السلام عليكم ورحمة الله وبركاته

اسعد الله مسائكم

كيف اتخلص من صمتي ؟

اغلب وقتي وانا صامته احس زوجي طفش هو يحب يتكلم كثير واغلب الوقت هو يتكلم ويتكلم وانا ساكته اسمع ولما يطلب مني اسولف اقوله ماعندي شي اقوله سولف انت انا احب سوالفك ويضل هو يحكي بس احسه مرات يطفش يبغاني اسولف اقول اي شي بس انا احس مافي شي يستاهل انه ينقال اخاف يمل في المستقبل بيتنا هدوووؤ ساعدوني

تحياتي لكم

لأنك ما احتكيتي بآخرين فما عندك جديد تسولفين به ..
أنا مثلك أيام الأسبوع ما أخرج من بيتي فما عندي شيء جديد أسولف فيه
عندي الانترنت وبس ، أحكّي زوجي عن المواقع اللي تصفحتها والمواضيع
اللي شدتني ، وكذا ..
أحيانًا نسولف بعمله يحتاج أشياء أساعده فيها ، وتمضي الساعات

حتى إذا هو سولف ، لا تستمعي بصمت .. استمعي وتفاعلي مع
كلامه ، أي كلمه ذكرتكي بسالفه هاتيها بسرعه لا تطير منك ..

الله يوفقكم ..

__________________

قولي اليه كلللللل شيييي سويتينه بالتفصيل

شغل البيت وشنو تفكرين

وحتى بشنو حلمتين ههههههه..

ولما يكلمش بشي او موضوع ع الاقل ابدي رايش وبس الكلام بياخذكم ولابتسكتين

موفقة حبيبتي وان شاء الله دوم سمن ع عسل

__________________
إن اليقين بكرم الله -تعالى- وحسن الظن به، من دواعي إجابة الدعاء، فقد أمرنا حين الدعاء: أن نظن أن حاجتنا بالباب.. فلنتصور مدى يقين من يرى أن حاجته بالباب، ولا يفصله عنها إلا المفتاح الصغير الذي يفتح به الأبواب الكبيرة.

ببساطة إنك تبدأين تتكلمين

__________________

انت ماشاء الله عليك من كثرة صمتك
حتى اسم ماسميتي نفسك
عليك بقراءة مواضيع عن تطوير الذات والتعامل مع الزوج
اللي الواحد عجز يقنعهم تكلموا قالوا ثرثارات سكتوا قالوا وش فيك

__________________
[COLOR="Indigo]اللهم اجعل حبك وحب نبيك احب الي من نفسي واهلي والماء البارد يارب ارضى عني وارضني يارب* ارجوا من كل من اسأت اليه ان يسامحني بالنسبة لي مسامحة الجميع
[\COLOR]

مو بالضروره تكون سوالف وحكايات ..

انتم لسه في بدايات زواجكم .. فحاولي تجعلي الحوار بينكم تقارب وتوافق ..
بمعنى :: افهمي زوجك اكثر من خلال حوارك معه ( مايحب ومايكره وما يتمنى منك )

وفي المقابل .. وضحي له شخصيتك وما تحبين وما تكرهين وغيرهااا من الامور التي
بين الزوجين ليس لها نهايه.....

__________________

حكيه عن مواقف مرت عليك في طفولتك .. عن شقاوتك عن أدبك عن مغامراتك كيف أول سنة دخلتي المدرسة كيف كنتي ..


وانتِ جالسة وساكتين قولي يالله حاسة بحنين لأيام الطفولة .. اتذكر موقف حصل لي مع ..... وأبدي بالحكاية وتتسلسل المواقف والقصص .. أي شي يخطر ببالك أحكيه .. ترا الرجال يحب يسمع صوت زوجته مو شرط يكون كلامها منطقي وعلمي وكله صح في صح لا مو شرط اهم شي سمعيه صوتك ضحكتك لأنه هو يشوف نفسه هو الصح دائما فلاتشيلين هم لو كانت سوالفك خرابيط وسعي صدرك .. والرجال مايطيق المراة الصامتة فحاولي قد ماتقدرين تجيبين اي سالفة لو كيف طبختي ومتى صحيتي ووش صار بيومك كله علقي على صرصور شفتيه وخفتي لاتحقرين أي سالفة بس طلعي صوت ..



الكتب والنت والصديقات تزيدك معلومات ..

والله انا مثلج ما اتكلم ويا زوجيّ
للعلم زوجي مثلي مايتكلم نظل بساعات من دون صوت [ صمتً]
عـ آلآقل زوجج يتلكم تفاعلي وياه باللي يقوله ،‘
علقي عـ كل شي . .
انا نفسج بس من يتكلم زوجي اعلق وامدح فيه مرات اذا طال الصمت
هـذآ طبع فيه /،

اها يعني توش عروس

عاااادي خيوتي اني بالبداية كنت ادور المواضيع دوارة كانها خلصت من الدنيا ههههه

بس الحين هو ساعات لين تكلم ماسكت واني ساكتة

واحيانا لو اني ابتدي بس ما اسكر حلقي ههههه وهو ساكت

بس اني اكثر هههه

__________________
إن اليقين بكرم الله -تعالى- وحسن الظن به، من دواعي إجابة الدعاء، فقد أمرنا حين الدعاء: أن نظن أن حاجتنا بالباب.. فلنتصور مدى يقين من يرى أن حاجته بالباب، ولا يفصله عنها إلا المفتاح الصغير الذي يفتح به الأبواب الكبيرة.