السلام عليكم ...

عندي طفل عمره 9 سنوات تعبني مرررره في بعض تصرفاته أنا أعشق النظافه لكن مو بوسوسه الحمدلله وعودت اطفالي ع امور اكيد كثير يعملوها مثلاً ايام الصيف كل يوم يتحممو والكبير والصغير بدون مااقولهم يروحو للاستحمام الاوسط لو اجلس سنه مااقوله مايروح اكتشفت انه يكره المويه وضوءه اي كلام انا اغلب الوقت مااحاسبه انصحه فقط ومافي فايده

بعض الامور الي تضايقني وبدأ الصغير بالتقليد ( رمي المنديل في الارض بعد استخدامه ، التبول وهو واقف، عدم التنظيف جيداً بعد الاستحمام يعني عادي مايغسل راسه مثلا يرش ع خفيف صدره ويلف الفوطه ويطلع😒، ملابسه دائماً متناثره ع الارض ، يدعس ع اي شي قدامه لبس نظيف او منشفته الي كانت ع راسه او أكل عادي عنده ، يحب امتلاك اشياء تدوخني

مثل الحجاره واغطية العلب وخيوط وغيرها واكتشفها في جيوبه او في الدروج الخاصه فيه ...

اشجعه ، اخاصمه للاسف مافي نتيجه انا مو هامني الا النظافه ابغاه يكون نظيف مايهمني يرمي ملابسه واغراضه بقدر انه يهتم بتنظيف جسده ويفرش اسنانه لكن لازم اكرر الكلام عشان يستحم ويطلع وهو لا استحم ولاشي اضطر احياناً ادخله بنفسي واحممه لاني مااطيق اشم منه ريحه تنرفزني ...

تعبت ياجماعه من توجيهه احس هذا طبع فيه شايله هم مراهقته ...

ايش الحل برأيكم ...؟؟؟؟