ويوم جاء زوجي وشلت بنتي من العربية والا القى ورقة فيها رقم ..طلع ذب الرقم بالعربية من غير ماانتبه الحمدلله ان زوجي ماشافه..لأنه شخص ما يتفهم
مش هنا المشكلة .. المشكلة ان الافكار قامت تجيبني وتوديني والهواجيس تلعب فيني
هل تجرأ الشخص هذا علي مع لبسي الساتر سببه زوجي ورجوعه لخيانتي؟؟؟!!!!
بتقولون وش دخل زوجك!!!!
حتى انا مثلكم قبل كم سنه كنت والله ما اصدق بمقولة من دق باب الناس دقوا بابه...وكنت اقول وش دخل اهل الرجال بغلطة الرجل.. ولكن قدر الله لي ان اصدق هذي المقولة بعد حادثتين حدثت لي قبل كم سنة ووقتها ما كنت ادري عن خيانه زوجي.. والحادثتين بدون تفصيل كانت مغازلة وبوجود زوجي ومشاهدته امام عينيه مع العلم اللي كانو وقتها يغازلون ويتحرشون ما يدرون ان زوجي على بعد خطوات عني ويشوفهم .. المهم انهبل وثارت ثائرته وصارت مشكلة وبعد ما رجع للبيت لا اكل ولا نام .. وانا يا غافلين لكم الله كنت اهديه واطمنه واقوله احمد ربك انك شفت الموقف وشفت برائتي والا كان الموقف اصعب من كذا ,,, ووقتها كان يخوني ويكلم بس مادريت الا بعد فترة حتى وحده من اللي يكلمهم كان متسلط عليها وتبغى تقطع العلاقة وهو بس يرسل رسائل خادشة ويزعجها ويهددها(هذا الشي عرفته بعديييييييييين ومتأكدة منه واطلعت على تلك الرسائل وقتها
المهمممممممممممممممممممممم الحين مرة ضايق صدري وقلت لا يكون زوجي رجع لخرابيطة مع العلم بعد اكتشافة اخر مرة وهو تقريبا كما يبدو لي من الخارج انه نادم
بس بعد ترقيمة هذا الشاب لي مع تستري,,, خفت.. وساعات اقول خل اقول لزوجي سالفة الترقيم واذا هو عنده خرابيط يهون ويتوب .. لأنه في المواقف السابقة الذكر بعدها تاب
وش رايكم؟؟؟ ابغى رد من الحكيمين... وش اتصرف عشان ارتاح واتأكد ان زوجي ما رجع للمكالمات .. وان ترقيم الشاب ابتلاء لي ماله علاقة بزوجي؟؟؟!!!!!
جدا حايرة وجدا منشغلة.. والافكار توديني وتجيبني والرقم معي ودي أسأله بالله وش اللي خلاك ترقمني مع شكلي وعباتي الساترة !!!!!
هل عادت المقولة من جديد (من دق باب الناس دقوا بابه)؟

__________________
استغفر الله

{كل نفس بما كسبت رهينة}
فلا يمكن أن يؤخذ من حسناته إلى غيره، ولا أن يؤخذ من أوزار غيره

وقوله : {وَلَا تَزِرُ وَازِرَةٌ وِزْرَ أُخْرَى}
أي لا تؤخذ نفس بذنب غيرها


ويمكن أن تشاركيه في الاثم 00إن سكتي عن ذنبه ورضيتي من اجل حاجه في نفسك 00
فالمطالبه بحق الله والجهاد في ذلك هو النجاة

وما يجب أن تعرفيه - أن كل إنسان يمر بما مررت به من فتن وانا اولهم وبكل الطرق
لكن - علينا حسن المواجهه والتصرف العقلاني مع تلك الأمور

وإذا زوجك تاب - فتعوذي من الشيطان واوصدي ابوابك عنه

دمتي في حفظ الله

__________________

أختي ,, حذاري أن تخطي هذه الخطوة ,, وتفتحي على

نفسك ,, باب الشيطان ..

__________________
ستذكرني إذا عاشرت غيري ,,, وستبكي عِشرتي زمناً طويلا ...

أخــــوكــــم/ تعـــانــــدني ..

يا أختي لا تفتحي على نفسكِ باباً للشيطان .. ولا تحكمي أو تظني بزوجكِ دون دليل وبينة .. وما دام قد أعلن توبته ولم تري منه بعد ذلك إلا الخير فاستعيذي بالله من وسوسة الشيطان.


بالنسبة لإخبار زوجكِ .. فالأمر يعتمد على طبعه .. فإن غلب على ظنكِ أنه سيتعامل مع الموقف بهدوء ودون تحميلكِ ذنب ما حدث فأخبريه.


