السلام عليكم
1..انا انسانه اغار على زوجي حتى من اهله مدري وش اسوي هل هذا حب وخاصة من امه لانه تدلع قدامي كثير وتنصحني دايم اني اهتم فيه واذاا شافته طفشان تسالني بينكم شي كاني انا اربع وعشرين ساعه اتهاوش معه وانا والله العظيم اتمنى اني قويه بس اذا صارت مشكله اسير ساكت وعيني تدمع لدرجة هو يرفع ضغطه لاني مااتناقش معه عشان كذا انقهر دايم تحط اللوم علي المهم اغارررر عليها لان المره الاخير بينة غيرتي لدرجه صرت ساكته طول اليوم احس يتهم في امه اكثر منى من حقه بس الي زود غيرتي انها اخر مره قال لي يوم حس بغيرتي قال انتي ماتسوين شعره من شعر امي كرهتها زياده مااني قادره اتمنى انفصل انا وياها والسبب عمتى
2..الشي الثاني نفسيتي احس اشوي بنفجر من المشاكل ولدرجة النفسيه الي فيني كان زوجي اول مره يسكتني لاني اسولف كثير والحين صار يقول لي ليه ماتسولفينا احس احب الوحده واحب افكر وبس العبره خانقتني احس زوجي مايفهمني ودي يحس فيني محتاجته الحين صار عندي ارق وبس اذا وحدي ابكي كرهت الناس والجمعات وبديت اكره زوجي
3.. ابي رايكم هل اصارحه باهذي الموضوع وللا بس اخاف انها زي كل مره يقول انتي دايم تتعبين نفسيت ماعاد اقدر اشكي لها تخيلو حتى لو فيني شي ماقول عشان مايقول انتي بس تتشاكين انا جيتها من بيت اهلي ومنت فرفوشه احب استهبل وكلي نشاط وحيوايه اما الحين بعد الزواج تدهورت النفسيه معليش طولت عليكم ومدري وش قاده اكتب بس ابي منكم حلول لان نفسيتي مررررررره تعبانه

هذه امه تعرفين وش معنى امه مو ضرتك

انا ادري انه كان عاصي لها اول شبابه بس موا الحين يبرها على تطنيشي ومخليني زي الجدار عندهم

حبيبتي اعتبريي امه امك كيف بتتعاملي مع امك تعاملي معاها وكيف بتحبي زوجك يتعامل مع امك تعاملي بنفس هالطريقة اكسبيها لصفك لحتى ما تشعري بالغيرة بنفس الوقت ضلي قريبة منه اتدللي عليه ديري بالك عليه لا تشعريه بأنك بتغاري من امه اكيد امك كل شي بالنسبة الك واكيد امه كل شي بالنسبة اله حتى لو كان عاصي في بداية حياته يمكن انتي صحيتيه خليتيه يعرف الصح من الغلط يعني الك فضل عليه ولا تنسي رضى الله ورضى الوالدين والرسول صلى الله عليه وسلم حين سؤل قال امك ثم امك ثم امك ثم ابوك فكري اختي بمنطق وخففي غيرتك حتى لا ينخرب بيتك

لما يجيك عيال
وتربينهم وتسهرين عليهم
ويكبرون
ويتزوجون
لازم وقتها يكونون معاك احسن من اول
ولا تبينهم ما يسألون عنك ومهملينك ...انتي ايش رأيك
تخيلي وحدة تكرة امك مثل ما انني تكرهين ام زوجك
وأكيد بيقول لك انتي ماتساوين شعرة عند أمة لأنك حريتية وزعلتية بغيرتك وعصبيتك
هوني على نفسك. موضوعك أحسة متشنج من كثر الحرة والغيرة الي تحسينها
في الاخر انتي بتتعبين
هذي امممممممة جنتة ونارة
واذا مافية خير على آهلة ما بيكون ما فية خير عليج
هذا رأيي واتمنى تقبلينة بصدر رحب
والله يوفقكم ويبعد عنكم الزعل يارب و يهون عليك ضيقتك يارب

__________________

تدري .. مفتاح قلب زوجك قدامك و بيدك و انتي مطنشته

حبيبتي استخدمي ذكاءك .. و دام امه عنده بالدنيا

فا استغلي هذا الشي .. اعتبريها بنتك مو امك ..

