بسم الله الرحمن الرحيم
السلام عليكم ورحمة الله وبركاته
اخباركم جميعا ....

اشتقت ان افضفض مابداخلي من مشكله تضايقني ولا عرفت اتصرف كيف اثبت لزوجي ؟؟![/SIZE]

المهم
ماحد لي ارتاح له وافضفض له غيركم ....

المشكله من ام زوجي هداها الله وحفظها ....هي امراءه يمكن عمرها 50 او اكبر قليلا لاادري ولكن
هي طيوبه فيشهد الله اني احترمها واحبها ماادري كذا سبحان الله ...المهم لها افعال لاانسساها عندما امرض تأتيني بكوب عصير تعطيني فواكه وتسوي الشاي هي والبنات اخوات زوجي لاتقصر وبها الخير .....

المهم
ع مرور 3 سنوات ع زواجي بيننا مزح وأخذ وعطى وانزل عندهم الظهر واطلع لغرفتنا الساعه 10 ليلا وانا متقطعه فرحه وضحك ..هم كذا البسمه لاتفارقهم ولكن من تعب عمي خلالالالالالاص البيت بيت ناس اخرين ...المهم

عمتي (ام زوجي )هداها الله ..احدى المرات دخلت عندي وانا لحالي بمجلس النساء توني أتيه من عند اهلي لهم وانا بلاغلب تكون اياااام راحتي عند اهلي اكثر بسب قول زوجي ان اخواني مربوطين وانتي هاك وهو صادق فاانا لااكشف عليهم ولكن اقعد عندهم 3 اربع ايام بلاسبوع ثم اجلس باقي ايام الاسبوع القادم عندد اهلي هذا نظام كل صيفيه طبعا

المهم
اعاني قليلا من غيرة ام زوجي من اهلي من ناحيه كم يوم اقعد هنا وكم يوم اقعد هنا ؟؟!
يعني تقول وانا بلغرفه واخوات زوجي موجودات وكذلك زوجي ..الله ليش ماتقعدون اكثر ليه ؟؟!فااقول ياعمه الايام جايه وابجيكم مثل كل مره مابقطعكم ولا يعجبها كلامي هذا مااصفه من تلاميح وجهها وبعد اقول اخواتي واخواني الصغار مشتاقين لولدي ...فتقول حنا ماشبعنا من هلولد !فااسكت ...تقول لا روحي وسولفي واجعي قالتها وزوجي موجود انحرجت جدا جدا جد قلت لالا حرام يعني اهلي مايبون ولدي اكيد يبونه مثل ماتبونه وانا بعد اشتقت لااهلي ..فسكتت....وادري هذا من حبها لحفيدها الوحيد ولكن حتى اهلي يريدون ونا اريد اهلي ..

موقف اخر وهو من جرح شعوري
تعرفون الاطفال بينهم غيره ومضاربات خفيفه وانا لدي ولد عمره 2 واخ صغير عمره 3 فهم متقاربين فلاحظ المناوشات ع اتفه الاسباب بسب غيرة اطفال ولكن انا وخواتي بوبيت اهلي بالكامل كلهم كلحكم بينهم دائما ولكن رغم هذا اذا ذهبت من عند اهلي يبكي ولدي بقوه وكذلك اخي الصغير اذا ذهبنا فنه يبكي ايضا !فيعني اطفال ....
المهم
رحنا عند اهل زوجي بعد مارتحت عند هلي فوجدت من ام زوجي الا التحريش لزوجي فتقول لالا لعد توديهم قاعدين يتضاربون روح خلهم يسمرون ويرجعون هنا !!!!!صدمت وسكت وبدئت تلاحظ ع ولدي واي شيء فتقول بمفهوم كلامها انهم اخواني !!!!!
فقلت بخاطري طبعا اللي يسمعك ياعمه يقول مصارعين اخواني وبعدين اصلن اكبر اخواني بمتوسط وولدي متعلق به جدا جدا وال2 بابتدائي وهو ايضا ولااحد قد مد يده ع ولدي الا الصغير بينهم مناوشات طفوليه ...!!!وسكت ثم زتد الكلام من عمتي لزوجي وانا موجووده !!فقلت يعمه الله يهديك لعد تظلمين اخواني اللي يسمعك يقول غوانتناموا !!!اخواني يحبونه وانتي بعد لاحظتي كل الوقت ينادي ع اخواني ببيتك حرام عليك لاتظلمينهم !!!وكن اقولها وانا مبتسمه !!وزوجي كان جالس وصامت !!ولاادري وش كان شعوره هل لاامي ع ردي ام أيد ردي لاني رديت بااحترام ولو انا وحد اخرى لقالت بصوت عال ماااااااااااااالك دخل وسبت وفعلت !ولكن مارئيكم ردي مناسب ام لا ..؟والله لااعلم
فردت علي بعد قولي بلضد ثم سكتت ثم قالت بعد فتره تراني امزح والواضح العكس ماادري هل هي انحرجت من زوجي وخافت انه يزعل لانه يراها دائما تتهم اخواني وانا اسكت الا هلمره تكلمت ؟!
اتمنى اعرف شعوره ...

