السلام عليكم اخواني اخواتي

نظرا لم في هذا المنتدى من عقول وقلوب متفهمه ومتدبره ومساعده فلم اجد افضل من منتداكم لطرح مشكلتي.

بإختصار
انا شخص متزوج ولدي اطفال عمري 36 سنه وحياتي مع زوجتي حياه فيه الجميل والقبيح الخلو والمر ويغلب عليه الاستقرار الى قبل فتره ولكن في السنين الاخيره زادت حدة العواصف وبشده بدا الوضع في شحن بديت اكرهها وكانت تصرفاتها تكره الواحد عيشته .
فحقيقه ميلت شويه وبرامج التواصل الاجتماعي سهلت الموضوع وطرحت الموضوع هذا هنا من زمان .كان تعارف عن طريق البرامج وماتعدى مكالمات معدوده وانتهت في وقتها وتبت .
بس اللي مانتهى تفكيري المستمر في الانسانه هذي وسؤالها عني من فتره لاخري بارقام مختلفه مع العلم اني قطعتها وانتهينا يخليني افكر فيها واشتاقلها وبقاوم نفسي ةاحتقر نفسي لمن افكر فيها واهزيء نفسي عشان لا انساق ورى هواي

الجديد والكارثه
جاني اتصال من رقم رديت وطلعت هي الانسانه هذي وهي متزوجه بس الظاهر زوجها قاطعها او معلقها ومو سائل فيها
وساكنه قريب مننا وتعرف بيتي وكل شي عني وتعرف زوجتي لانها قالتلي اعرف فلانه زوجة صديقي وزوجة صديقي تعرف زوجتي
المكالمه
هي : فلان
انا: ايوه مين
هي: فلانه ولا نسيتني
انا:لاحووول مانتهينا يابنت الناس
هي :لا مانتهينا وحشتني حمدلله ع السلامه (عشان انا كنت مسافر)
انا: افهميي انا ما اشلك اي اعجاب بقلبي
هي :كذاااااب تحبني ومو بكيفك غصب
انا :عجيب وكيف غصب
هي الله يباركلي في ام هارون
انا :مين ام هارون ؟؟؟؟
هي :هههههههههه بالله ماتحس انك تشتقلي ترى مهما بعدت بترجعلي
انا : من ام هارون
هي مو شغلك انسى خلاص المهم وحشتني
(حقيقه اظطريت اكمل معاها عشان اخذ منها معلومات عن قصة ام هارون واخذت.
ام هارون تسوي احجبة محبه وهي سوتلي حجاب محبه طبعا كنت مصر اعرف متى بالظبط
قالتلي قبل سنه
اتذكرت موقف غامض قبل سنه حصلي واتفسر الان
دخلت البيت وكنت مو قادر اتنفس مكتوم بجد وطلعت غرفتي لحقتني زوجتي تقلي ايش فيك شكلك مو مظبوط
قلتلها مكتوووووم كنه جبل على صدري وفجأه ارتعشت وصرت ابكي بدون سبب وكني دخلت فحلم ةانا بين نايم وصاحي وجات قدامي وحده منقبه ومواصفات جسديه ركزت عليها وتطالع فيا باعجاب ونمت بعدها .

طبعا ربطت الموضوعين ببعض فجازفت وضحكت عليها وقلت ابغى اشوفك عشان اقارن الخلم بيها
والمصيبه طلعت نفس اللي شفتها في الحلم بمواصفات معينه تثبتلي انها هيا

انا الان في حاله نفسيه سيئه ومدري كيف اتصرف
بصلي واقرى قران عادي واموري طبيعيه جدا ماعدا تفكيري فيها ونفسي تلح علي اني اتواصل معاها اكثر وانا بقاوم بشده