اهتمي فيها و دلليها و خليها فووق راسك و اهديها
ووصي ولدها عليها .. اذا طلعتوا مشوار .. وقبل ما يقول لك يالله ناخذ امي

انتي بادريه و قولي له يالله ناخذ عمتي حرااام طفشانة ..
اذا طلعتو تتعشوا.. بادريه وقولي له اشتهيت عمتي تكون معانا
خلينا ناخذ لها ..
اذا اشتريتي شي لنفسك اذكريها
اهتممممي فيها .. منها بتكسبي اجر .. و ربي بيبارك في اولادك لما تحملي ان شاء الله و تجيبي
و منها زوجك بيمووووووت فيك ..

لكن لما تحطي دوبك من دوبها و تغاري منها.. ماحد بيخسر االا انتي
لانه ياحبيبتي . الزوجة مكانها عشر . لكن الام مافي حد يحل محلها

ماحد ياقلبي تغار من ام زوجها حتى لو زوجك يشيلها فوق راسه شييل
المفروض ماتغاري .. هذه اممه .. هذه اللي تعبت عليه استحملته طول عمره
بالعكس مفروض تفرحي انه زوجك مطيع و بار بامه لانه اللي مافيه خير لاهله
ماراح يكون فيه خير لك ...
والابن مهما سوى لامه يبقى بحقها قليييل ... هذه ام ياحبيتي و ماراح تحسي
بهذا الكلام الا لما ذوقي الم الحمل و الوحم و تعب الولادة و تعب الرضاعة
وسهر الليالي وقلق وخوف الام على اولادها و تعبها عشانهم


استهدي بالله و اكسبي امه لصفك بطيب المعاملة و الكلمة الحسنة
وصدقيني اذا صارت هي بصفك .. هي لحالها بتكون تدافع عنك قدامه
و توقف معاك لانها بتشوفك زي بنتها ..
و ياستي بكرة ان شاء الله بتجيبي نونو و اثنين و بيشغلوا جدتهم ليل نهار
و انفردي ساعتها بابو الشباب

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

لافض فوك

__________________
المرأه العاقله تضع السكر في كل ماتقوله للرجل وتنزع الملح من كل مايقوله الرجل

انت محضوضة بزوجك ! لان الي مافيه خير لامه مافيه خير لزوجته . احبي امه وبيني ذلك لزوجك امامة ومن وراه تشوفي كيف يزداد حب زوجك لك !

انا حاسة ان اللي يتكلم واحد مو وحدة وهو شكله اللي يغار من ام زوجته !!!

ههههه مجرد احساس مادري ,,,

المهم واحد والا وحدة هذه ام مهما كان ماينغار منها ...

انا ماكتبت الى من الضيقه الي فيني تخيلوا لدرجة اذا طلعنا وكلمته مايقولها طلعنا ابدا حتى اذا رحت عند اهلي يقول لاتقولين لامي وش معناته هذا الكلام ومستحيل تصير بيني وبينها شي حتى لو انه خاصه حرام يقوله بس نروح كله عند امه وتجي نصايح لي وهو الغلطان حتى تقول اذا عصب عليك او خصمك قول بس حاضر والله لو اني عبدها ان ماطفشت الى من معاملتها هي حتى يوم قصية شعري قالت لزوجي ليه تخليه والله زعلت منك وقال قدامي خلاص اخر مره حتى في ملابسي تتدخل يوم انا عروس اذا لبسة شي تقول ماعندك احسن منه روحي غيري وهو كلمت مع امه لو تقول طلقه طلقني انا اصلن عفت الحياه معه يحبه بس بحدود مايخذ الكلام كله منها فهمتوني وش قصدي