وموقف اخر وهو من جرحني من اعماق اعماق اعماااااق قلبي!!
واتوقع قاته لاني بتلك الليله كنت ابتعشى وابرجع عند اهلي لن اطول عندهم بسب اشغال زوجي ونحنوا اذا جلسنا بنشغله !فشكل عمتي شايله بخاطرها ليش مااجلس عندهم ...
والذي جرحني اسلوبها
وهي مره قالت لي عمتي وانا بحالي انا وهي وكنت فرحانه بقدومي اليهم تخيلوا اتهمت اهلي بصفه سيئه والله ثم والله الذي رفع السماء ان الصفه هذه ليست بهم والدليل افعالهم مع جماعتنا !!!ّفلماذا هلأتهام !!!
المهم
قالت ان اهلك بخلاء وان امك ايضا بخيله وتمسك الريال
وابوك بعد ووو..................الخ !!!!!!!
صدمت ومن صدمتي سكت وقلبي كن يبكي !!!
وهي ستمره بكلالالالالام لايعقل ابدا ولن يدخل مخ احد يعرف اهلي ...
اهلي يطلعون استرحات وجمعات القبيله واهل زوجي ايضا
ويسافرون كل صيفيه والله الشاهد سواء عند الاهل او كتمشيه !!
ولا يذهبون بيت احد الا ويدينهم شايله شيء
ولا يرتدون الا احلى الملابس يعني مثل الناس
وابوي يقط مع جماعتنا ويعطي ويكرم الضيف !!!!!فلماذا هلاتهااااااااااااام ومن الصدمه سكتت!!للاسف سكت !!!ماادري وش ربط لساني !!!!!

المهم وعندما يدخل زوجي للمجلس وهي كانت تتكلم ع بالكم انها تكمل لا تسكت ويخرج زوجي فتتكلم والسبب لاتريد ان زوجي يسمعها وهي تتكلم عني واعن اهلي !!!ماادري هل تقصد يعني اذا شكيت لزوجي ثم يسئل امه فتنكر لانه ماسمعها زوجي فيصدق !!هل هذا تفسير سكوتها عند دخول زوجي ولا خايفه من زعل زوجي عليها اذا سمع لااني لم اخطى يوما ما بحقها او حق اهله جميعا والله الشاهد !

المهم مر اليوم وانا حزينه ورجعت عند اهلي واخبرت امي واخواتي تفاجئوا وسكتوا وقالت امي لاتهمك وش تقول لان افعال ابوك هي تدل على ان كان بخيل او كريم وحسبي الله ونعم الوكيل ...!
فقط
رغم هذ الا ان امي توصيني عمتي وتقول صح يطلع منها كلام لك عنا وغيره ولكن مع ذلك تحملي واياك تغلطي معها فهي قلبها طيب وتذكري ان زوجك يستاهل ان تصبرين ع امه لان زوجك يحترمنا ويحترم ابوك رغم مايجده من ابوك من دق بلكلام ونحوه ......مشينا السالفه ولم اقل لزوجي .........

