السلام عليكم ,,,


احس الخطيب اللي جا اتقدم كان قدمه نحس عليا ,,,

صديقة عمري وحياتي االلي عشت معاها احلى الايام طلع اخوها يحبني ومتزوج المشكلة ,,, اسمعوا الحكاية

واضحكوا ,,,

اتعرفنا عادي ايام المدرسة لما كنا في المتوسط واتخرجنا مع بعض من الثانوي ,,, ودخلنا الجامعه

نفس القسم ونفس المسار وكل شئ مع بعض سبحان الله رغم اننا ماكنا مقرريين اننا نكون مع بعض لكن نصيبنا

واتعودنا نغير الجداول مثل البعض وخلاص احنا اخوات نحب بعض حب مو طبيعي

حياتي بالنسبة لها كتاب مفتتوووووح تعرف كل صغيرة وكبيرة وهيا نفس الشئ اعرف كل شئ عنها صغيرة وكبيرة

الحين صحبتي عندها اخو عمره 32 سنة ومتزوج من 10 سنوات وعنده 3 اولاد ,,,

حياته مع زوجته كلها معاناة في معاناه ,,,

كنت دائما لما اشووف اخواها >> حياتنا متداخلة نقضي الايام كلها مع بعض وفي الزيارات نجلس يوم كامل مع بعض

كنت لما اشوفه ادعي ربنا اتزوج واحد مثله اخلاق وكريم وشهم ورجال بمعنى الكلمة

لكن زوجته سبحان الله كنت لما اشووفها استحقرها ,,

الله يستر علينا وعليها ,,,

المهم ,,,

صحبتي طبعا كانت دائما بتحكيني عن اخووها وانا كنت اخذ الموضوع عادي جدا بتحكيني ونتكلم عن حياته

وكل شئ ,,,

يعني اعرف كل شئ في حياة زميلتي او اختي بمعنى ثاني ,,,

كانت مسافرة ورجعت طبعا على طوول حكيتها على موضوع العريس حسبتها بتفرح ,, الا فجاة

صاحت لا ماينفع ,,

انا استغربت ومافهمت قصدها ,,,

فجاة بدات تبكي وتقول اخويا يحبك واهلي عارفيين ولو عرف انك ممكن تتزوجي حيتعب ,,,

شوفوا ايش حكتني ,,,

(( كل الهدايا اللي كانت تعطني هيا كانت من اخوها وانا اصلا كنت استغرب وانحرج منها لانها مرة كثيرة

واحسها غالية .. لدرجة في يوم جوالي خرب قامت جابت جوال من اغلى نوع في السوق واعطتني الجوال بالقوة

كهدية .. وكل مرة كنت ازورهم اخوها كان يسمع صوتي وشافني مرة واحدة بس وما كنت اعرف ..

وكان يسمع صوتي واحنا نلعب ونجري في الغرفة وازعاج زيي الاطفال يعرف حياتي كلها يعرف انا ايش اسوي

وكيف اتصرف .. يعرف ايش احب وما احب يعرف كبريائي مررررة ))

ايش اسوي ؟... انصدمت ... ايش الحل ؟...

يبغى يتزوجني تخيلوا ... مستحيييييييييييل ما ارضاها انا من حقي اخذ واحد اعزب ...

الحييين صحبتي ايش بتسوي ؟,,

قلتها لا ,, مستحييييييييييييييييييييل انسي

حلفتني بالله ما اتسرع وفكري تراه يحبك وامي تحبك وكل اهلي يحبوكي ,,,

(( يحبووني حب موطبيعي لكن هذا مو عذر ))

(( مستعدين يسوا فرح كبير وبيت لوحدي وكل شئ كانه زواج من اول جديد ومهر كبير ))

(( موافقين على شرووطي كلها ))

(( لكن اخوها عنده شرط مايطلق زوجته عشان الاولاد لكنه بيعيش معايا انا على طوول ويروح زيارات لاولاده ))

بالله ايش رايكم ؟.,,, امي ماتعرف

والله خائفة حلفت صحبتي انه اخوها بيجي يتقدم مهما يصير ومهما يحصل وحيدفع اللي وراه واللي قدامه عشاني

ياناس ساعدووووووووووووووني ماعندي احد اتكلم معاه في الموضوع

قولولي انا احلم ؟,,, ما اتوقعت شئ كذه يحصلي وما اتوقعت اخوها ممكن يفكر فيا في يوم من الايام

كنت اتعامل بحسن نية ,, هدمت حياة انسانة ياويلي من ربي ,,,

كيف اتصرف ايش اسوي ,,,

كانت صحبتي بتجيني اليوم لكني اتحججت اننا بنخرج وفعلا اهلي خرجوا الا انا لانه الموضوع ذبحني ,,,

يارب سامحني واغفرلي لاني هدمت حياة انسانة غيري والله ماكنت اقصد ,,,

حتى لو كانت ظالمة لزوجها برضه ما ارضاها ..,,,

ياربي انت عالم وعارف اني عمري ما آذيت احد وما اعرف ايش اللي صار وكيف صار ومتى صار

اسألو اي شئ لكن الله يخليكم قولولي حل ,,,

احب صحبتي مستحيل انساها وما اتخيل حياتي من غيرها لكن احس هذا الموضوع ممكن يبعدنا عن بعض

يارب سامحني والله اكتب وابكي احس كاني احلم مستحييييييل اتزوج واحد متزوج او مطلق مهما يصير

مستحييييييييل ابني ساعدتي على تعاسة غيري ,,,

احس من كثر البكى صرت تعبانة واحاول اسلي نفسي باي شئ لكن ما اقدر ,,

اتذكرت اشياء كثير حصلت اتذكر كل كلمة كنا نقولها ,,

كنا حتى نتكلم عن يوم فرحنا وايش بنسوي عن حياتنا وحياة اولادنا ,,

لااله الا الله العظيم الحليم لا الا الله رب العرش العظيم لا الا الله رب السموات ورب الارض ورب العرش الكريم

هذي اسوأ سنة مرت عليا في حياتي كلها مشاكل وهموم ...

ايش اسوي معاها .. ايش اقلها.. كيف اتصرف

لو كنتوا مكاني ايش تسوا ؟...