السلام عليكم ورحمة الله وبركاته
كيف حال عرايسنا إن شاء طيبين

لي طلب عندكم تكفون

بنت خالتي فرحها قريب جداً إن شاء الله
وحابة أعرف بعض الأفكار ليوم الفرح

يعني أفكار حلوة للزفة

لأني مرة شفت عروسة عملت فكرة جنااااااااااااان

أول ماطلعت مع عريسها كانت من غير مسكة
بعدين أعطوا العريس صندوق كبير وفتحه طلعت بلونات كثيرة وأخذ من الصندوق المسكة
وقدمه لعروسته

بصراحة الفكرة عجبتني بس أبي أعرف أفكار جديدة وخطيرة وحلوة

تكفون يابنات ضروري

ومشكورين

عندي لكي افكار و ان شاء لله تعجبك الاولى
العرسان يشغلون الشموع يعني العرسان وهم طالعين من الدرج على كل درجه شمعه يولعونها وتكون على اغنية رومنسية

والفكرة الثانية بدل العصير والايس كريم فيه نافورة الشكولاته وتكون مثل قطع الفواكه مغروزة بعود وتغمص بالشكولاته وكل من العروسين يااكل الثاني....... وان شاء لله تكون الافكار تناسبك لااني بااسويها بزواجي ان شاء لله

إن شاء الله تكتب على هذا النحو

[CENTER]حلوه حركتكي
جربي انه تطلع بنت بزفه وموسيقى كامل بس تكون
بنت صغيره ولابسه فستان ابيض مثل العروس ولها ذيل طووووووووووووووووويل
يوصل لحد الكوشه ولما تنزل بعدها العروس تمشي عليه
وبدل ماترمون ورد جربوا الريش
والعروس تسوي من نفس خامة قماش فستانها
قطع بحجم25 في30
وتطبع اسمها واسم رجلها
او قماش ورقنز بيطلع حلووووووووووووو
وترميه على الناس
اتمنى تعجبك هالحركات[/CENTER]

الأميرة الحالمة

بنت النور

بصراحة أفكاركم راااااااائعة

أتمنى باقي العرايس يشاركونا بأفكارهم

تدرون الصيف قرب والأعراس فيه كثير

ومحتاجين أفكاركم

تقبلوا تحياتي

بالنسبه لي يعجبني العرس والزفه البسيطه وبدون تعقيدات

لاني مع تجربتي اكتشفت بأن كثيرة الابداعات والحركات تولد الحسد

والحسد يولد المشاكل والمشاكل تولد المصائب وهكذا

وجهة نظر شخصيه ،،، والله يوفقك اختي واعذريني إني دخلت عرض

السلام عليكم ...
أول شي مبروك لبنت خالتك والله يتمم لها على خير ..

أنا تزوجت من سنتين تقريبا ..

وفكرة الزفة كانت حلوة وخفيفة وفكرتها ناعمة بس جديدة ،،

إللي هي ::::

بدأت الزفة على أصوات عصافير وأصوات غريبة شوي كانك في حديقة عصافير تقريبا

تشبه الإيقاعات في أناشيد الأطفال

المهم انه تبدأ من عند الكوشة

كانت أختي الصغيرة وبنت عمتي اللي بعمرها ماسكين صندوق من الطرفين وداخله المسكة موجودة

ومشيوا فيه من الكوشة لعند الباب اللي حدخل منه على الصالة وهذا على أصوات العصافير والايقاعات الهادئة والاضاءة الخافته وعلى فكرة زوجي ما دخل الا بالبوفيه وبآخر الزواج لان العرس كان اسلامي ..

المهم وصلوا عندي وبعدين أمي وعمتي (أخت أبوي) فتحوا الباب من الطرفين لانهم واقفين معاي كانوا(خايفين علي أتفركش وأطيح ههههههههه)

وبنت عمتي فتحت الصندوق وأختي شالت المسكة وأعطتني إياها وبدأت زفتي أنا،،

ومشيت لين الكوشة وجلست وبس D: ،،

فكرة بسيطة وحلوة وإلى الآن الصندوق موجود عندي وداخلة المسكة بس مسكر عليها الصندوق وحاطتها كديكور وذكرى في المجلس ..

وأن شاء الله تعجبك الفكرة ..

أختك .. أم حمزة

عندي لك حركه حلوه مره سويتها في عرس اختي وكل المعازيم انبهرو منها

طبعا فصّلتلي أنا واختي اللي مقاربه في سني ملابس تشبه ملابس علاء الدين طبعا بتكون صدريه وبنطلون يكون واسع ومزموم من تحت وحجول ملبوسه في الرجل وعلى الراس تاج صغير معه طرحه تكون متصله بخاتم في اليد وقبل ماتدخل اختي العروس رحت انا واختي الثانيه بدلنا ولبسنا هذي الملابس وأخذنا صواني كبيره مزينه باكسسوارات وقماش شيفون وحطينا فيها مشموم وحلاوة اللي تشبه النقود الذهبيه زين ومشينا على الممر ولمن وصلنا الكوشه حطينا الصواني على جنب ورقصنا رقصه حلوه وناعمه من أغاني الدقه الاقديمه وبس بعدين دخلت العروس ووزعنا المشموم والحلويات

فكره ثانيه
وفكرت عرسي رهيبه وهي ان خواتي الأربعه سوو لهم مروحة يد كبيره كلها بالريش وفيها ورد ولمعه كثير طبعا كل وحده على لون الفستان اللي هي لابسته كانت دخلتهم على اغنيه من أغاني هالايام وكانت الأنوار مطفيه وكانت تشتغل بس الكوره اللي تدور وتطلع الألوان الملونه كانت رقصتهم تهبل طبعا شفتهم بشريك التصوير وكانو مدربين على رقصه معينه علشان يكونون بنفس الحركات بعدين أنا دخلت وكنت ماسكه مروحة يد بيييضه تجنن ويوم وصلت الكوشه جات بنت اختي الصغيره وقدمتلي باقة الورد
انشاء الله تعجبك أفكاري ومبرووك لكل عرووووووووووووووووووووووووووووووووووس
وانا أستنا معاك أفكار أخواتناالمشتركات علشان عرس اختي قريب

ومشكورررين

__________________

وعليكم السلام ورحمة الله وبركاته

أفكاركم حلوة كنت أدور عليها ياليت تزيدونا بارك الله فيكم

موضوع حلو صراحة

ياريت لا تبخلو علينا بالأفكار

عرسي بعد شهر ومحتارة بطريقة الدخلة

شكرا على المرور أخي الكريم
ماأظن التجديد يولد الحسد والحقد والمشاكل
وإن شاء الله مافيها حسد
الواحد هالأيام حتى لو زرع زرعة صغييييييييييرة
حسدوه وطقوه بعين(الله المستعان)
جات على هذه يعني

تقبلوا تحياتي