مرت الاياااااااااام وأتت الصيفيه والتي كانت بنظري احلى ايام عشتها بين الاهل سوى اهلي او اهله
المهم
وحان موعد سفرنا لأن السنه الجديده بدت وعمل زوجي بدء ولازم نسافر بر للشرقيه وكان باقي 1 ساعه وبنسافر وانا كنت حزينه ع الذهاب وشايله هم الخط والسفر المتعب
المهم
الا وعمتي (ام زوجي )وكان بجانبها وحده من اخوات زوجي اخواته اقدرهم واحترمهم لانهميحترموني ويحبوني رغم اننا كلنا بلعشرينات والله لسنا ذاك الكبر ....المهم
قلت عمتي نفس الكلام الساااااااااااااااابق واتهمت اهلي بلبخل وكلالالام جريح جدا جدا جدا لااهلي اكثر من الكلام الاول
الله لايحطكم بكذا موقف واخت زوجي انحرجت وكانت تناظر فيني وانا عطيت عمتي كلمه بد ماانتهت وقلت جزاك الله خير وماقصرتي !!
وقلت عن أذنكم .؟وطلعت من مجلس النساء اللي هم فيه ورحت لدورة المياه امسح دموعي اللي انهمرت والحمد لله بلحمام وليس امامها هي ! نزلت دموعي من قهري ع اهلي ! ليه هي تجرح بااهلي هل هي غيوره من جلستي عند اهلي اكثر طيب انا ازيد كم يوم ع الايام اللي اجلسها عندهم هل هي تغار من نطق ودي لااسم اخواني لان هذا يبين حب ولدي لاهلي طيب ولو نفرض انا اهلي بهم تلك الصفه
والله الشاهد انهم العكس !
المهم
اين الاحترام ؟؟
احترميني مثل مااحترمك واقدرك !!!
طيبتي معك بلمره الاولى وسكوتي لم يشف يضا المهم ..!
طلعت من دورةالمياه وباقي عمتي (ام زوجي )بمجلس النساء واخت زوجي ايضا !!!
ودخلت ولبست عباتي ع طول فقالت بتمشون الان !!قلت نعم
بنمشي وكنت بقمة عصبيتي ولو انها قالت شيء اخر لكان سكتتتها ع الاصول وبحترام !!
فصدمت اني الس عباتي بدون ان انطق ولا كلمه فلبستها وودعتها هي واخت زوجي وخرجت فقابلت زوجي وهو يحمل الشناط للسياره باقي يجههز نفسه واغراضه التي بغرفة اخوانه !المهم
فقلت لزوجي
ممكن تعطيني مفتاح السياره فقال زوجي زييييين ابشري وعطاني ورحت ودعت اخواته الثانيات ومشوا معي لعد الباب وهم يقولون مع السلامه فاشرت بيدي وعطيتهم ظهري ومشيييييييييييييييييت !!!
وعمتي وبنتها الموجوده عرفوا اني زعلت لاني اول مره
منذ بداية زواجنا لم اسبق زوجي للسياره ولم اودعهم مثل كل مره واصبحت كتومه لااعيرها اهتمام ابدا !!!!
وزوجي طول علي وانا بلسياره انا وولدي طبعا!!!الا وزوجي يدخل بوجهه يأأنه منحرج خجل ماادري كيف اوصف ؟
وقال اسف طولت عليكم قلت لاعادي حبي خذ راحتك !
قال ايوه غريبه ليه طلعتي بدري قلت هلولد ازعجني شافني ماسكه العباءه وبدء يحن ويلزم .....!!!فسكت
ومشينا ونا ضايقه اخلاقي وكنت استغفر من ضيقة قلبي وحرقته ...
المهم
مرت ايام وايام حول اسبوع
وقلت لزوجي السالفه وكان من يوم قلت ان في شيء ضايقني عند اهلك والله ياناس مارفع عينه فيني ابدا ابدا عيونه بلارض
ولكن الله يشهد اني لم افضفض لااحد وانا ماارتاح الا له افضفض له بلامور اللي انزنق فيها او اكون حزينه جدا فيها لانه يخفف ومنها ارتاح اني تكلمت فقلت السالفه
فناااااااااااااظر فيني نظره وقال ياهمس انا عارف للسالفه وكنت انتظرك تقولين لي عنها !!!صدمت قلت من قالك
؟
قال امي قلت متى ؟؟قال يوم طلعتي للسياره هي اتت ولاحظت انها جرحتك واتت لي وقالت شكل همس زعلت لاني قلت كذا وكذا !!وقال لاالومك انك زعلتي فهولاء اهلك ولا احد يرضى على اهله ...واعذري امي فهي دائما يطلع منها كلام ع نياتها ع بالها الناس بيسمعون ويمشون بدون زعل !!قلت كلامها هذا 2 مره قال حتى ولو خلاص مشي السالفه على شاني ...وقلت اصلن وش بينفع زعلي ولكن يكون بعلمك ترى ماقلت لك لاجل تروح وتهزى امك !قال لا وين قلت المهم لاتفتح السالفه وعفى الله عما سلف والله يهديها ويهديني لما يحبه ويرضاه
قال لا وين مابفتح السالفه .
وانتهت السالفه اللي قهرني ليش ماتجيء وتعتذر مني هي لم تعتذر الا من زوجي الا لاجل اذا قلته له يغفر لها هي ولا يزعل عليها !!!,اما انا بلطقاق ياهمس !!ولكن لااخفيكم اصبحت ثقيله مع عمتي معد صرت مثل السابق اخذ وعطى لايجيء ببالكم اني متكبره عليها لالالالا!
لم اخذ واعطي بلسوالف بل هي تتكلم وانا ارد ولا اذكر سالفه قصيره والسلام قعدت اسبوع ببيت اهلي وكان زوجي ماأخذ اجازه بذاك الوقت ولم اجلس عندهم ولم اتصل بعمتي وهذه اول مره فأتيت لهم وعمتي بتشيلني من الارض من كثر الترحيب والفرحه بقدومنا .....


ولكن اوضح اسباب كتباتي لكم هو فضفضه وايضا سوال مضايقني عن زوجي

زوجي من بعد تلك المشكله اصبحت الاحظ عليه انه بدء يسئل عن علاقتي باامه فقلت الحمد لله سمن ع عسل وكما السابق لم نتغير وهذه حقيقه ...

ثم عد فتره اصبحت يوضح لي طيبة امه ويقول بعد كل اتصال امي تقول الله يعينك عالجامعه ومره تقول الله يعين همس
ومره ومره ....اصبح يوضح لي جوانب لاتخليني اكره امه او اوتر علاقتي معها!

طيب
وانا قد وضحت لها اني ماني شايله بقلبي عليه الله يسمحها وبس وان خلاص وش ينفع اللوم والقطيعه ومن هلكلام يعني طمنته !
بلعربي ...
كيف اطمئن زوجي واخليه يرتاح ان مابقلبي شيء ع امه رغم اني اضحك واكلمها واخذ واعطي هل تنصحوني اكلمه واقوله واقنعه مافي شيء بيننا
رغم ان عمتي هداها الله باقي شؤي تدق بلكلام لكن اصبحت مااعطيها اهتمام فهدئت قليلا

زوجي بين فتره وفتره يسئل كيف علاقتك باامي
ومره قال كلمي امي فقلت ابشر وكلمت طبعا بعد مقاطعت اسبوع بعد هالسالفه ...وكنت ناويه اكلمها الجمعه مثل كل اسبوع.
وهذا الموضوع مضايقني وبقوه من ناحية زوجي والله احسه قلق وبلاخص بعد مانمشي للسفر من عند اهله فيسئلني ولله اتحطم واقول بخاطري اللي يسمعك يقول اني شيطان !!

زوجي حساس وطيوب ولا يريد بيننا شيء وباذن الله لن اجعل بيننا شيء ولكن كيف اطمئن قلب زوجي لانه مو متطمئن وخائف اظن ان يصير بيننا شيء .!
وسوال للاخوت لو انتم مكاني وش بتقولون لاني حاسه ان عمتي بترجع وبتقول وتتهم !!,اظن ماادري وش بيصير لان الكيل عندي بيطفح !؟

عزيزتي همس

وسعي صدرك ولاتتضايقين من أم زوجك معروف عن أم الزوج لازم تتكلم وأن شاء الله زوجت ولدها عسل

أنتي غلطتي يم تردين عليها وقدام زوجك علشان ولدك وخواله كان مارديتي عليها أو قلبتيها مزح وقلتي

عادي خواله والخال والد واذا تضاربو المصارين بالبطن تتضارب وصرفتي الموضوع بطريقه فيها ضحك

بنسبه لكلامها عن أهلك لاتبين لها أنك تتضايقين وطنشيها لانها بتاخذها نقطة ضعف فيك وكل مره بتتكلم

فيهم علشان تقهرك

هاذا أسلوب أم الزوج ماتبي زوجت ولدها تطلع لأهلها واش السبب مدري واذا راحت تزعل وتسوي من الحبه

قبه

وحمدي ربك ياهمس أنك بمدينه وهم بمدينه ولا كان شفتي العجب العجاب

تجين ضيفه وتروحين ضيفه ومن بعد هاذي السالفه خليك رسميه كثر المونه مع أم زوجك بتعبك

وزوجك كيف تثبتين له روحي السوق وخذي هديه لاأمه تكون الهديه من الأشيا الي تحبها

والسؤال كيف اتصرف 1111 الصراحه مارد على أم زوجي تتكلم وتسكت ,ومعاملتي معها رسميه أشوي0

