اسعدي زوجك(زوجتك) بحفله رومانسيه رائعه ومو مكلفه

12-05-2005, 07:53 PM

عجميه

عضو دائم

تاريخ التسجيل: Mar 2005

المشاركات: 84

اسعدي زوجك(زوجتك) بحفله رومانسيه رائعه ومو مكلفه

السلام عليكم ورحمة الله وبركاته
اعزائي عزيزاتي:
كثير مننا يبون يسوون لطرفهم الاخر سهرة مميزة لكن لما يحسب كم بتكلفه يكنسلها

ففكرت انه ليش مانسوي نصف الاشياء بيدينا كذا توفر لنا كثيييير

المهم مارح ادوخكم بكثر حكيي
انا سويت سهرتي المميزة مع ابو الشباب

وقلت لازم اوريكم ايش الافكار اللي استخدمتها نظرا لكثرت اسئلة الاعضاء عن هذا الموضوع...

كان ابو الشباب طالع يحلق
فاول حاجه سويتها مليت البانيو مويه دافيه اقرب للحرارة
وحطيت فيها ممكن ملح خشن عادي وممكن املاح الاسترخاء لاصيدليه تبعا وحطيت ورد احمر
وحطيت بعلب زجاجيه صغيرة لها غطاء محكم رسائل غراميه صغير ملفوفه مربوطه بشريط احمر
ووضعتها بالبانيو

وبعدها فرشت السرير بمفرش ابيض ساده
ورشيت عليها ورد احمررر
وبعدين كان عندي قماش لفه كبيرة خذيتها وفرشت فيها جانب من الجلسه اللي راح نجلس فيها ونثرت عليها الورد الاحمر ووضعت بجانبها شموع على شمعدانات طويله وبلونات حمراء على شكل قلب بحيث تشبه الكوشه

وعندي نصف جدار مو مرتفع صاير مثل الرف الطويل حطيت عليها بالتبادل من اوله وردة بيضاء وبعدين شمعه وبعدين وردة حمراء

وهكذا لآخرة

وشريت من ايكيا المزهريه الشفافه اللي على شكل كاس كبير ب19 ريال
ومليتها بالورد المجفف العطري الاحمر وبوسطها شمعه وخليتها فوق طاوله لحالها بس اكتشفت مع الوقت الشمعه فوحت ريحة الورد صارت جنان

وسويت عرض بالشرائح على البور بوينت مرة حلو مع تاثيرات صوتيه وتصير الشاشه تعرض طول الوقت وتعيد

طلبت من محل للجاتو يحضر لي تورته بالفراوله لذيذه
كنت ابيها قلب بس هم غلطوا بالتاريخ وكان الوقت متاخر فرضيت بالمستطيله

وبعدين جهزت طاوله تتفتح كذا رف رشيت على الرف الاول ورد مجفف احمر وكاسات العصير
ملحوظه: القلوب اللي بالكاسات انا سويتها بواسطة عجينة السيراميك وثبتها على عود حديدي سخيف العود هو( تبع تعليق الملابس الحديد استخدمت القطاعه)
ومن الطرف الثاني ثبت كرزة

وعلبة شوكولاه ونوع شوكولاته ثاني مع الشموع الصغيرة
بالرف الثاني: حطيت الجاتو
بالرف الثالث: حطيت السكين للتقطيع مع صحون التقديم

12-05-2005, 08:21 PM

ام نانسى

عضو مميز ومثالي

تاريخ التسجيل: Mar 2005

المشاركات: 145

موضوعك اكثر من رائع ***********جزاك الله كل خير

12-05-2005, 08:34 PM

زنبقة الربيع

عضو نشيط

تاريخ التسجيل: Jan 2004

المشاركات: 154

سلمت ايديكي ..

حقيقة ابدعتي ... وافكارك حلوووه حيل ..

خاصه فكرة الكوشه ..

الصراحه ما قصرتي حيل ..

الله يخليكم لبعض .. ويسعدكم يا اختي ..

دمتي ..

