السلام عليكم
لا تعصبون من اولها اقرو قصتي قبل .... لا تلوموني ....
انا غلطانه وانا عارفه .... بس مو ذنبي اني محبوبه ....
انا احب زوجي كثير وهو يحبني .. بس ما يشبع عاطفتي
انا احب الي يحسسني بقيمتي ....
يمدحني .... يعطيني حنان كثيييييير
انا في شغلي .... الرجال حوالي دايما ....
ومعجبين فيني
كل الي حوالي في الشغل يحبوني و يسمعون كلامي
محد يرفض لي طلب
حتى مديري ... ولو غلطت محد يانبني .... محد يبي يزعلني
زميلاتي غارون مني ....
ومديري ميت فيني ... يجن يوم ابعد عنه ...
يدورني مثل المجنون
محد تجرء وقالي كلمه حلوه بس اشوف كل شي في عيونهم ...
جربت اختفي في الشغل اروح مكان محد يقدر يوصلي بسهوله الا اذا عنده شغل في القسم الي انا فيه
جنون الجماعه الي حوالي ... الكل يحاول يوصلي ...
مديري يمسك نفسه وبعدين ما يقدر يطلبني باي طريقه
احس بحبه الي ... من نطرة عينه الي ما يقدر يرفعها عني
احس بحبه من لهفته على شوفتي
احس بحبه من غيرته يوم يشوف واحد يكلمني ... يبعده عني باي طريقه
احس بحبه يوم ينكد حياة على اي وحده تضايقني من زميلاتي
احس بحبه من موافقته على اي شي اقوله
احس بحبه من غلطه الدااااايم يوم بينادي وحده يناديها باسمي ... ( ويحمر وجهه)
احس بحبه لي جيت اكلمه وتعلقت عيني بعينه وما قدر ينزلها عني
احس بحبه لي صار اجتماع رغم كل الحضور اغلب كلامه لي واغلب الوقت عينه علي ...
حبيته لهتمامه ... حبيته لاحساسه فيني ... حبيته لغيرته ... حبيته وبس
صرت مثله اتمنى قربه
حتى في البيت لما يعجز النوم لا يجيني ذكرته لانه اجمل لحظات يومي ...
لفيت ودرت لين حصلت على صورته .... اشوفها كل ما شتقت له ...
بس
.
.
.
.
.
.
.
.
بعد احب زوجي
ما اقدر اخلي شغلي لاني محتاجتنه
ومااقدر ابعد عن حبي لانه مديري
شو اسوي ردو علي