هههه واحمدي ربك على عمتك يالبا قلبها 000لو عايشه مع أم زوجي كان جاتك جميع الامراض من اسلوبها


وعلى فكره لاتنتضرين منها أعتذار لانها تشوف أنها ماتغلط 00

الله يهدي بالك ويسرلك كل امر موفقه اختي00

__________________
سبحان الله وبحمده ---- سبحان الله العظيم

هموسه مدري ليه احس ان انا وانتي نتشابه كثيرا
في كثير من امور الحياه
على العموم انتي انسانه تعاملتي مع ام زوجك بطيبك واصلك
وردودك عليها ومعاملتك لها تدل على انك انسانه محترمه وتتعاملين معها باحترام
زوجك طيب ماشاء الله عليه وكمان بار بوالديه وهذا ان شاء الله دليل على استقامته
واللي خيره لوالديه واخوته
خبره ايضا لزوجته واطفاله
خلينا في المهم
عمتك صحيح غلطت على اهلك والمسامح كريم
وان اعادت الكره قولي بنبرة حزن والم
((( الله يسامحك ياعمه ع هالكلام )))
او سوي نفسك ماسمعتي واذا تبن تقطعين ابو السالفه ارسلي رساله الى عمتك واكتبي اذا تحبيني وتغليني وتشوفيني زي وحده من بناتك اهلي لاتجيبين سيرتهم الا بالطيب....
ولا تتكدرين ولا يصير خاطرك الا طيب
وانتي ياهموسه لاتقولي لاهلك مايدور بينك وبين ام زوجك
حتى لايكون هناك ضغينه في القلوب وتستمر المحبه بين الاهالي
وسعي صدرك يابنت الحلال عمر بني ادم مايكتمل
ان شفنا الشين نروح ونغطيه بالزين
لاني ياما سمعت عن امهات ازواج ياويلي
بس انتي لاتضايقين ولاتحزنين انبسطي وفرفشي
مادام ان اهلك ناس يشهد لهم بالكرم وطيب الاصل والاخلاق العاليه
وشدي حيلك بالجامعه ياحلوه((((مادريعندي احساس انا بنفس الجامعه)الله اعلم
والله الموفق

__________________
اللهم صلي على نبينا محمد وعلى اله وصحبه اجمعين

دنيا الوفا ...

عن الهديه فوالله اني اهديت لها بعد المشكله هذه بااسبوع
وكانت المشكله الاولى لي وهي تتهم اهلي بلبخل وسكككككككككككت ولم اتكلم بكلمه واحده احتراما لها ومن حبي لها ماودي يصير بيننا شيء ...
وعادتها فيما بعد فقلت جزاك الله خير ..وطلعت واعتذرت هي من زوجي ..وانتهينا ...

ولكن الهم من زوجي الان وشكلي ابقول له ابي اشتري هديه لعمتي بمناسبة العيد ..؟
وانا اعطيها لان المرت السبقه كان وجي يعطيها ويقول هذه مني انا وهمس ..!
لكن انا ابنفرد فيها هههههههههه.لعل وعسى تحن علي شوي صح طيوبه وتسئل ولكن غيرتها شو ابيها تفكني منها وبس .

جزاك الله خير

نسيم الوسم
يسلملي مرورك العطر

اما عن ردي عليها فكان كما قلتي اسلوب محترم وحزن نوعا ما ...بقولي (جزاك الله خير ياعمه وماقصرتي وطلعت )
وسافرنا ...

واما الصبر فانا حاطه ببالي من زممممممممممممممممممممماااااااااااااااااان !!!!
والله من قبل مااتزوج ان اكون زوجه ولد صبوره وتتحمل مايجيها من ام زوجها
ابصبر والله يكتب اجري ...
وحتى ان لقيت اكثر ...والله ابصبر واتحمل ...

يمكن تتعجبون من ردي لكن والله من قبل الزواج حاطه ببالي يمكن تربية امي لي بقولها الدنيا دووووواره ....

يعني انا بنعيش وبتدور لدنيا وبتأتيني زوجة ولد ....واللي ابسويه مع ام زوجي بتسويه زوجة ولدي فيني ..........
لاتضحكون عاد والله صدق
هذا اللي جعلني اتحمل اي شيء سوى منها او من اي بشر لان الله لايضيع حق والدنيا بتدور وبنشوف .

