السلام عليكم ورحمة الله

يااخوان زوجتي تريد ان تسجل في منتدى وتشارك فيه

وانا رفضت الموضوع نهائيا لانه اغلب الشباب في المنتديات ماهمهم الا يتعرفون على البنات طبعا اقصد منتديات الالعاب وليست المنتديات المتخصصة بشيء معين مثل منتدانا هذا

وهي بعدها صغيرة في السن واغار عليها والله اخاف تصير اشياء مب زينة وبعد رفضي اصرت اهي انها تسجل وقالتلي رفضي ماله اي سبب مقنع قلتلها اني اخاف عليها

ولما شفت عنادها زاد فصلت الانترنت من البيت هههههه والله من حوستي وش اسوي
قامت سجلت من بيت اهلها وماطاعتني وانا عرفت وتخانقنا بعدها ورفعت صوتي عليها وطقيت الباب في وجهها وخرجت من البيت واهي الحين زعلانة وانا بعد زعلان والله اكثر منها

مدري وش اسوي دلوني تكفوووون اتركها تسجل وماعليه من احد انا اثق فيها والله وادري فيها بس ما اثق في هالشباب

انصحوني تكفون

ليش دام عندك ثقه في زوجتك خلها تسجل والعفيف عفيف الله يهديك ان شاء الله ويسخر زوجتك لك ان شاء الله

ليه اخوي تحلل على نفسك دخول المنتديات و الاستفاده منها و تحرّمه على زوجتك

خلها على طووول تسجل في منتدانا .. راح تستفيد منه كثير ..

حسسها اخوي بانك تثق فيها .. وخلها تكون واثقه من نفسها ..

ما يمنع اخوي انها تسجل في المنتديات الزينه مع اعطاءك لها بين فتره الثانيه نصايح

وتنبيهات ..

توكل على الله اخوي ..

وعليكم السلام ورحمة الله وبركاته

أخي الفاضل لا بد أن تنزل زوجتك عند رغبتك ولا تعصي كلامك فتشترك من عند بيت أهلها

و الامر بارك الله فيك لك و كما قال النبي عليه الصلاة والسلام " دع ما يريبك إلى ما لا يريبك "

و القاعدة الفقهية تقول " سد الذرائع أولى من جلب المصالح " والتي تعتبر من كمال الشريعة

و بالحوار بينكما تتبيّن وجهات النظر و تتضح أكثر و بدون إفتراق وتفارق

فأنت لا تحب أن تشترك و لكنك الأن كبّرت المشكلة و لا داعي لتكبير المشكلة

فإن كان ولا بد من أن تشترك و أنت لا تطمئن بذلك فلتشارك بوجودك و انت مشترك معها في الردود و في طرح المواضيع و ما إلى ذلك

و لتنتبه إلى أنها يجب أن تكون عند رغبتك مهما كانت مادامت ليست في معصية الله

و الله تعالى أعلم

و الله ولي التوفيق

__________________
ألا إن سلعة الله غالية , ألا إن سلعة الله الجنة

هل يجب على المرأة خدمة زوجها ... أم على الزوج إحضار خادمة للبيت ..؟!!!

الأوضاع الجنسية بين الزوجين

إذا أعجبك شيء فلا تقل ماشاء الله

من هنا تحميل الكتب الشرعيه ..

قال ابن القيم رحمه الله في إعلام الموقعين :

وقد كان السلف الطيب يشتد نكيرهم وغضبهم على من عارض حديث رسول الله صلى الله عليه وسلم برأي أو قياس أو استحسان أو قول أحد من الناس كائناً من كان

السلام عليكم ورحمة الله وبركاته ..

اخواني بارك الله فيكم .. اخوي يقول انه مايبيها تسجل في منتدى العاب وخرابيط ... ومامنه فايده مثل منتدنا ...