تحياتي

__________________
[light=FFFF33]سبحان الله وبحمده عدد خلقه ورضاء نفسه وزنة عرشه ومداد كلماته
[/light]

12-05-2005, 08:37 PM

عجميه

عضو دائم

تاريخ التسجيل: Mar 2005

المشاركات: 84

بالنسبه لطاولة العشاء:

تقريبا ثلاث ارباعها سويتها بيدي
يعني المناديل خيطتها مناديل بيضاء
حتى الصحون رحت شريت من المكتبه الوان الزجاج اللون ب8 ريال ودهنت صحون من عندي ابيض واحمر حتى اساور المناديل سويتها بعجينة السيراميك على شكل حروف الزوجين ولونتها ولما نشفت ثبت عليها خرز احمر
حتى حامل المناديل سويته بالعجينه
وكاسات المويه كان مشجرة شفافه فلونت التشجير بالاحمر وحطيت جواته منديل احمر
وبالوسط مزهريه من ايكيا ب19 ريال وحطيت فيه الحبوب اللي تتشرب المويه وترتفع طبعا الحبوب حمراء
بالنسبه للكراسي أي مفرش احمر حطي عليه وثبيتيه بورد ابيض يفي بالغرض
وكرت مكتوب عليه للعروسين وكانها طاوله مجهزة لكم باحد الفنادق وتحطي فيها كلمه لزوجك (لزوجتك)

ورشيت على الطاوله ورد مجفف مع حروفنا
جيك المويه: حطيت فيه باركانه فواكه مختلفه طرقة تثبيتها اضع الفاكهه باحد الجوانب ويكون الجيك بوضع مائل واملا الفاكهه بالماء وادخلها الفرير لحد ماتجد واحط الفاكهه الثانيه

والعشاء على بال اختكم

<<<<<<تعرف تشوي

اتمنى عجبتكم السهرة ابغى ارائكم

12-05-2005, 08:43 PM

عجميه

عضو دائم

تاريخ التسجيل: Mar 2005

المشاركات: 84

ام نانسي : انتي الرائعه والله اشكرك على مرورك
زنبقة: يسلم قلبك اهم شئ انها تعجبكم الافكار وتستفيدون منها

12-05-2005, 09:03 PM

عجميه

عضو دائم

تاريخ التسجيل: Mar 2005

المشاركات: 84

نسيت اقول لكم بخصوص الهديه (الهديه كانت هي الغاليه لاني جبت له جزمة(اكرمكم الله) كان يبيها من زمان من قزاز فجلست اجمع لها وفاجئته بها) وهو جاب لي(جوال نوكيا الجديد)

12-05-2005, 09:27 PM

يوسف عبد العزيز

عضو جديد

تاريخ التسجيل: Oct 2003

المشاركات: 49

موضوع مميز ولكي الشكر والتقدير

12-05-2005, 09:46 PM

اوضاح

قلم مبدع

تاريخ التسجيل: May 2005

المشاركات: 290

فكرة رائعه جدا
يعطيك العافيه
والله يسعدكم

__________________
========

12-05-2005, 10:17 PM

زرود الحجاز

عضو دائم

تاريخ التسجيل: May 2005

المشاركات: 62

أفكار مميزة واقتراحات رائعة شكرا لك

13-05-2005, 11:06 AM

#10

صفاء

كبار شخصيات المنتدى

تاريخ التسجيل: Jan 2004

المشاركات: 5,447

اختي الكريمه..

تحياتي لك ولافكارك الرائعه...ونفع الله بها...

ولا تحرمينا من مزيدك...

__________________
سئل الخوارزمي عن الانسان فقال..
اذا كان الانسان ذو (اخلاق) فهو =1
واذا كان ذو جمال اضف الى الواحد صفر=10
واذا كان ذو مال ايضا اضف صفرا=100
واذا كان ذو جمال اضف صفرا ثالثا=1000
واذا كان ذو حسب ونسب اضف صفرا =10000

فلوذهب العدد (1) ذهبت قيمة الانسان وبقيت الاصفار بلا فائدة...

%%%%%%%%%%%%%%%%%%%%%%%%%%%%%%%%
اللهم اشفي امي وابي شفاء تاما..وعوضهما كل خير

جديد المنتدى...

سؤال وجواب (س.ج)

التعديل الأخير تم بواسطة صفاء ; 13-05-2005 الساعة 11:10 AM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه