السلام عليكم ورحمة الله وبركاته

الحقيقه هي اني اتابعكم من زمان ومادري ماتوقعت يوم اني بكتب شي هنا لكن هكذا هي الحياه يوم جميل يوم لا

معلوماتي
متزوجه من حول 9 سنوات زوجي اكبر مني باربع سنين لدينا بنتين حاليا بالغربه لظروف الدراسه

تعرفون الام والجرح والصدمه اللي تجي من شخص ماتوقعت منه هالشي كيف يتعب ويؤلم هذا حالي هالايام تعبااانه ومخنوقه وبغربه وحدي ولا احب اشكي لاحد الا لله مشاكلي الزوجيه القويه ماطلعها لاحد لكن جيتكم قلت بشوف وجة نظر الاعضاء هنا خصوصا حسيت فيكم كثير حكماء وفاهمين

المشكله
زوجي انسان طيب حنووووون يحب بناته بشكل فضيع كريم طيب جدا معي وحنون معي نادر يمر يوم بدون حضن بوسه نادر نادر يقولي لا للاشياء اللي ابغاها احسه يحبني ويقدرني مره يحترمني ماعمره سبني محافظ عالصلاه مخليني على راحتي بالغربه اطبخ متى اطبخ اطلع واروح واجي بكيفي يساعدني بالبنات وبالبيت وكريم

سيئاته
يشيش ويسهر ممكن للفجر لبعد الفجر الويكند وبالمدارس للساعه 3 او 4


مشكلتي اني قبل سنه وبالصدفه نسي جواله بالصاله وعلى فكره جواله يفتح الرقم السري قدامي واعرفه وعادي اني امسك جواله
لقيت رساله بالفيس بوك من واحد وجدا كلام اباحي بينهم ويطلبه سكايب
المهم صارحته وقام يتعذر وسامحيني بس كلام وانا امززح امزح معاهم واعتذر مني جلست زعلانه اسبوع ولا اعطيه حقه الشرعي وهو يحاول يلطف الجو واعتذر كثير اللين سكت وقلت يمكن نزوه مافي بني ادم مايغلط يمكن بس حب استطلاع لعالم هالقذرين وبس
ومشيتها ومشيت الحياه معاه لاني جد احبه وماقد شكيت انه يسوي هالشي لانه جدا طبيعي معاي في واجباته الزوجيه وماقد حسيت انه موطبيعي

بعدها بسته شهور كنا مسافرين ونسي جواله بالسياره نزل البقاله واشوف برنامج الهوز هير وواحد بالشات طلعت بشاشة الجوال يرسله كلام وسخ وجا وبعد مانامو البنات هزأته وبكيت بكيت بكيت لانه سكت اول مره ومشيت حياتي وطبعا هو لا عرفت يسوي نفسه مصدوم ولايفكني يجلس حاضني وارضي عليه وبالله تشكين فيني لو ابغى مليان هنا اقدر اروح واجي لكن والله احبك وبس طفشان اضحك عليهم وامززح معاهم طبعا سكت ووعدني مايعيدها وحلفت له يمين انه لو سواها اني لاروح بيت اهلي ولاعاد يشوف خلقتي وبناتي احرمه منهم لانه تفكيره مو سوي ووعدني بوعوده الكاذبه وسكت ومشيت حياتي بقلب مجروح خصوصا اني كنت داخله على اختبارات وهالشي اللي كان كل تفكيري

بعدها ماتاب طبعا وهنا احسه ماهمه خلاص استجلد والا ايش مدري مدري
لقيته يراسلهم بالتويتر باسمه الصرييييح وصورته ويرسلهم صورته يعني جد جد قهرني وصدمني بشكل ماتتصورنه يعني جد مافكر بسمعته ولا سمعة بناتي ياهووو لو واحد ابتزه منهم يرسل لواحد ويرسل صورته وكلام وسخ بينهم انا زوجته قليل يقولي مثل هالكلام ولا فكره باهله ولا بابوه شيخ قبيله ومحترمين مره ، وكل هالمرات اللي كشفته فيها والله مادور وراه ولا افتش جواله لكن ربي يكشفه لي هالمره اخذت ايميله لامور تتعلق بالجامعه واشوف الرسايل تجي وتروح علي جواله عن تويتر واقرا هالكلام واعصب وطبعا تويتر انا سويته له وعارفه الرقم السري ودخلت لقيت هالكلام المهم جا الفجر بينام وبكيت بكيت انهرررررت وكنت قبلها راسله عالواتس كابتشر للمحادثات وقلت حسبي الله ونعم الوكيل انت هدمت بيتك انا بكره رايحه للبلدي ولاعاد بتشوف وجهي وقام خرعان وحاول ينكر وان التويتر كان مهكر وصح كان مهكر فتره مدري فايروس وانا عدلته له وغيرت كلمة المرور ولاعاد اشتكى وشفت التواريخ بعد ماحليت مشكلته بتويتر يعني لامهكر ولاشي والصوره مرسلها لواحد وذا الرجال قام قاله انت ماتستحي على وجهك يعني كرش زوجي واعطاه على وجهه المهم قلت له لاتنكر ابدا انا مو غبيه تضحك علي وكنت ابكي منهاره وبالله بتتركيني وانا احبك وجا يتاسف ونفس الموال اللي فوق اقوله بعد عني مو راضي وحاضني بقوه مو مخليني اتنفس واتضارب معاه وانا اتكلم واتناقش وابكي خلاص تعبت تعبت وربي اقوله ماستاهل كذا ليش انا مو مقصره معاك بالفراش وواثقه ولاعمره قال لي شي ودايم يمدح فيني وبجسمي دايم يتغزل فيه وقد قلت له اذا فيك هالشي وشاذ خلاص خليني ولاتخليني ابني عمر معاك واخرتها القاك ببيتي مع واحد وانت ماتخاف ربك ومن هالكلام جيته باسلوب ديني وبكل شي بس جد مادري محتاره ويش اسوي تعببببت تعبت من التفكير قلت له هذي بدايه ومادري عن بعدين اذا انك ماتشتهي الحريم ليش تتزوج وتورطني

