السلام عليكم ورحمته الله وبركاته
((زوجتي موظفة ولاتساعدني ماديا اذا انتهى راتبي رغم عدم تقصيري معها))

اهني جميع الاعضاء والمراقبين والمشرفين والادارة على هذا الصرح الشامل في الموقع الخدمي واسئل الله ان يجعله في ميزان حسناتكم

ابداموضوعي

انا متزوج من سنتين وحياتي مستقره وجميلة بفضل الله

انا بطبعي انسان حنون وطيب وكل الناس تشهد ب الشي هذا

انا موظف وزجتي ايضا موظفة

طبعا انا علي جميع الازمات المالية من اقصاد الشقة لنها تمليك واقصاد السيارة وقرض البنك وقرض زواج بنك التسليف وفاتورة الكهرب وجوالي وجوال زوجتي وسواق زوجتي وملابسها واغراض البيت وجميع المصاريف والطلعات والروحات والجيات

في بعض الاشهرر ينتهي راتبي قبل موعد الراتب اللي بعده ب ايام وتطلبين زوجتي بعض الاغراض اقولها والله ماعندي شي طبعا هي ماترد جاء في بالي ليش ماتعطين شي امشي بعض الامور كم يوم مبلغ بسيط طبعا انا ماطلبتها واتوقع لو اقولها ماراح ترفض بس انا استغربت انه ماجاء منها بدون م اطلب وانا كنت دايم اقولها احفظي فلوسك احيانا تقول بعشيك برا على حسابي اقولها انا بدفع واحفضي فلوسك بحكم اني انا الرجال والمفروض ادفع

طبعا انا م اخليها تسولي فطور وغداء بحكم عملها بس وجبة وحدة عشاء واحيانآ من برا واساعدها في تنظيف البيت والطبخ

ملابسي كلها اغسلها برا في المغسلة وهيه ملابسها توديها عند اهلها عشان شغالتهم تغسلها

انا مابيني وبينها اي مشكلة حاليا ومثل السمن علي العسل ومافيه مشكله اصلا بس حبيت اخذ رايكم واشوف كان من الفروض تساعديني ب اي ملبغ رمزي او من حقها انها تحتفظ فيه لنفسها

وبخصوص راتبها هيه تصرفه على كماليات مثل ساعات شنط شوزات من برا السعودية علما اني اسدد جوالها ب 400 شهريا انترنت ومكالمات

انتظر اراكم وشكرا

((تم التعديل ليتناسب مع المضمون))

وعليكم السلام ورحمة الله تعالى وبركاته
انت اخي ليش ما تطلب منها بشكل غير مباشر
ممكن انها فاهمة اذا قدمت لك فلوس او اشترت اشياء للبيت انت راح تزعل وخاصة انك انت لي طلبت منها هذ الشئ
مثل تناقش معها اما ان تتنازل عن بعض الامور الثانوية او انها تساعدك فيها
وما عيب ان الرجل يطلب المساعدة من زوجته خاصة انو منو مقصر معاها
انا وزوجي اتفقنا من اول الزواج بما انه يجهز بيت ان مصاريفي الخاصة بالفواتير الهاتف وانترنيت وبعض الامور الثانوية راح اسددها روحي وهذا كان اقتراحي ولمدة حتى ينتهي من انجاز البيت

وعليكم السلام ورحمة الله وبركاته ..
مرحباً أيها الأستاذ الفاضـل ..
أسأل الله أن ينعم عليكما دوماً السعادة والإحترام ..
نصيحتي حاول أن توزن مصاريفك بإتزان بحيث لاتحتاج هي ولا أنت تحتاج منها ..
ولا تطلب منها دعها تأتي منها هي أفضـل ..
طبعاً مساعدة الزوجة للزوج ليس عيب وبالآخر هي مشاركة كلا الطرفين ..الجميل أن تكون منها فلا تأتي بالطلب ..
وفقكما الله ..

اخوي بعض البنات يتأثرون بكلام الحريم من كثر مايقولو الوحده اذا عطت زوجها فلوس بيتعود وبيصير كل شي عليها وف النهايه يتزوج عليها ويخليها بحسرتهاا هذا كلام يدور في اكثر مجالس النساء فتصير عندها ردة فعل وتخاف تعطي بالذات لو ماطلبت انت.. انتآ عادي هي زوجتك ومابينكم المفروض ذي الحواجز اذا محتاج قولها وبتعطيك مابتقصر ان شاء الله.. او اذا وضعك المادي ذي الفتره متأزم وعندك اقساط خلها تشيل التزاماتها من جوال ونت وملابس وبكذا تتساعدو وتوفر ع نفسك .. الله يسعدكم يارب..

__________________
الحمدلله

حسب زوجتك وانا اخوك لكن بشكل عام النساء....... معروف عنهم البخل..
بعض الحريم لو وش ما تساعدك.. لو تشوفك وانت تموت ولازم تدفع فاتورة علاج بميتين ما دفعتها.. غالباً تلقاها فاهمة موضوع الحقوق غلط..
ما أدري وش أقول لك والله وأنا أخوك.. لكن حاول تتفاهم مع زوجتك وتفهمها ان الدنيا تغيرت والأسعار تضاعفت واليد الواحدة ما تصفق..

حاس فيك والله.. كثير من الأصدقاء والزملاء يعانون من نفس المشكلة.. تحس أن مالك أي قيمة عند زوجتك.. واللي يزيد الطين بله لما تشوف زوجات زملائك يدفعون بسخاء.. هنا من جد تحس أن زواجك غلطة كبيرة.. لا اللي انت اخذت ربت البيت ولا خذت اللي تساعدك..
الحمدلله اللي رزقني بالزوجة الصالحة المثقفة والمتفهمة..

المفروض تتكفل هي بمصاريف أي شي يخصها
جوالها طلباتها الخاصة
السواق
وقت الوظيفة من حقك إنت طالما استقطعته هي فالغرم بالغنم
أنا ضد إنها تعطيك مبلغ بايدك
لكن تتكفل بما يخصها
وإذا عقد الشقة باسمك فإنت تسدد القرض الله يعينك
وإذا مشترك فبالنص
الحياة محتاجة تعاون
وأنا مع مبدأ الاستقلال الاقتصادي بين الزوجين
لكن العدل مطلوب
مو طرف مديون وتعبان وطرف مرفه همه نفسه وبس
واذا خلفتوا للبيبي مصرف ثابت
وأي زيادة أو كماليات على حسابها هي المفروض

__________________
## مهم ##
هل تتعرضين للابتزاز في الانترنت؟


هنا من ينقذك

عشان ماتتعوووود
اغلب الحريم كذا تفكيرها

الله يوفقكم ي اختي ريتاج لما يحب ويرضاء اشكرك تفاعلك اما بخصوصي انا متاكد لو اقولها جوالك عليك وسيارة الدوام مارح تتاأخر لكن انا ابي تحس فيني وفي زنقتي اللتي نادرا م تحصل شكرا

اشكرك سرة الحياة على الرد الرائع ولاكن انا لو اطلب منها مباشرة م اتوقع راح تتاخر بس انا ابيها تحس بي ومشاركتي همومي وهموم الحياه غدا سيتيناء اطفال ويتحاجون مدارس خاصة وسواق وشغالت مالها اخر

اهلين اختي انا زي ماسبق قلت هي م اتوقع تقصر لو طلبت مباشر لاكن ابيها تعرف تشاركني همومي غدا سياتي اطفال ويحتاجون مدارس خاصة .....الخ شكرا