ايش الخل من غير لا اروح لشيخ يقرى علي ولا اخبر احد
ساعدوني

الله يكون في عونك ويفرج همك للاسف كثير شباب يتساهلون بالمكالمات والتعرف على الفتيات ومايدري ايش وراها من مصائب قبل فترة كان زوجي يحكي لي عن صديقه اللواء في البحث الجنائي يقول في قضية مشهورة حدثت وتقرييا الاغلب يعرفها احدى النساء قتلها صاحبها وغدر بها يقول اللواء من خلال رقم جوالها سحبنا 45 شاب كانوا على علاقه بها مكالمات فقط وادخلوا سجن وتحقيق ويحكي لهم عن قضيه اخرى ان احدى الفتيات اهلها بلغوا عنها مختفيه ومن خلال المكالمات قبضت الشرطة على اخر شاب كان يكلمها وادخل السجن 6 شهور وبعد هذة المده قبضوا عليها الشرطة في شقة مع شباب اخرين


اخي انصحك بمنتديات الشيخ عبدالله الخليفة هو راقي متمكن ومصرح من الدولة كل مريض روحي لديه ملف خاص ولا يشاهده احد سوى المعالج وبدون اي مقابل وعنده كثير من الحالات التي تم شفائها بعد فضل الله

__________________
اللهم اجعلني مما قلت فيهم يحبهم ويحبونه

اخوي سجل مكالمتها واهم شي اعترافها بالحجاب اللي سوت لك .. بعد ذلك هددها بأنك تعلم زوجها باللي تسويه او تبطل السحر وتجيبه لك تبطلع عند احد المشايخ .. اذا ما جابت نتيجه مالك الا تقدم فيها بلاغ .. واتوقع هذه الامور راح اتم بسريه تامه يعني محد بيدري .. وفي مركز الشرطه راح ينحل الموضوع بشكل ودي بينكم باذن الله .. جرب الخطوه الاولى وان ما نفعت حول على النقطه الثانيه بس قبل تنتقل للخطوه الثانيه علمها انك بتفتح فيها بلاغ عسى الله يسخر لك الخير بدون مشاكل وفضايح ..

روح لاقرب فرع للهيئة الامر بسريه وان شاء الله ينحل

حاول تفهم وش تبغى منك بضبط
وبعدين روح لشيخ يقرا عليك ويفك السحر بأذن الله

اقرأ سورة البقره يوميا وحافظ ع اذكار الصباح والمساء خاصه لااله الا الله وحده لاشريك له له الملك وله الحمد وهو على كل شيءقدير مية مره تكون حرز لك من الشيطان

ليه ماسوت حجاب المحبه في زوجها وحطته خاتم بيدها وانتهى الموضوع لو كان فعلا بيجيب نتيجه
لكن حاقده وحطتك ببالها مو هي اللي ينسحب عليها واوهمتك انها سوت حجاب
لذلك بحثت عنك مابترتاح الين تطيحك بمصيبه انت في غنى عنها
لو تقنع نفسك داخليا انها كارثه وداهيه وممكن تبتزك بيوم
وانه في يوم يخرب بيتك بسببها
حتستقيم وتنساها
تحصن ولاتختلي بنفسك دايم خليك بين اولادك وزوجتك عند اهلك اصحابك حتى ماتفتكرهها
لاتروح على سريرك الين يغلبك النعاس حتى ماتفكر كثير
وكل ماجات في بالك تخيل صوره شبح يهجم
الين يصدق العقل الباطني انها شبح وتكرهها
تخيل انها بتجيب لك مصايب وبتشوه سمعتك
الخيال مفيد أوقات للصحه النفسيه
حط في بالك انك حبيتها ومو قادر تنساها من قبل قصه حجاب العشق حتى لاتتوهم وتمرض
الوهم لحاله مرض

__________________

لا اله الا الله صار السحر زي شرب الماء و لأي امر
و ليتها ساحرة زوجها ، تاركته و ساحره غيره

ثبت المكالمات عليها ثم روح للهيئة .. المهم ما تقدم بلاغ الا و معاك دليل

روح عند شيخ يقراء عليك ، وإقراء بنفسك الرقيه الشرعيه ، وسجل مكالمتها عن ( ام مرض ) ، كانك تريد تستفسر اكثر ، و الله وكيلك عند اقرب مركز شرطه ، وخل ام الطبوب تنفع الفاسقه .

وهل فعلا انت تحبها؟