بناتي مره يحبون ابوهم وهو يموت فيهم بس انا وين مكاني بقلبه مادري ايش تنصحوني اسوي معاه انا هالحين ساكته وممشيه حياتي بس ابغي اسوي شي يوقفه عند حده وانا والله مابغى اخرب بيتي ولاني شاكه انه قد سواها مع احد هنا ولا انكر اني احبه واموت فيه وهالشي متعبني متعبني جدا نصايحكم لي جد بحاجتها لاني حاسه نفسي ضايعه ماعرف ويش اسوي .

تم تعديل العنوان ليتناسب مع المضمون

مستجدات
الرد 23
http://www.66n.com/forums/showpost.p...8&postcount=23

لا حول ولا قوة الا بالله العلي العظيم الله يهديه و يصلحه
الغريب يا أختي أنك ما أكتشفتي زوجك الا متأخر أو هذا حاله جديده عليه الله أعلم
شوفي حالت زوجك صعبه يعني اذا كنتي تبينه وتحبينه
لازم تصبرين عليه و هو لازم يكون عنده الرغبه في التخلص من الشذوذ

لكن أنتي اضغطي عليه عشان يتعالج نفسيا والله يهديه و يشفيه
ومالك الا الصبر يا أختي

والله تذكرت شي بعد زواجنا بسنتين شفت بحث بالكمبيوتر كذا عن شي عالشواذ بحث عن موجب وسالته قال صاحبي استخدم جهازي وانا كنت مسافره هذيك الفتره عند اهلي وهو صدق كان عنده واحد بالبيت سكن فتره وسفري كان اسبوع بس ومشيتها ماشكيت فيه ابدا لانه طبيعي معي بواجباته الزوجيه ماقد حسيته ماهو طبيعي هالشي اللي مجنني لو شاذ مايشتهي الحريم سواء فاعل او مفعول به وحاولت قرات عن هالشي كثير مالقيت شي ولاقد شكيت انه قد سوا مع احد بالغالب يسهر بالبيت ولاعمره جاني شارب والا شميت ريحة خمر ويصلي تكفون ويش اسوي تعبانه وربي

وبخصوص سهره اعرف اللي يروح لهم ونادر ادق عليه مايرد وكلهم شباب من جنسيتنا وسهر عالبلوت والشيشه

الدعاء ثم الدعاء ثم الدعاء
زوجك ربما وقع في فتنة في دينه
والا معدنه طيب
ادعي تالي الليل ، حنا ما بيدينا حل لك

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

هذا اللي كنت أظنه
بس يا أختي من قلك أن الشاذ لا يشتهي الحريم
الشاذ في أحيان كثيره هو شخص سليم الفحوله و الرجوله يعني مافيه عيب في شكله ولاحتى في قدرته الجنسيه
العيب في نفسيته في الغالب الشاذ يكون تعرض لتحرش أو أغتصاب في طفولته
وهذا سبب يخليه يكتسب الشذوذ
أنتي حاولي تقنعينه يروح الى طبيب نفسي حتى لو في الخارج وروحي أنتي معاه وجودك مهم وضروري في علاجه
الله يشفيه و يهديه

زوجك شاذ وهذا واضح جدًا للأسف الشديد، ما هو مفروض أن تفعلينه الآن هو أنك تتوقفين عن البكاء والصراخ في وجهه

اطلبي منه أن يصارحك بالحقيقة وأكدي عليه أنك لن تقومي بفضحه ولا الغضب منه

قومي باحتواءه حتى يكشف لك عن كل الحقيقة، التي هي واضحة أصلًا

لكن لا تلومي نفسك ولا تظني أنه خطأ بك، إنما أظن زوجك قد تزوج لأنه حاول الهروب من رغبته الدفينة في الرجال

ولكن لم يستطع أن يخفيها عليك، ولنقل الله أرادك أن تعرفي حتى تقرري بكل وعي وألا تعيشي مخدوعة

أسأل الله أن يربط على قلبك .

__________________

دعْ لهم فجوة في جرحك..يمنحونك مجدَ القتلى
يخسرونك في المُلمات..تُدركهم شهوةُ الأرجوان .. ولا ينالونها -قاسم حدّاد

اللهم اجرني في مصيبتي واخلفني خيرا منها
ولا حول ولاقوة الابالله
جالسه اقرأ كلامكم وابكي طيب بنااااتي ويش اسوي فيهم لو زوجي شاذ بناتي ايش اسوي فيهم قلبي اوجعني والله ويديني توجعني مو عارفه تايهه يارب رحمتك

شي محير صراحه ،، حسب معلوماتي اعرف ان الشاذ لا يتقبل المرأه بشكل عام ،، يمكن تأثر من صديقه وحاب يجرب هذا الشي وربما يكون في بداية الطريق .................. اختي انتبهي لنفسك من الامرااااض ربي يهديه هو و كل من كان على شاكلته

نسأل الله السلامة الله يفرج همك وينفس كربك ..

__________________