انا من رايي اخوي دام انك واثق فيها وفي منتديات حلوه وفيها العاب تنزلها وفي مسلسلات وبرامج حلوه شالمشكله لو خليتها .. انا مسجله في اكثر من منتدى العاب وماقط مرة حد كلمني او ارسل لي انه يبي يتعرف او من هالقيبل لانه يبين من اسلوبي اني مب مالت هالسوالف واكيد زوجنك احسن مني ...

دامك واثق فيها اقصر الشر يخوي ورح لزوحنك وكلمها وبين لها انك كنت تغار عليها ومافي مانع لو سجلت معاها عشان تشاركها يعني وفي نفس الوقت انه هي تحس انك معاها ومايكون في مجال للشيطان يلعب بعقلها لاقدر الله ...

بس اهم شي اخوي فهمها انك تضايقت من رفضها انك تسمع كلامك .. يعني اوكي انت رفضت يا اما تقنعك او تنطر لين تقتنع ماتسوي هالشي من وراك وتروح بيت اهلها تسجل .. هالشي غلط مع احترامي لك ولها اخوي ..

الله ييسر لكم الخير يارب ويصلح بيتكم ويخليكم لبعض يارب ...

__________________
يارب فرج كل هموم نساء ورجال المنتدى وارزق كل بنات المنتدى الزوج الصالح ... وارزق من يتمنى الذرية الصالحة .. اللهم آميييين ...

يارب يا رحمن يارحيم يا قادر على كل شي .. يارب فرحني في اختي نايت ... عاجلاً غير اجل ...
يارب نسمع خبر ملكتها على رجل خير طيب صالح فالح يعينون بعض على طاعتك وعبادتك ...

عجيب امرك اخي الفاضل
محلل شي لنفسك ومحرمه لزوجتك
بأي حق هذا

__________________


اللهم بارك لي في أولادي ولاتضرهم بإحد من خلقك او بشي ووفقهم لطاعتك وارزقني برهم,اللهم يامعلم موسى وآدم علمهم , ويا مفهم سليمان فهمهم , ويا مؤتي لقمان الحكمة وفصل الخطاب آتهم الحكمة وفصل الخطاب,اللهم علمهم ماجهلوا وذكرهم مانسوا وافتح عليهم من بركات السماء والأرض إنك سميع مجيب الدعوات, اللهم أني أسألك لهم قوة الحفظ وصفاء الذهن وسلامة القلب وسرعة الفهم ,اللهم اجعلهم هداة مهتدين غير ضآلين ولا مضلين

ما اعتقد هذي مشكله .. اهيا كيفها تدش وين ما تبي دامها محترمه حالها بين لها انك تثق فيها .. انت مشترك اهني ف لا تحلل على روحك و تحرم عليها شيء ثافه مثل هل الشيء .. لا تكبر الامور لانه السالفه ما تسوى روح و راضها و قولها انك غرت و انك تحبها و ماكو مشكله و اب تعطيها الثقه و خلاص
اختك بني

بصراحه مااشوف زعلك او رفضك له مبرر

الدنيا تغيرت يمكن هيا تستفيد من المنتديات وحتى تتسلى بالألعاب

المحترم محترم في كل مكان واذا انت واثق فيها وواثق من نفسك


فليش ترفض

رفضك ماله أي داعي

و بعدين في منتديات كثير نسائية الرسائل الخاصة ممنوعة أصلا فيها

يعني مضمونة

حتى منتدانا هذا أتوقع الرسائل ممنوعة فيه لا أدري حقيقة بس عمري ما جربت أرسل أو استقبل

هناك منتديات نسائية أولا و هناك منتديات محترمة و ممكن تخليها توقف خاصية الرسايل ؟

ثاني شئ أعرف واحد كان مثلك كذا مع زوجته و صارت زوجته تدخل للشات من عند أهلها

و زوجها ما يدري و ألحين سامح لها تشارك و هو متابع لها بسبب غيرته الشديدة