أما أن تتصلي بالشاب وتسأليه: ليش رقمتني؟ .. فهذا باب آخر يوسوس لكِ الشيطان لفتحه .. فانتبهي.

__________________


اللهم طِيبَ الأثر .. وحُسْنَ الرحيل.

قولي حق زوجج عن السالفة من باب قصة وحدة شفتيها بالسوق
ان زوجها يغازل وهي لما زوجها راح للصلاة غازلها شاب

وشوفي شنو ردة فعله
اذا بيتهم البنت لا تقولين له ابدا
واذا حط اللوم على الشاب

اهني
طلعي بعينك وحطي عينك بعينه بدون ما تتكلمين
واذا سالتج شفيج
قولي هاه لا ولا شي


موفقة

__________________
لا اله الا انت سبحانك اني كنت من الظالمين

و الله انا مو شايفة الموضوع كبير يعني كتييرشباب بيرقمو البنات و ما بينقو البنت لا اتلاقيهم كل ما مرت وحدة رقموها
وانت كان الموعد الي طلعت فيه متأخر شوي ويندر وجود بنات يمكن عشان هيك بس

اهلا اختي شقردية..جزاك الله خير على ردك ولكن عندي تساؤل..
وش تقصدين بالنص المقتبس اعلاه؟؟؟ واي ذنب اسكت عنه؟؟

__________________
استغفر الله

مرحبا اختي
انتبهي تدقين انتبهههههههههههي تكفين دول ناس واطيه ولاتنزلين نفسك لمستواهم
ولاتخلي الشيطان يوسوسلك عشان زوجك
موشرط يكون هوا مسوي شي ترا الاشكال دي كتيره ومعروف ان السوق اكبر مجمع للشياطين وانتي عارفه
ارمي الرقم وانهي السالفه
وربي يوفقك

جزاك الله خير اخوي تعاندي.. وانا ماذكرت هذا الا بسبب الحيرة وفيه بنات بصراحة ضحك واصواتهم عالية وسوالف بايخة اسمعهم.. وعباية تفضح اكثر من انها تستر .. ليه ماراح لهم؟؟؟؟
عشان كذا انا مستغربة!!!!


مشكورة عزيزتي مهرة.. وانا من جد مرات اقول الشيطان يلعب فيني... ومرات اقول لأ ليش ممكن رجع!!!
حسبي الله على الخيانة تخلي الواحد يشك ويتعب مع العلم اني رجعت تقريبا طبيعية في حياتي مع زوجي ونسيت الشك
بس بعد هالموقف وانا مختبصة


عزيزتي موهبة الكويت..جزاك الله خير على الرد... وفعلا تصدقين خطر على بالي اقوله السالفة على انها وحدة اعرفها واقوله الغريب انها ماعندها حركات وعباتها ساترة... وش رايك السبب ليه؟؟
بس للحين ما نفذت شي ..بس الحيرة لاعبة فيني وقلت اطرح الموضوع لترتاح نفسي واجد وجهات نظر تطمني

__________________
استغفر الله

انا صارلي زيك بالضبط
لكني موقفي انا اصعب
كنت مع السواق ووقفت عند الصراف اسحب فلوس..عباتي على الراس قفازاات جواريب
كل شيء فيني مستور ولا يدعي للفت النظر
المهم..
نزلت الصراف السواق تقدم شوي بالسيارة عشان واحد كان يبي يطلع من موقفه..ويجي الرجال هذا وقاعد يتكلم على بالي يسالني عن شيء..ماتوقعت انه قاعد (يرقم)
داخ راسي وضاعت علومي ولا دريت وش طلعت من الصراف..المهم في بالي ان السيارة مقابلة للصراف.. اثاري السواق مثل ماقلت لك تقدم شوي ..وانا من بعثرت حالي والله العرق صار ينزل من شعر راسي ..
ركبت سيارته (سيارة الشخص الي رقمني)
شوي ارجع لوعي وحسيت ان هذه مو سيارتنا..ونزلت بسرعة بس خنقتني العبرة وبكيت..بس في النهاية علمت زوجي
وتفهم الموقف..فشوفي بقولك شيء ترى في نوع من الرجل يمشي ورى من لابسة عبايا عالراس يبغى يكتشف وش ورى هالعبايا اما الكاشفة المتبرجة ماحد صار يعطيها وجه خلاص شاف الي يبغى يشوفه وتشبعت نفسيته لوسخة
هذا ماله علاقة بزوجك وماضيه وخيانته ..بس انتي حاولي تحكيله الموقف ربما لو يسوي شيء يتوقف ويدري ان الي يطالع ببنات الناس ومايغض بصره الله يبتليه في اهله حتى لو تلبس خيشة.

__________________