جزاك الله خيرا علي مجهودك وجعله الله في ميزان حسناتك
انا كان عندي كيس وظيفي وكنت بتابعه وبعدها بشهر رحت في اليوم ال14 من البريود حجمه كان 2.8 فالدكتورة قالتلي انا مش عارفه ده الكيس ولا ديه بويضة وقالتلي اعمل تحليل بروجسترون في اليوم ال21 وعملته طلع 18.5 قالتلي يبقي ديه كانت بويضة مش كيس
ولما رحت اتابع لقيت واحد تاني في نفس المكان كان حجمه 3.6*2.6 واخدت حبوب منع الجمل سيلست شهر وبعدين اخدت شهرين منظم الدورة سيكلوبروجينوفا واصبح حجمه 2.6*2 بس مراحش والدكتورة قالتلي اكمل سيكلوبروجينوفا شهرين كمان
في دكتورة قالتلي لازم يتشال بالمنظار عشان مش هيروح ودكتورة قالتلي ده حجمه صغير مش مستاهل يتعمله حاجه وقالتلي استمر علي المنظم شهرين كمان
انا مش عارفه دلوقتي هل الكيس ده واحد جديد ولا ده الكيس القديم؟؟؟
ومش عارفه اعمله شفط بدل المنظار ولا اسيبه يروح لوحده؟؟؟
انا عندي 32 سنه والfsh عندي 10.3 هل ده يعتبر عالي؟؟؟
شكرا ليك يا دكتور

انا مااعرفش هو نفس الكيس والا لأ مش انا اللي شوفت السونار
لكن عموما الكيس مش صغير ولا حاجة
انا شايف تكملي على حبوب منع الحمل لما تخلصي 3 شهور ولو مااتحسنش يبقى نشيله
مافيش حاجة اسمها شفط ولا منظار جراح النساء بيدخل بالمنظار في كل الأحوال وياخد قراره جوه اما بإزالة الكيس -غالبا- او ياخد عينة منه
اي حد يقولك يدخل ابرة يشفط ترفضي
نتيجة ال fsh ملهاش معنى لو ماعرفتش انتي عملتيها في أي يوم من الدورة

__________________

شكرا يا دكتور لردك
انا عملت التحليل في اليوم التاني من البريود

معلش سؤال كمان هوه ميعتبرش السيكلوبروجينوفا بديل عن حبوب منع الحمل ولا لازم اخد حبوب منع الحمل لانها لو هيه هيه يبقي انا كده كملت 3 شهور

ديه كمان باقي التحاليل اللي عملتها في اليوم التاني
lh 8.61
prolactin 11.3
E2 89.21
وعملت البروجسترون في اليوم ال21 3 مرات
مرة طلع 13.6
ومرة 22.15
ومرة 18.55

سؤال كمان معلش هوه في الشفط بيشفط محتويات الكيس بس ولا الكيس كله؟

لا ال fsh عالي في وقت بدري جدا زي ده
انتي عاوزة تمنعي الحمل ولا تقللي التكسيات؟
بقية التحاليل كويسة وده يخليني احتاج اعيد ال fsh مرة تانية في اليوم ال3

مافيش حاجة اسمها شفط بس ده كده لما بكون باخد عينة مثلا
لو قررت ادخل جراحة هاشيل الكيس كله

__________________

هوه انا عندي تكيسات؟؟؟
لا مش عايزة امنع الحمل انا باخد السيكلوبروجينوفا عشان الكيس يروح
انا متجوزه من سنه ونص ولسه ربنا مرزقنيش باطفال بس جوزي بيسافر 3 شهور ويجي شهر ونص

حضرتك قولتي طبيبتك قالت ان عندك تكيس وعاوزة تنزله بالعلاج
خلاص يبقى خليكي على السايكلوبريجينوفا

احنا مش بندور على مشكلة في الحمل عادة الا لما يكون في تواصل زوجي مستمر لمدة سنة كاملة بدون حمل

__________________

لا يا دكتور انا قلت عندي كيس وظيفي عشان كده باخد السيكلوبروجينوفا انا اخدته شهرين وحبوب سيلست شهر هل كده يعتبر اني خلصت ال3 شهور لعلاج الكيس واشيله بالمنظار ولا لازم العلاج يكون بحبوب منع الحمل؟
معلش يا دكتور اسئلتي كتير