احم احم

السلام عليكم

من زمان ماسولفت عليكم وحصلت نفسي فاضي قلت خلني ابلشكم بسواليفي

المهم

رحت شوفه شرعيه وصراحه كانت احلى شوفه شرعيه رحت لها

اول مارحت ضيعت بيتهم ويوم وصلت الا ابوهم معصب وجلس يهاوشني
الزبده دخلت الا ابوهم عيونه حمرررررا الضاهر ماكله شيء وحركاته غريبه

المهم جلسنا وقام يسولف عن نفسه حسيته هو اللي بيعرس مو انا

وبعدها دق على ولده عشان يصب القهوه وجا الولد وصراحه الولد هذا ازحف انسان مر علي بحياتي
جلس يصب وشوي الا ابوه ملتفت عليه وتهزيء والولد مطنش وجالس على البي بي والابو كل شوي يهزء فيه وانا ماسك الضحكه

المهم سولفنا شوي ويلتفت على ولده وتهزيء ههههههههههه والولد طنش عش تنتعش

وقام يسألني وزي كذا يوم التفت على ولده ثانيه وتهزيء هع هع هع قام الولد يرادد في ابوه وانا جالس قلت الله يستر لا يتماحطون الحين وش بيفكهم عاد انا مشخص مافيه امل اتدخل
لو تلاقطوا طلعت الجوال وقعدت اصور هههههههههههه

المهم يوم دريت راح جوا وجا معه البنت ولا اسئله ولاشي ماهوب زي ذوليك اللي ماخلوا سكني اعرفه ماسألوه

وشفت البنت ومادخلت حتى واقفه عند الباب وسألتها سوألين كذا على السريع وانا مستحي لاني ماتوقعت اني بشوفها الحين
طبعا ردت علي من دون نفس كني واحد تكرهه وحسيتها ماهي فاضيه لي
وبعد السوألين سكت من الاحراج وكانت تطالع فيني وبعدين ناضرت ابوها بنظره غريبه كذا ماادري وش معناها وبعدين ديورت ومشت
النضره طبعا ضيقت صدري من امس وانا افكر فيها وجاني ابليس ووسوس بي وحسيت انها تقول في نفسها وهي تطالع ابوها

بلاهي ذا وسيم

عاد انا وش حليلني مشخص ومبسوط بس ماادري هل انها مستحيه ولاانا مااعجبتها الله واعلم
وقالوا لي انها كانت متقطعه من الحيا وماكانت ناويه تدخل

الزبده طلعت واعجبتني البنت لانكم ابلشتوني اللي يقول الجمال ماهو كل شي واللي يقول لاتدور جمال خيالي واللي يقول اللي يتشرط واجد اخر شيء يرضى بالقليل وانا ماشرطت انها تكون جميلة الجميلات بس اهم شيء ارتاح للشكل والحمدلله ارتحت لشكلها واهلها ارتحت لهم مع انهم فله اخوها ذا زاااااااااااااااحف شكلي بااخليه يجي يسكن معنا ان الله كتب نصيب
المهم قلت لامي بس هم قالوا بنرد عليكم بعدين لانها بتستخير وانا والله لااستخرت ولاشي الله يستر بس

السوأل اللي يتردد في بالي

هل فيه احتمال البنت تطلع زي اخوها الزاحف ذا ترادد وتطنش اخاف تكفخني اذا تزوجنا
؟؟؟؟؟؟؟؟؟؟؟
وهل فيه مشكله لو ابوها كان معطيها يعني محتفل يعني مرفع يعني ماادري عنه بس شكله ماهو طبيعي
؟؟؟؟؟؟؟؟؟؟؟؟؟؟
وسألت قالوا انت بتاخذ الابو ولا البنت

صراحه انا عاجبيني وماهمني اللي صار كله بس انا خايف انها تكون تنفخ ومطنشه زي اخوها بعدين مشكله .

دعواتكم بس بان الله يكتب لي الخير ولاتنسوني من دعواتكم في السر يعني اللي يصلي وتر ولا شي لاينساني

حلوين طيبين وبنحبكون

المشاركة الأصلية كتبت بواسطة لعيون نوف الله يسعدك ياااااااااااااااااارب ان شاء الله ربي يوفقك عااااادي لو كانت زااااااااااحفة احسهم بسطاء وعلى النية والله واعلم هههههههههههههههه احتمال عيالها

المشاركة الأصلية كتبت بواسطة دفــئ النظرة الشرعيه حتى لو لها تخطيط ماتنضبظ سبحان الله مدرى شلون تجي انا صراحه كانت ه المرحله غريبه عندى خخططت واتفقت مع ابوي وكيف يكو ن الوضع لاكن ولا 1% صااااااار اهو جالس دخلت من الخجل انحجبت رؤيه مررررره وقتها اذن العشاء راحو صلو وقلي ابوي ها قلت وش ها ماشفت شي هو لابس نظاره قال ابوي مدري قلت يابوي والله ماشفته ماخلتني اشوف طلعني ع طول كاني بسوي حاجه تخيل جا من بعد صلاه وابوي يفتح الباب الى بوسط المجلسين وخلاه يغير مكانه وقلي طالعي قلت ابوي لاتوضح له انى بطالع لما قربت اشوفه ابوي قله البنت بتشوفك الاهو يلف راسه عشان اشوفه كاااااااااااااااااااااانت بقمه الاحراج لي فضحني ابوي والله يكتب الى فيه الخيرررررررررررر

المشاركة الأصلية كتبت بواسطة microwave الله يسعدك ان شاء الله ويكون في الصالح وان شاء الله يجي الحب ( لووووف )

المشاركة الأصلية كتبت بواسطة أم عبودي جديد بالعكس المفروض ترتاح لانو أنا حسيت من كلامك إنهم بتصرفوا قدامك عطبيعتهم يعني ما همه متصنعين في ناس بينهم وبين حالهم بلاوي بس قدام الغريب ملاك وهالنوعيه مو حلوة