واخذت العبره من اغلب القصص التي من حولي وهو
زوجة الولد كما تفعله مع والدة زوجها او اهل زوجها
ياأتي ولدها ويتزوج
واشوف بأم عيني والله كيف العقوق اللي قد سوته هلأم من قبل في اهل زوجها من فعااااااايل زوجة ولدها !
اقسم بالله اني عشت واقع وكنت ارى مثل هلقصه من اقارب لي بلديره ....
وامي تحكي لي عن فعايل هلاأم باهل زوجها زممممممااااااااااااان ....

ولذلك اردد الدنيا بتدور .فالزم هنا انا حدودي وارضي ربي اولا واخرا ...
انا لم اكتب الموضوع الا لاجل زوجي وبس كيف احسسه برضائي عن امه لانه شكله من تعامله معي وتبيينه عن طيبة امه اكثر من مره هو دليل على خوفه من التوتر بيننا !!!!
هذا اللي قطع قلبي .

عادي ياقلبي مشي الوضع كذا خليك رسميه من زود الميانه قالت بتسب اهلك وانتي بتسكتين عشان كذا تكلمت لكن زين زوريهم اضحكي معاهم جيبي لهم هدايا بس لاتكثري من المزح والضحك ترا تقلل القيمه عند اهل الزوج ونرجع نقول ليه مايحترمونا انتي حبيها وحني عليها اوقفي معاها وقفة شهامه باي مناسبه بس لاتزيدي في الميانه والله انا مثللك ونفس المشكله ونفس الكلام بس قررت ماافتح مجال ابد هلمثل هالسوالف واذا صارت وعادت نفس الموال قولي ليه مين يقول عن اهلي كذا انتي والا مين بالضبط اذا قالت هيه تقول قولي ليه وش قصرو عليك فيه و اذا قالت الناس قولي قولي مين من الناس نقلك كذا عشان يتحاسب وبس رح تعرف ان الكلام ماينقال كذا بالساهل ممكن تتحاسب عليه وانا بسوي كذا اذا رجعت ام زوجي تردد لي نفس الموال

والله يااختي
اقسم بالله عندي احساس مثل ماقالتها اول مره وسكت
ومره 2 ورديت عليها بااحترام

انها بتعيدها مره 3 ..ومادري حينها وش ابقول لأن الصبر خلاص انتهى عندي ماادري وش اقول ولا وش برد بذك الوقت لكن طبعا ابرد بااحترام وبرد قوي لاجل ماتعيده مره 2 ....رغم انها طيوبه لكن تجرحني والله بكلامها عن اهلي .
ويسعدك ربي ع مرورك

نصيحتي ياهمس علشان تكسبين كل الأطراف وراحتك

خليكِ بالنص يعني لاتمونين بزيادة ولا تصيرين رسمية مره مع أهل زوجك وحتى مع أي أحد تربطك علاقة حلوه معهم

الآن في هذا الزمن كل شي يتغير حتى الأهل ماأحد صاير يتحمل الثاني وأقل غلط تصير خساير

وحاولي مايكون شغل زوجك الشاغل خوفه من علاقتك بأمه قولي له بصراحة لا تكثر اسأله عنّا لأننا مافيه شي بيننا

الحمد لله واحترامي لها من احترامي لك وتقديرها مثل تقدير أمي لا تتحسس وتفكر كثير وقفلي ع الموضوع .

صعبة المنال

انا الان هذا هو الحاصل وحده عاديه لم اتغير ابطباعي وطيبتي مثل ماهي ولكن الميانه الزاااايده ماتصلح والله

والحمدلله ع قولك ان فتح الموضوع ابطمنه مثل ماقلتي لانه بين فتره وفتره يايسئل او يبين ويتكلم عن امه الله يحفظها

جزاك الله خير ع مرورك

اجلسي مع عمتك وتفاهموا ووضحي لها إنهم أهلك وإنه من حقك تزورينهم مثل ما لولدها حق إنه يزور أهله

وفهميها إنها أمك الثانية وتحبين انه تكون علاقتك معاها تمام

وسوي هالأشياء كلها وعلمي زوجك عشان يرتاح

واتصلي كل يوم يومين قدام زوجك وسولفي وعلقي واضحكي

بس انتبهي لا عاد تسكتي لها إذا غلطت بحقك

ما أقول قلي أدبك لا بس ردي عليها باحترام


والله يوفقكم